Saturday, July 26, 2008

أضواء الشهرة

النهارة من 9 صباحا ياسمينتي بتتصل بيا أنا ويمونتي عشان تزف لنا الخبر
مدونتنا نورت المصري اليوم النهاردة في موضوع فالصفحة الأخيرة
يعني في واحدة من أهم صفحات الجريدة وكمان باطار بالاحمر
مش أي أي
فنشكر مخرج الجريدة بصراحة على ذوقه في ابراز الموضوع بتاعنا
شغل صحافة بيظهر اهو :D
طبعا لازم أشكر ياسمينتي على ده
وعالفرحة اللي أدخلتها لقلبنا
من ساعتها واحنا فرحانين وبنهزر في الحوار ده يا يويو
وكملت كمان لما جابوا سيرتنا في برنامج شبابيك في سياق الحوار
يعني على رأي يمنى إذ فجأة بقينا مشهورين واحنا منعرفش
:D
بس للتوضيح
مفيش علاقة بين مدونتنا ومدونة انا عايزة اتجوز
لا عملنها للمنافسة ولا المواجهة ولا غيره
دي فكرة جتلنا فعملناها
فقط لا غير
لو في تشابه أفكار فأهلا وسهلا .. مفيش بردوا اهلا وسهلا
لكل فيلسوف وجه نظر :D
وطبعا أنا مش هقول يا ياسمين نيتك في الموضوع ده
كفاية اننا عارفينها
وربنا مش هينولهالك باذن الله
وبكرة نشوف

15 comments:

نونو said...

اولا بحييكى على المدونة الجميلة جداااا
وعلى فكرة هى بعيدة عن عايز اتجوز
انا قرتهم الاتنين وكلهم
مبروووك نزولها فى المصرى اليوم

قررت أكون عانس said...

الله يبارك فيك يا نونو و شكرا على رأيك

Amgad said...

الف مبروك يا ستي
وان كان يعيب المقال انو تناول مدونتك بشكل سطحي اوي ومفهمش السيكولوجية اللي انتي تقصديها
بس بجد حاجه جميلة اوي
وعلي فكرة انا اشتريت العدد ده
ولما قريت الكلام اللي مكتوب
قولت دي مدونة صديقة يبقي لازم نهني
انقطاعك عن الزيارة المني
ولكن عزائي اني اتمكن من التعليق
خالص تحياتي

محمد شوشة said...

الف مبروك
والى الامام دائما
بس بجد حقكوا
المدونة من الاخر
ربنا يوفقكوا
امين

قررت أكون عانس said...

امجد

الله يبارك فيك ....عارفين و الله اننا مقصرين فى حق المدونة و شكرا لزيارتك

عربي اعيش فى مصر

الله يبارك فيك ...شكرا ع الزيارة و يارب يوفقنا اميييين

قررت أكون عانس said...

وطبعا أنا مش هقول يا ياسمين نيتك في الموضوع ده
كفاية اننا عارفينها

صحيح يا يويتي هى ايه نية ياسمين عشان مش فاكرة :)

أحمد عبد القوي said...

الموضوع ده مضروب

أنا قرأته أول ما شريت الجرنال وقعدت أضحك

ربنا يسامح اللى كتبه بقى

قررت أكون عانس said...

احمد عبد القوى

شكرا على الزيارة

بس مش حاساه مضروب اوى

عموما خير

Anonymous said...

أولا : طبعا لا وألف لا إية اللي يبقي فاضل لوبقيت عانس
ثانيا: بجد المدونة أكتر من رائعة
ثالثا : أنا بأحيكم بصفتي السيد فهيم علي هذة الجرئة

Rannon said...

انا عرفت المدونة من شبابيك ومن جريدة تانية كتبت عنها..من مدة بس مش فاكرة ايه بالضبط ..انتوا خلاص يابنات عديتوا :))

Anonymous said...

لا ياريت تعزموني يوم فرحكم

Anonymous said...

نفسي اسأل شوية اسئلة بس خايف يعملولي مشكلة
وانا علي قد حالي لا ليا دهر ولا ساكن في برج عالي
ولا عندي فيلا في مارينا ولا شالية في الساحل الشمالي
اهم حاجة عندي بلدي وعيالي
كل اما اجي اتكلم يقولولي خليك في جنب
هو انت اللي هاتغير الكون والا انت اللي ها تزيح السد
ودول ودول ولاد كلب
وانا باقولهم يا جماعة البلد دي مش بلد فرد
البلد دية شعب وناس وارض
ودنيا تانية اسمها الوطن
الاسم دة اتشال من القاموس
الاسم دة سبب الكابوس
يعني اية وطن ويعني اية بلد كل همها
انها تدوس علي الشعب المنحوس
وكل اما تيجي تتكلم وتكح جنب المعلم
يعملولك قضية وتبقي عميل امريكاني قد الدنيا
وتبقي بسلامتك جاسوس
ولسة عايزني اسأل أسئلة
وساعتها هابقي لوحدي ومش هاتبقي مرجلة
وما تعرفوش اذا كنت هاتعلق في سلسلة
والا هايقولوا دا كان وكان ودي كانت مرحلة
والله لسة واقفة في زوري الأسئلة
الله لو اروح فى ابونكلة لا سألها
وربنا ياخدني والا يباركلي مش مشكلة
نفسى اسال يعنى اية رئيس جمهورية
وهية فين الجمهورية
ولية السجاد الاحمر بينفرش منين ميروح
هو مشيةعلى الارض مش مسموح
وليةالكل قدامة بيبقى مطاطى فى الارض
وكانة عامل ذنب
امل فين الشجاعة ولا الشجاعة بس علينا ياولاد كلب
البلد دى بتاعت مين ولا كلنا بتوع فرد
يعنى اية ديمقرطية مش هية هية المحا كم العسكرية
بالظبط زى الكستر والمهلبية وانا اختصرت الكلام
يااللة حسن الختام وربنا يهون عليك وعليا
اصل انا لحد دلوقتى مش عارف الفرق بين الاستعمار والحرية

قررت أكون عانس said...

السيد فهيم

طبعا لا وألف لا إية اللي يبقي فاضل لوبقيت عانس

عادى جدا مش هيحصل اى حاجة
شكرا على الزيارة


Rannona

انتوا خلاص يابنات عديتوا
لسه بدرى على مانعدى

وبعدين عدينا ايه بالظبط؟


Anonymous


لا ياريت تعزموني يوم فرحكم
بس كده ان شاء الله بس من غير استعجال

عبد الحميد بدوي

جميلة اوى..بس هى من غير عنوان؟

Anonymous said...

أنا المتنبي لهذا الزمن


لااحديقرا الشعر فى مدن الضجر
لا احد يقرأنى فى مدن الغجر
انا الحروف واللغة والقلم
فانا المتنبى لهذا الزمن
الشعر عندى وطن الشعر عندى سكن
اكتب على اوراق السجائر
وعلى حيطان المنازل
وعلى اجساد النساء
وعلى صفحات السماء
اعصر نفسى على الورقة البيضاء
انا لست بامير الشعراء
ولا باابى العلاء ولكن الشعر عندى رسالة
كرسالة الانبياء وحى من السماء


اكتب بكل الوان الطيف
فالكتابة عندى نزيف
فالكتابة عندى رغيف
حروفى دهب كلامى عجب اكتب للعصافير وللشجر
اكتب لكى ادق ناقوس الخطر
اكتب لكى يصحو العرب
اكتب لى الف سبب وسبب
لااكذب اذا قولت انا المتنبى لهذا الزمن
من يبارزنى بالكلمات
ينزل على ساحة الور ق أ تحدى الكواكب والنجوم
اتحدى كل مشاهير القلم
اتحدى كل من اختصر الشعوب واختصر البلد
فى واحد فرد صمد
من امتلك الغاز امتلك البلد
فنعمة الاب ونعمة الولد
سابوح لكم بسر خطير فكل الاوراق المهملة
والكتب التى لاتباع ولا تشترى
وكل القصائد الممزقة الباكية
التى تملأ ادراجى وغرفتى
وكل الكلمات وكل الكتابات ليست كلماتى ولا كتاباتى
ولكنها كتابات وكلمات ملايين العرب
فكل كلام الشعوب العربية لا يتعدى الحدود الورقية
اما كلام الحاكم فهو كلام الكتب السماوية
فانا بعكس كل الشعراء اكرة الكلام فى الافعال والاوزان
والنحو والصرف والمسائل اللغوية ولا تشغلنى ابدا القصائد العمودية
ولكن كل الذى يهمنى تلك السواد والحزن الذى يكسى الامة العربية
فكل بحور الشعر عندى تتلاقى فى بحر واحد هو بحر العدل والحرية
انا لا اكتب الشعر ولكنة يكتبنى ولا ارسم البحر ولكنة يرسمنى
فحبى لى اطفال العالم يفوق حبى لى ابنى
اكتب ضد الفساد والجلاداكتب للانتصار
طالما ان هناك استعمار
اكتب كى تشرق شمس النهار
فكثيرا من كتابنا الكباراللذين سخروا حياتهم فى مدح الحاكم والسلطان
فكانهم يكتبون الشعر من امريكا اللاتنية
انشغلوا فى جمع السيرة الهلالية
ولا يرون الثقوب التى تملا العباءة العربية
فالكتابة عندى مقاومة شعبية عملية انتحارية
فكثيرا ما تحدفنى الكتابة للحفر وكثيرا ما تثير كتاباتى الجدل
فانا اكتب من اجل المظلمومين والمقهورين والمعتقلين
والمقطوعين اليد واللسان
اكتب لكى لا اموت محبوس الكلام
فكتاباتى ليست مخدة من ريش نعام
فانا اطرح بالكتابة الف سؤال وسؤال
فسلام مربع للحكام اللذين يحكومننا من الف عام
من هو الشاعر اذا لم يفجرمن ينابيع شعرة بركان
اكرة القصيدة التى لم تصل الى مرحلة الغليان
فالكتابة عندى طوفان

لست وحدى مجهول الهوية
فاخبار الفن هية اهم قضية فى بلا دنا العربية
فصار صدر اليسا وكيف تكون و كيف تبلور وكيف يتكلم بكل اللغات العالمية
صار اهم قضية وعمليات نانسى التجملية
ونسينا كم صار وجهنا القبيح فهو الذى يحتاج الى الف مليون عمليه
فانا مازلت حتى الان مجهول الهويه لااحد يقرأنى لااحد يعرفنى ولا احد يسمع عنى
فى كل المدن العربيه كم اكره بطاقتى الشخصيه
وكم اكره من يتكلمون عن السيره الذاتيه والسياديه والعنصريه
والقرارات المركزيه والمخابرات والمحاكم العسكريه
فانا لست مصريا كما تظنون فاذا سالنى احد عن الهموم
اقول له انا احمل هموم امه
يضحك ويقول هذا مجنون فاصبح الاهتمام بالامه شى من الجنون
فانا لست وحدى مجهول الهواية
ف مشاكل بغداد وفلسطين هية ذاتها مشاكلى الشخصية
فكلنا خارج نطاق الخدمة ليس لنا طعم ولا لون ولاكلمة
من يقرا الشعر من يدخل تلك المنتديات ربما ربما عشرات
لكن من يحضر الحفلات ملايين وربما مليارات
فالفرق شاسع وكبيربين جسد هيفا وجسد القصيده العربيه
وما بين افعال الحكومه وافعال المقاومه الشعبيه

Anonymous said...

ارجو التفضل بالدخول علي مدوناتي


http://wwwahzanmasr.blogspot.com/


http://wwwhayah.blogspot.com/