Sunday, September 27, 2009

عاشوا لحلم باطل ... لكنهم عاشوه !!



السلام عليكم ورحمة الله وبركاته

بداية الموضوع مش سياسي خالص .. عشان بس محدش يهرب اول ما يقرأ المقدمة :D

ندخل في الموضوع :

قرأت قريب خبر يعتبر قديم نسبيا

( افتتح يوم الأر
بعاء 18/4/2001متحف بجوار المسجد الاقصى في بدروم القصر الذي كان
يقطنه خلفاء المسلمين طوال القرن السابع الميلادي ، ويعرض المتحف بالكمبيوتر مشروع بناء معبد سليمان

على أنقاض الأقصى بتفاصيله الدقيقة

وكأن المشاهد يسير داخل المعبد فيرى فيه الزخرفة الذهبية للبوابات الرئيسية وأماكن دخول الحجاج اليهود)

نفس هذا الم
عبد أذيع عنه قبل افتتاحه بأربع سنوات فيلم وثائقي بيوصفه وصف دقيق

لدرجة حتى الأزياء اللي المفروض رجال الدين والمتعبدين فيه هيلبسوها

_________

مفيش إنسان مسلم أو مسيحي عربي مش عارف أن إسرائيل كاذبة وان الهيكل مش موجود تحت الاقصى
كما يزعمون .. أو إنها دولة احتلال

بس مش ده اللي بيتكلم عنه البوست

اللي بيتكلم عنه

هما عاشوا حلمهم لأي درجة

ازاي بيخططوا لكل خطوة في حلمهم

واز
اي بينشروا للعالم كله الحلم ده عشان يعيشوه زيهم

يعني صمموا حتى الازياء اللي هيلبسوها

وطرق تعقيم الصالات اللي هيدبحوا فيها القرابين

هل احنا بنعيش أحلامنا بالشكل ده ؟؟

بنخطط لها كده ؟؟

بنتخيل لحظات نجاحنا بالصوت والصورة والألوان ؟؟

مش بس بنتخيل

هل عندنا خطط لحياتنا ؟؟

كل سنة فيها هنعمل ايه ؟؟

بعد مااتفرجت على حلقات خواطر للشقيري وشفت ازاي اليابان دولة عظيمة صاحبة اخلاق

الناس دي عايشة لحلم

كل واحد عايش لهدف وحلم

بس كلهم فالاخر عايشين لحلم كبير مشترك

الوطن

مصر

ازاي هنخليها أحلى بلد في العالم

ازاي هناخد بايدها ونخليها ترجع تقف مرة تانية

وترفع راسها بفخر وسط الامم

مفيش حاجة هتتغير في بلدنا

طول ما كل واحد فينا عايش عشان نفسه وبس

يوم ما نعيش عشان هدف كبير لخدمة بلدنا وديننا

ساعتها حياتنا هيبقى لها معنى

وموتنا هيبقى له معنى

وهنفضل سايبين بصمة ورانا مئات السنين

بس احنا نحلم


7 comments:

AbdElRaHmaN Ayyash said...

الحاجة اللي منسيتهاش ابدا من ساعة ما قريتها عن حلم اسرائيل نفسه
ان في سنة 1897 تيودور هرتزل قال اننا بعد خمسين سنة لازم يكون عندنا دولة اسرائيل ، مكانش اكيد انهم مختارين فلسطين لسه ، كان في احتمالية انها تكون الارجنتين ..
لكن بعد خمسين سنة .. مش واحد وخمسين ، ولا تسعة و اربعين ، بعد خمسين سنة في سنة 47 اعلنت اسرائيل :)
و شكرا

الازهرى said...

دايما كنت باقول للناس انى باحترم شخصيات زى شارون وغيره
وكنا بيتعجبوا
فاقول لهم
انهم ناس عندها اهداف بتسعى لها بخطط واضحه وبتنفذها بخطوات دقيقه ومتزنه
صحيح اهداف ضدنا لكن مين قال ان كل العالم لاز يكون معانا

تقدمنا بيبدأ لما تبقى احلامنا طريق لبكره
مش مجرد هروب من النهارده
دا التوكل الحقيقى
تحياتى دوما

بيطرية ومش بايدى said...

اه والله يابنتى بس احنا نحلم ونتمسك بالحلم ده هنبقى احسن بلد ف الكون
احنا اقل من اليابان فى ايه فى حاجة واحدة بس الارادة والتمسك بالفكرة
لكن مصر فيها خيييييييييير كتير اوى بجد
محدش بيحس بقيمتها الا اللى يبعد عنها يعرف قيمتها بس هى منهوبة وبايدينا احنا
هنرجع كل حاجة انهبت
عارفة بتفكرينى باغنية احلم معايا بتاعت حمزة نمرة الراجل ده ربنا يحفظه اغانيه كلها ليها معنى جميل اوى

تقبلى مرورى
ويارب يكرمك ويزيدك كمان وكمان
وانا زبونة معنسة معاكى لاخر خط التعنيس
لحد حارة العوانس وانتى ماشية
دمتى ف حفظ الله

شاب فقرى said...

السلام عليكم

المشكلة فى الاستيقاظ من الحلم

بالنسبة لليهود

والله انا مقتنع انهم حتى لو بنوا الهيكل دا

ما حد هيحج ولا هيعمل

دى كلها اشتغالات واحنا اتعودنا منهم على اكتر من كدا

بالنسبة للاحلام

المشكلة الواحد انه ممكن يعرف يصحى من احلامه دى وممكن تضيعه تماما ومتخليهوش عارف يعمل ايه فى الحياة

كل سنة وانتى طيبة

ولنا زيارات اخرى بما اننا عرفنا عنوان المدونة

شاب فقرى

well said...

عارفة احنا لو كتبنا حلمنا على الورق وكل يوم نشوفه ونقراه ..ممكن نبقى احسن من كدة .....
....تحياتى

Anonymous said...

بصراحة درس قيم جدا عن التخطيط

كل انسان يجب ان يخطط لحياته وبالتخطبط يصل الانسان الى مراده وحلمه


على المستوى الفردي الانسان يطمح الى
الثريا

وبالتخطيط يستطيع الانسان تجاوز جمبع العقبات للوصول الى مراده

في حين ان الذي يطمح للوصول الى العلياء دون تخطيط وعمل

فكأنه يطلب المحال


لا تحسبن المجد تمرا انت آكله ...

لن تبلغ المجد حتى تلعق الصبر

قم أخي وخطط لحياتك واتبع التخطيط بالعمل المستمر والمراجعة الدائمة


بوركتم على هذا البوست الرائع

yossof

عطش الصبار said...

اول زياره لى مدونه جميله
انت بنفسك قلت انه حلم وباطل عاشوه دول مش عايشين اللى عايش جوه سور وفى حمايه سلاح ما يبقاش عايش
دول حلم باطل ان شاء الله حلمنا احنا يتحقق لما نفوق من اوهام اسلام
تحياتى