Tuesday, April 21, 2009

تخليت عنهم


يظنون أن التخلي عنهم كان أسهل أمر في حياتي

وبأني بضغطة زر قد أخرجتهم من حياتي إلى الأبد

تظن أني حين أرى اسمها على هاتفي

لا تمتد أصابعي سريعة لمعاوة الاتصال بها

تظن أني حين امتنعت عن الحديث معها فعلت ذلك برضا عن النفس عجيب

يظنون أني حين استمعت لمبرراتهم الواهية لم أتألم

لم يتمزق قلبي وجعا

لم أخبرهم يوما بأن صداقتنا قد انتهت

حزمت أمتعتي ورحلت

رحلت ببساطة من حياتهم

يظنون بأنني فجأة اختفيت

لا يعلمون أني كنت أحزم حقائبي من شهور عدة

وكل يوم جديد أؤجل المحتوم

آمل أن غدا قد يكون أفضل

ساعات اليوم لم تنتهي بعد

ربما في الليل يعودون

يتصلوا

يهتموا

مرت أيامي ولم يحدث

كان لابد لي أن أرحل

بلا كلمة وداع

حبي السابق لهم يمنعني أن أخبرهم

بأنهم تركوا في القلب جراحا لن تندمل

حبي لهم جعلني أسكت وأنا أسمعهم يرحلون عني رافعين شعار

بعد يورث الصفاء
خير من قرب يورث الجفاء

حبي لهم جعلني أؤمن به

وها أنذا أطبقه

ولكن

أنا راحلة للأبد

ولا أظن يوما أن البعد سيورث الصفاء

لأن القرب لم يخلق فقط الجفاء

بل قتل القلب بقسوته

20 comments:

hasona said...

السلام عليكم

نعم يحدث هذا عندما نقدر شخص ويحاول أن يهدر كرامتنا

وعندما نهتم بمشاعر أصدقائنا وهم لا يهتمون

تصعب علينا انفسنا
ونهوي الي ركننا
نرحل ونحن نتعذب

نتركهم بعد ان جربنا ان نستمع لهم أكثر من مرة
وقتها نتخذ القرار بالرحيل من علي ضفاف وشواطئ حياتهم

رؤية said...

لحظات قاسية يدمى لها القلب
لكن الحياة تستمر
الاهم الا نحيا بجحيم انفسنا بعدم رضاها
فكونى واثقة مما اقدمت عليه

تحياتى

مـجـنـووون said...

بجد مدونتك من المدونات الي بعتز بيها ومن أول المدونات الي دخلتها في بداية في التدوين

هقول ايه
كلام في منتهي الروعة ونظره موضوعيه لمي يدور حولنا

وأجمل ما أعجبني
بعد يورث الصفاء
خير من قرب يورث الجفاء


في أوقات بيبقي البعد أحسن علشان نريح الناس الي بنحبهم ونسيب ذكري حلوه بينا نبقي نفتكرها بعد كده

تقبلي مروري
مجنووون

قسمه ونصيب said...

البوست رائع

والحب دايما مرتبط بالبعد يمكن عشان بيديله فرصه اكبر فى انه يفضل موجود وساعات بيخلده

احساسك جامد والبوست روعه


"حبي لهم جعلني أسكت وأنا أسمعهم يرحلون عني رافعين شعار

بعد يورث الصفاء
خير من قرب يورث الجفاء"

حبي لهم جعلني أؤمن به

just dream said...

كان لابد لي أن أرحل

بلا كلمة وداع

حبي السابق لهم يمنعني أن أخبرهم

بأنهم تركوا في القلب جراحا لن تندمل

حبي لهم جعلني أسكت وأنا أسمعهم يرحلون عني رافعين شعار

بعد يورث الصفاء
خير من قرب يورث الجفاء

حقيقى احساس فى قمه الروعه
بس انا حبيت اعلق من غير مااعنس معاكم هههههه
بجد موضوعك رائع

Anonymous said...

:) كلام حسونة صح اوي
حقيقي حاسه جدا

قررت أكون عانس said...

بجد بوست تحفة و معبر جدا
بس فى حاجة العلاقات الانسانية مش بتتاخد قفش كده
كل انسان ليه اخطاؤه و عيوبه
فمينفعش اقلب على الانسان اللى يعتبر اقرب الناس لى و انسى له كل حاجة كويسة عملها لانى مش قادرة استحمل عيوبه
لازم نبص الاول على عيوبنا الاول قبل ما نبص على عيوب اللى ادمنا لاننا احيانا بنعمل بلاوى اللى اداممنا بيستحملها و هو ساكت و لاننا كده هنبقى بنتصيد اخطاؤه و مستنينه يغلط فى حقنا عشان نقطع علاقتنا بيه
لو كل شخص قبلناه فى حياتنا قطعنا علاقتنا بيه عشان اخطاؤه و اعذاره الواهية هيجى علينا يوم نلاقى نفسنا وحيدين لاننا قطعنا علاقتنا بكل الناس اللى حبناهم
و هنلاقى الناس الى حوالينا نافرة مننا

اما نقطة انه قرار ماكنش سهل فامافتكرش لانه شوفت الموقف ده ادامى بيتكرر كذا مرة و كان اسهل قرار بيتاخد


بس بجد احيكى ع القرار الشجاع ده و كويس انك قطعتى علاقتك بالمجرمين اللى انتى كنتى تعرفيهم

ربنا يسعدك و تلاقى الصديق الحقيقى

فلسطينية الهوى said...

hasona
وعليكم السلام

عندك حق بس مش لازم يهدروا كرامتنا

بس ممكن يكون خلاص التواصل بقى مستحيل

ساعتها بنهوي إلى ركننا

منورة
__________________

رؤية :
الحياة فعلا بتستمر

_________________________

مجنون :

أنا سعيدة جدا والله ان حضرتك بتنور مدونتنا بمتابعتها

ويارب دايما نفضل عند حسن ظنك

(في أوقات بيبقي البعد أحسن علشان نريح الناس الي بنحبهم ونسيب ذكري حلوه بينا نبقي نفتكرها بعد كده )

ايوه فعلا مش حلو ابدا اننا ننهي صداقة عاشت معانا كتير بصورة سلبية

ربنا يعزك ويكرمك

شكرا لمرورك وتعليقك

فلسطينية الهوى said...

قسمة ونصيب :

منورة المدونة

سعيدة ان البوست عجبك

شكرا لمرورك
________________________

وكيلة نيابة :

ليه بس ده حتى العنوسة حلوة :D

شرفتينا يافندم بزيارتك كرريها تاني :)

______________

مجهول :

شكرا لمرورك

________________

فلسطينية الهوى said...

يمنى :

منورة بلوجتك

هتنزلي بوستات امتى يا هانم ؟؟

انا معاكي أن العلاقات الإنسانية مببتاخدش قفش

لانها علاقة أخد وعطاء

كل واحد بيبني رصيد من الحب عند الطرف التاني

عشان برصيد الحب المكون ده التاني هيتنازل عن أخطائه في حقه

وهيستحمل عيوبه

لانه عنده رصيد كبير من الحب

وانا مش معاكي ان في صديق يعمل في صديقه بلاوي والتاني يسكت

لان فالاول والاخر الانسان عنده كرامته اللي المفروض ميسمحش لحد انه يدوس عليها

أيا كان الشخص ده

المفروض الصداقة تكون علاقة راقية مابين اتنين

كل واحد فيهم بيحاول ينمي اجمل ما فيه عشان صاحبه

ويتغلب على عيوبه عشانه

فلسطينية الهوى said...

نقطة تانية في قصة أنه قرار سهل

وانتي شفتيه بيتكرر

ممكن يايمنى القرار يبان للجميع انه سهل

سهل في لحظة تقولي ان فلان ده بعد ماكان في مرتبة عالية جدا عندي

منزلته نزلت

بعد ما كان بياخد 90% مثلا هياخد 30% او اقل

اني فجأة أقلل علاقتي بيه وأنهي الصداقة اللي ما بينا

ممكن تبصي من بره تشوفي انه مبقاش زي الاول

قطع فجأة مبقاش بيتصل او ماالى ذلك

انتي شايفه انه كان سهل عليه

بس انتي مش جوا قلبه وشايفه هو حاسس بايه

قراراتنا اللي بتبان للاخرين سهلة وسريعة وبسيط اتخاذها وتنفيذها محدش يعرف ايه اللي وراها

بتقولي كويس انك قطعتي علاقتك بالمجرمين دول

مينفعش أبدا أعتبر شخص كان صديقي في يوم من الأيام أنه مجرم ..

لاني مظنش اني كنت عمياء وانا بختاره

اكيد انا عندي معايير معينة بختار بيها أصدقائي

وأكيد من ضمنها أنهم ميكونش مجرمين :D

بصي مستحيل أقول على اصحابي انهم وحشين

ومش معنى اني بعدت انهم وحشين أبدا أو فيهم عيوب لا تحتمل زي ما بتقولي

ممكن أكون بعدت لان مفيش توافق

او اني محتاجة لفترة نقاهة

او إني لو كملت هنجرح في بعض وانا مش عايزة ده يحصل

انا بقالي شهرين او اكتر عاملة موبايلي صامت ومبردش على حد

سواء عالنت او عالموبايل واكيد انتي عارفة ده كويس

الشهرين دول خرجوني بقناعة واحدة

الدنيا متستحقش نقف عشانها لحظة

الحياة قصيرة جدا

مينفعش نقضيها في اللوم والعتاب والزعل

لازم الحياة تستمر

أرجع أقولك حتى لو بعدت

أنا بحترم صديقاتي دول لأبعد درجة

بتمنى لهم كل السعادة في حياتهم

لا أحتفظ الا بذكرياتي الجيدة معاهم

والله العالم يمكن في يوم الاحوال تتصلح والنفوس تتغير ونرجع انا وهما زي الاول واحسن

AbdElRaHmaN Ayyash said...

ممكن فعلا يبقى المشكلة في مقدار السهولة في اتخاذ القرارات من هذا النوع
المشكلة بالنسبة لي أننا نريد أن نتعامل مع الناس على ما يبدون من السلوك مطالبينهم بأن يعاملونا على ما يعتمل في نفوسنا من نوايا طيبة و صادقة غير مشكوك فيها :)
دمت بخير يا استاذة

Anonymous said...

الحقيقة مش نفسي اعنس بس هشاركم برايي لان الي بتتكلموا عنه اتعرضتلوا شخيا في مواقف كتيرة

بس كان قرار الفراق ليه اسباب اخرى هو فعلا الصاحب والصديق او الصديق اذا كنت بنت
احيانا كتير بنفوت شوية لبعض ولما بنقد صحبتي ده عشان انا بحبها وخايفة عليها لحد تاني يجحها لما يشوف خطاها

بس للاسف انت احيانا بتصدمي ان دية صحبتك وحصلت مواقف شدة كتير ووقفت معاك

يعني باختصار اثبتتلك انها صديقة مخلصة

ييجي يوم من الايام وانت تتفوقي في شيء وتحصلي على حاجة كتيير مميزة
تتفاجئي ان صديقتك ديه قلبت عليكي

بقت بتعاملك بطريقة غريبة انت مش فاهمة ليه

بس عشان انت يعني جاتلك حاجة كويسة
طب ليه متفرحلش

زي ما انا بفرحلها

هو ده الي حصل معايا شخصيا وبجد دايقني جدا


اشكركجدا على خاطرتك الجميلة ديه الي عاطفتها في منتهى الصدق والحزن في نفس الوقت

بتمنى ان ربنا يعوضك عن الي فارقتيهم باخوات افضل

الازهرى said...

من اصعب الامور على النفس
غدر الاصحاب
لانه يأتى من حيث لا نتوقع بل غالبا ما نكون واثقين انه من يحموننا

وعندما ندرك الحقيقة تتضارب المشاعر فى داخلنا
وفى النهاية يجب ان نتركهم ونسعى فى الحياة لانه ليس نهاية المطاف

تحياتى على الموضوع الجميل

Anonymous said...

عاايزاكى ضرورى جدا ياريت تسيبلى اميللك او رقم تلفونك عندى بالمدونة
ماتقلقيش انا بشوف الكومنتات الاول قبل اما اضيفها

همسة said...

بعد يورث الصفاء
خير من قرب يورث الجفاء

عندك حق
على فكرة المدونة كلها جميلة

تحياتى لكى

kochia said...

قد ناخد القرار ولا نستطيع تنفيذه الا بعد حين ولكنه احيانا يجب ان يتخذ

تحياتي

عبد الحميد بدوي said...

ازاى احبك يا بلد وانت مش حبانى
ازاى اعيش واموت واندفن فى ارض رفضانى
بنام وأحلم ببكرة الأقي بكرة زود أحزاني
أة يا بلد لو بإيدي كنت أهدك وابنيكى من تانى
بيقولك تعديل دستوري إحنا عايزين تعديل إنساني
كل إنجازات البلد أنفاق وكباري
بلد بتموت و شعب فى حالة سكوت وكانها لعبة اتارى
من كتر الظلم والضلمة بقول ياريت ايام الملك والانجليز ترجع تانى
أة يا بلد مليت بحبك الدفانر مع العلم أنك قتلاني
مين اللي قال أن عبارة السلام غرقت
ومين اللي قال أن ممدوع إسماعيل قاتل وجاني
اللي غرقت مصر واللي غرق ما بيطلعش حى تانى
هو يطلع من صالة كبار الزوار وأنا اتحبس
في سجن االمطار واتعرض علي البحث الجنائي
انا اللي من صغري أخترتك سكتي أتريها سكة أحزاني
أنا اللي من صغري أخترتك كلمتي ألاقيكي مقيداني
أه يا بلد نفسي قبل ما أموت الاقي زمانك وزمانى
إتغربت أكتر من سبع سنين ورجعت لاقيت الغربة هنا شكل تانى


بلد بتعاني بكل المعاني بكياني وانا املى احس بكيانى
عشرين سنة مخلص محبوس بين جدران دكاني
نفسي أعيش من غير ما أنافق السلطان والسلطاني
نفسي أعيش من غير ما أنافق ولا حتي أبويا اللي رباني
بكرة نتحاسبو علي السكوت وعلي العيشة العميانى
إبني مكملش سنتين نايم جنب مني
بيشد في شعري ويحط صبعة في وداني
ويضربني بالقلم ولسان حالة بيقول لية يابا خلفت تاني
وأنا في سري بأقول ياريتك يا أحمد يابني ياباني إبن ياباني
مع إن وجودك في الدنيا عمل فيا وخلاني
أحب البلد أكتر وأهد جدران دكانى
شيخ الازهر بيقول المعارضة حرام وانا نفسى
اعرف اية الحلال فى بلد المليون حرامى
وحياة عمتك البيضة وكاكولاتك البدنجانى
قولنا ريك بالمرة فى التعذيب فى السجون
والغش والنهب والتز وير فى الانتخابات والمعونة الامريكانى

هاني سعيد said...

احيانا البعد بيبقى حيلة عشان نهرب بشوية الذكريات الجميلة اللى خايفيين ليضيعو مننا فى وسط الزحمة او عشان مانشوفش الوش التانى للناس اللى بنحبهم فنكتشف اننا كنا مخدوعين فيهم فنكرههم ونلاقى نفسنا بقينا لوحدنا فى عالم غريب
مدونة جميلة
تحياتى

hasona said...
This comment has been removed by the author.