أضواء الشهرة

النهارة من 9 صباحا ياسمينتي بتتصل بيا أنا ويمونتي عشان تزف لنا الخبر

مدونتنا نورت المصري اليوم النهاردة في موضوع فالصفحة الأخيرة

يعني في واحدة من أهم صفحات الجريدة وكمان باطار بالاحمر

مش أي أي

فنشكر مخرج الجريدة بصراحة على ذوقه في ابراز الموضوع بتاعنا

شغل صحافة بيظهر اهو :D

http://www.almasry-alyoum.com/article2.aspx?ArticleID=114797

طبعا لازم أشكر ياسمينتي على ده

وعالفرحة اللي أدخلتها لقلبنا

من ساعتها واحنا فرحانين وبنهزر في الحوار ده يا يويو

وكملت كمان لما جابوا سيرتنا في برنامج شبابيك في سياق الحوار

يعني على رأي يمنى إذ فجأة بقينا مشهورين واحنا منعرفش

:D

بس للتوضيح

مفيش علاقة بين مدونتنا ومدونة انا عايزة اتجوز

لا عملنها للمنافسة ولا المواجهة ولا غيره

دي فكرة جتلنا فعملناها

فقط لا غير

لو في تشابه أفكار فأهلا وسهلا .. مفيش بردوا اهلا وسهلا

لكل فيلسوف وجه نظر :D

وطبعا أنا مش هقول يا ياسمين نيتك في الموضوع ده

كفاية اننا عارفينها

وربنا مش هينولهالك باذن الله

وبكرة نشوف

فضفضة

زورونى كل سنة مرة....كل ما ادخل المدونة احس انها بتغنى لى الاغنية دى ....

الواحد ماعدتش عنده كمبيوتر غير يومين فى الاسبوع النت فيهم بيشتغل 8 ساعات بس ..حاجة اخر اذلال

مش مشكلة ...مش عارفة ليه فجأة حسيت انه لو مافيش رجالة الواحدة مننا هتستريح ع الاخر

تخيلو كده لو مافيش رجالة فى الشوارع بمنتهى البساطة فى اى وقت هحب انزل الشارع هلبس الشبشب وانزل مش

متاجة البس عشرميت حاجة ..

و لو خارجة مشوار بعيد هلبس جينز وتى شيرت واسرح شعرى بسرعة واى حاجة فى رجلى وانطلق لاى مكان بعجلة

بتوك توك ....

مش هلاقى حد يعاكسنى فى الشارع ..مش هيبقى فى عرسان ولا جواز ..يا سلااام راحة ما بعدها راحة

بفكر بجد انى اعمل مدينة للستات لما يتخنقو من الرجالة ...تبقى مدينة شاملة ...مؤسسات ...بنوك ...اماكن للشغل

ونوادى.... وطبعا ممنوع فيها الرجالة........هههههه

فى كتاب اسمه النساء من الزهرة والرجال من المريخ بيقول فيه الكاتب ان الستات كانو عايشين على كوكب الزهرة

لوحدهم والرجالة عايشين ع المريخ لوحدهم وبعيدين عاشو الاتنين سوا على كوكب الارض

اتمنى انى ارجع للزهرة ..او نبعتهم للزهرة

اهو الشمس تحرقهم و نبقى خلصنا منهم