رحيم

من أسمائه عز وجل

الرحمن الرحيم

جميعنا نستشعر نفحات رحمته في كل فترة من فترات حياتنا

مع ان رحمته دائما ما تكون محيطة بنا

نستشعر رحمته في الابتلاء

في وقت المصائب

حين تتقاذفنا أمواج الحياة

تتخبط سفينتنا في بحر لجي

تبحث عن ملجأ لا تجده الا عنده

تهتف بقلبك : يارب

فتجد رحمته محيطة بك من فورها

قد يطول أمد البلاء

فتعيش فيه ردحا من عمرك

وعلى رغم طوله فإن رحمته تحيط بك من كل جانب

يرسل لك السلوان والصبر دوما

لا يتركك تعاني البلاء وحدك

بل يساعدك على تجاوزه

لأنه رحيم

رحمته وسعت كل شيء

خلقنا بشر خطائين لكنه يقبل منا العمل على صغره

يعفو ويصفح

وحين يبتلينا ليطهرنا

فإن رحمته تشملنا على الرغم من ذنوبنا

يارب لك الحمد

لك الحمد الإسلام

وعلى أن جعلتنا نعرفك ونؤمن بك

يا رحيم

وقفة مصرية

حملة وقفة مصرية كانت بتعملي عصبية رهيبة جدا لانهم كانوا محسسني انهم مثلا ماسكين الرزق بايديهم

وبعدين لاقيت اني ممكن افهمها برؤية خاصة مختلفة

كتير يمنى تحكي لي على حلمها انها تكون ناجحة كمخرجة أفلام سينمائية

وتكون عندها أسرة ناجحة كمان

فقعدت أفكر في ازاي تحقق يمنى معادلة النجاح

اي مشروع بيحتاج لخطة وموارد وماالى ذلك

مثال صغير :

لو عايزة أشتري أرض وأزرعها زرع مثمر يخدم المدينة كلها

هدور بدقة على أرض جيدة .. هختارها بعناية شديدة جدا

بعدين هجيب أفخر البذور وأجودها عشان أزرعها

وهتابع الارض دي بالسقاية الدائمة والرعاية لآخر يوم في حياتي

حتى لما أموت هوكل شخص يتابعها بعدي

لان ببساطة هدفي أخدم المدينة كلها

بثمر مفيد وصالح

الزواج شبيه بالجنينه دي

لاني ببني بيت هدفه خدمة بلدي وأمتي

أني أكون بيت يكون كل الافراد اللي فيه خادمين لمجتمعهم صح متقدمين بيه للامام

وعشان أحقق ده لازم أتعامل مع الموضوع بجدية

مش أتجوز لاني كملت ال 25 سنة

او اتجوز لاني عايزة أحب و أتحب

أو عشان أنتقل لمرحلة اجتماعية ومادية مختلفة

أو خوفا من نظرة الناس ولقب عانس

مش أتجوز لأني عايزة أتجوز وخلاص

انا بتجوز عشان أبني بيت يكون لبنة قوية في جدار مجتمعي

جدارنا في لبنات كتير ضعيفة محتاجة اسمنت وطوب قوي يقوي الجدار

وبيتي حيبقى الاسمنت والحجر القوي ده

فلازم اختار شريكي في المهمة دي بعناية فائقة

مش واحد كويس وهيعيشني كويس وخلاص

شريك كويس هيعيشني كويس و هيخلي مجتمعي يعيش كويس

لانه شخص طموح وعنده هدف

وعايش لغاية أكبر من نفسه

عايش لوطنه

فهختاره كويس وهقرأ كل كتاب يساعدني على انجاح العلاقة واستمرارها

هقرأ عن الاختلاف بين الشخصيات .. عن المريخ والزهره والفروق بينهم

عن الحب .. والتضحية .. والكبرياء

هخطط لزواجي بعناية

وبعد ما أتجوز .. وتيجي مرحلة تكوين أسرة و إنجاب أطفال

مش هنجب عشان اجيب حد يونسنا

او لآني على خلاف مع شريكي فهربطه بالاطفال زي ما بيقولوا

او لان حماتي عايزة ولد

انا هنجب للامة قائد

في الغرب بيخططوا لكل حاجة بما فيها الانجاب

بياخدوا كورسات قبل الزواج وبعدين عن الاطفال والحمل والولادة

والابوة والامومة

لانهم مدركين انهم هيبنوا أنسان

انا هجيب للامة انسان ... يعيش فيها

ويخدمها

المهندس لما بيني اي حاجة بيخطط لكل جزء منه عشان يطلع بناء متكامل

ما بالكم ببناء إنسان

وإنشائه

بغرس فيه كل حاجة ايجابية او سلبية

بساعده في تكوين شخصيته ومستقبله

مما يعني اني بشارك في تكوين مستقبل الامة

انجاب انسان محب وصالح شيء عظيم

انشاء بيت وتكوينه شيء عظيم

والاعظم أن;ي أعملهم لهدف كبير

ومكنش عايزة اتجوز وخلاص

________

وقفة مصرية بتقول
:

قبل ما نجيب مولود نتاكد ان حقه علينا موجود

مش نجيب طفل لعائلة مشتتة

تعامله وحش وتقسو عليه او ترميه في الشارع

فيطلع مجرم كاره للمجتمع

لازم الطفل يجي في عائلة محبة

دي العلاقة بين البوست والحملة

المفترية

سلام عليكم

كل سنة وانتم طيبين

رمضان كريم و معذرة على التأخير فى الردود

المفروض انى اتفقت أنا واّية على البوست اللى هينزل ..بس هخل بالاتفاق

و هكتب عن اّية

هو المفروض ما كنتش هكتب دلوقتى بس حسيت انه اقل تقدير وشكر ليها

الواحد الفترة اللى فاتت كان بيمر بمنعطفات تاريخية منبعجة

و مواقف صعبة وبالرغم ان اّية مش جنبى بس ماسابتنيش ولا لحظة كانت معايا على

طول

فأنا بشكرها جدا و مش عارفة اشكرها ازاى ولا اوفيها حقها ازاى

و بعتذرلها عن تقصيرى فى حقها

هى ممكن ما تقراش الكلام ده دلوقتى بس أهو أقل حاجة أشكرها بيها

فاكرة اول مرة شوفت فيها اّية كنا فى محاضرة فى سنة أولى و قامت تناقش الدكتور

ساعتها دخلت نافوخى اوى وقررت فى نفسى ان البت دى لازم تبقى صاحبتى

لفت نظرى ليها لباقتها ..شياكتها الجامدة والمعهودة :) و لبسها المحترم

شوية شوية بقينا أصحاب ازاى مش فاكرة

اّية من الشخصيات اللى تنخدع فيها ...وشها طفولى جدا و برئ اوى

لكن حقيقة هى غير كده خالص

واحدة مفترية ومفترية

يا ويله وسواد ليله اللى يعمل حاجة تنرفذها لانها مش بتحب الحال المايل

طول النهار بتهزأ و تزعق فى الناس ماعدا أنا طبعا (مفترى على مفترى ما يرولش)

عاقلة اوى و بالذات فى المسائل العاطفية و امور الخطوبة والزواج

ماشاء الله عليها خبيرة( كتير من صاحبتنا المخطوبين اللى هما قليلين اصلا واللى احنا

بنبعد عنهم منعا لانتشار العدوى) بيشتكو لها

فبتقدملهم نصائح واستشارات جامدة جدا

عشان كده سميناها اّية منير

طريقتها فى الكلام مضحكة أوى بتتكلم صوت وصورة و موسيقى تصويرية وأداء تمثيلى

وحركى عالى المستوى

ده زائد قاموس الكلمات الغريبة بتاعها و اللى لوحده يموت من الضحك

من أشهر كلماتها و اللى بتقولها على طول

ماحدش يتسجر...أى يتجرأويفتح بقه بكلمة(مفترية من يومها)

عجوزة كركوعة ..كبيرة فى السن

الرز محصحص ...مش مستوى كويس

المعادن..اللى هى الفلوس العملات و اللى بتكرهها جدا ....و الخ الخ منعا لاحراجها

دايما بتعمل مواقف محرجة جدا بالنسبة لها بس بدل ما نقف جنبها نتريق عليها و

نضحك

مرة روحنا انا وهى وواحدة صاحبتنا كمان سينما

وطبعا جيبنا لب و الحاجات دى

فكل واحدة طلعت حاجة تحط فيها القشر و اشتغلنا وبعد شوية لاحظنا ان اية مش معاها

حاجة تحط فيها قشر اللب و فى

نفس الوقت القشر مش معاها

فوجئنا ان هى بتحط القشر فى مكان فى الكرسى المفروض بيتحط فيه كوبايات وهى

مفكراها مسدودة وعايشة حياتها

وسعيدة انها بتحافظ على نظافة المكان

و اذا بالمكان تحتها شكله فظيع

مليان قشر لب بطريقة مهولة

طبها فطسنا على نفسنا من الضحك

وهى كانت زعلانة جدا بسبب اللى عملته

ده غير مواقف تانية كتيير بس مش هقدر أقولها منعا لاحراجها...و حتى لا تتأزم

العلاقات الدبلوماسية

و بدل ما أشكرها سيحت لها

و كفاية كده

سلااام

21

خلال الشهور القليلة الماضية كثيرا ما كانت جدتي تسألني كم عمرك ؟؟
فأجيبها : واحد وعشرون عاما
فتجيبني : لايبد عليك انك في هذا السن .. تبدين كما لو كنت في السادسة عشرة وتبتسم لي
في كل مرة تسألني كان هذا الحوار يتكرر ومن ثم تدعو لي
اليوم أكملت الواحدة والعشرين رسميا
لا أشعر بأي شعور سوى الحزن
الحزن العظيم لافتقاد جدتي والشوق إاليها ... يعجز قلمي أن يصف مقدار شوقي وحزني
يوم وفاتها محفور في قلبي لا تمحه الايام .. مازلت أرى الجسد المسجى والنعش والجنازة كما لو أنهم أمامي الآن
أفتقدها في رمضان .. فقد كانت عاملا ثابتا لا يتغير فيه ... لامعنى لأول يوم في رمضان دون زيارتها وتقبيل يديها والتماس دعائها
عشت زهاء عشرين عاما في حياتها ولم أعشقها الا في عامها الأخير
أفتقدك جدتي





أشعر بالحزن لحال الأمة حولي وبأني حتى اللحظة لم أتمكن من فعل شيء يذكر لتغيير هذا الحال
أشعر بالحزن على ضياع تلك السنين من عمري دونما انجاز يذكر يفخر به النبي وتسعد به الأمة
كم عمرا آخر احتاجه لأفعل شيئا للاسلام
كم عمرا آخر احتاجه لأترك بصمة في العالم
كم عمرا آخر احتاجه لأتوب وأعود إلى الله

يا ويلتي .. مضى عمري ولم أفعل شيئا ... فمتى أفعل ؟؟

رمضان كريم

كل رمضان وانتو بخير

و يكون شهر العتق ان شاء الله


طبعا كلنا عارفين أد ايه رمضان شهر جميل بيجى معاه الخير كله من ثواب و مغفرة وعتق واستجابة للدعوات وكل


الحاجات الجميلة دى


بس فى حاجات صغيرة بنعملها بحسها جميلة اوى


منها لمة العيلة



أد ايه حاجة جميلة لما العيلة تتجمع فى مكان واحد كبار وصغار مستنين الاذان عشان يفطروا خاصة الاطفال بعد ما


يكونو فطسو وروحهم


طلعت من الصوم واللعب طول النهار


و الناس تشرب مية كتيير لحد ما معدتهم تصوت وتلم عليها الناس


بالنسبة لى اجمل عزومة بحضرها هى عزومة خالى


اكبر عزومة ممكن الواحد يحضرها فى حياته ... العيلة كلها بتبقى موجودة ...القرايب القريبيين والبعاد


الناس اللى مش بنشوفهم غير قليل جدا


بيبقى يومها فى كمية مهولة من الاطفال ....و طبعا جايين ومعاهم البومب والصواريخ و اشكال متطورة من المفرقعات


بحس انى فى فرح مش فى فطار وتسمع بقى الفرقعة والصويت وصوتهم العاااااالى بيبقو جمال بس فى الاخر ببقى


عايزة اشوطهم و ارميهم


فى اى حتة عشان البشرية ترتاح



تانى حاجة بحبها فى رمضان ممكن تحسوها عبيطة بس جميلة اوى


هى





شراشير رمضان


صحيح الشارع بيبقى شكله متخلف فى الاخر نتيجة تعليق كتب الفيزياء والكميا و باقى الكتب المفيدة دى


بس بيبقى فى روح حلوة بين الجيران وتعاون بين الاطفال والكبار عشان تعليقها


و مثلا لو جار مش موجود يجيبو سلم و يعلقو برده


ماشاء ع الاصرار و العزيمة


للاسف مفتقدة موضوع الشراشير جدا و بعتبرنى عشت طفولة بائسة بسببه


عمرى فى حياتى ماعلقت شراشير اما بسبب ان مافيش جيران اطفال ادنا


او لاننا عايشين فى منفى فى الدور 11 فمفيش حد ادامنا نعلق معاه


بس الحمد لله السنة دى علقنا مع اللى تحتنا اللى غالبا مش بيبقو موجودين


ايه الغم ده


و جعتلكو دماغكو ...كفاية كده واسيبكو تكملو تعليق الشراشير



و توتة توتة خلصت الحدوتة