Friday, January 8, 2010

يعود إلي

في خضم حياتنا اليومية أحيانا أهدافنا بتتأجل حتى إشعار آخر

بتيجي حاجات أهم من حياتنا نفسها تخلينا نعمل ستوب لطريقنا اللي راسمينه

بنوقف كل حاجة ونغير مسار الرحلة

بدل ما ننطلق نحو الهدف

بننطلق للأساس في وجودنا .. عيلتنا

ويمكن ده اللي حصل من يوم مااتخرجت

كل شيء تم تعطيله في حياتي

وأصبح رقم واحد عندي أختي المريضة وأسرتي

فترة كبيرة جدا قضيتها في التفكير وتجارب جديدة كتير مريت بيها

آمل فعلا أنها تصقل شخصيتي

خلال فترة التفك
ير دي تأملت كتير في أنا عايزة أحقق ايه في حياتي

أعدت دراسة الهدف مرات ومرات

هل فعلا الاعلام هو الوسيلة الوحيدة لتحقيق هدفي

ولا ممكن أبرع في وسيلة ووظيفة تانية طبيبة مثلا ولا مربية ولا اي حاجة

النهاردة ترسخ في قلبي تاني وبقوة

أن لا بديل مهما كان عن هدفي الاساسي

ووظيفتي اللي اخترتها

الصحافة والإعلام

واللي رجع رسخ لي الهدف ده .. برنامج على قناة المحور

شفت اد ايه فعلا بيغيروا ويشوهوا الحقايق

بيشتغلوا لمصلحة النظام الفاسد وفقط

بيخدروا الشعب وبيلعبوا بعواطفه

بيطلعوا بزي الحريص على مصلحته وعايش همومه
وحاسس فعلا بمعاناته في كل نواحي حياته

بدءا من رغيف الخبز .. وسرقة حقه في انتخاب من يمثله .. وانتهاء بقتله وتضييع دمه عبثا

قاعدين يتكلموا عن جدار العار اللي مصر بتبنيه

عن تجويع مليون ونصف شخصا لمصلحة العدو الحقيقي لمصر

قاعدين بيكدبوا ويفتروا على المقاومة في فلسطين وفي لبنان

بيشعلوا النار بكل ما ااستطاعوا من قوة

زي ما عملوا أيام ماتش الجزاير ... أيقظوا فتنة لا أول لها ولا آخر

خرج علينا كل الشتامين صباح مساء يسمعونا وصلة ردح في الجزاير واللي عملته مصر عشانهم

دلوقتي طلعوا تاني

بس مش عشان يتكلموا عن مصر المضطهدة المسروقة المنهوبة
أو عن قتل أشقاءنا
في الوطن في نجع حمادي

أو عن الظلم اللي واقع على الكل مسلمين ومسيحين بسبب حكومة لا هم لها سوى افلاس المواطن وقتله

اما ب
الغرق في البحار او النيل .. او بالاوبئة والمزروعات الملوثة

طالعين بيشتموا في شعب تحمل ما لا يتحمله أحد

4 سنوات حصار خانق .. مات المئات بسببه في انتظار فتح معبر فقط ليتلقوا العلاج

عن مئات الأمهات اللي راقبوا أبنائهم بيموتوا قدام عينيهم

عن شعب تلقى أعتى و أقوى وأفظع الأسلحة بصدر عار وكل العالم يطالع موته صباح مساء كمسرحية مكررة

عن شعب أغلقت أمامه منافذ البر والبحر

فلم يجد سوى ممرات تحت الأرض ليؤمن لأطفاله غذاء ومقومات حياة يجعلهم يصمدون ليوم آخر في حياة ظالمة مجحفة

عن شعب يعيش في المخيمات داخل مدن وطنه رافضا أن يطلق عليه أي اسم إلا لاجئ

ليذكر نفسه أنه داخل حدود هذا الوطن له مدينة أخرج منها ولا بد يوما أن يعود إليها

لا أعلم حقا هل أصبحت ثقافة الهوان والاستسلام هي السائدة

فأصبحنا نخشى أن نرى آخرين ما يزالون يقاومون بكرامة

فنستنفر كل السبل لاخضاعهم وكسر الصمود فيهم عبر تجويعهم ومنع الدواء عنهم لسنين

وفوق هذا يخرج الاعلام المأجور للدفاع والشتم والسب

إعلام يتقاضى القائمين عليه الآلاف كل أسبوع

يطالعنا كاذبا ببرود قاتل ليتحدث

عن المواطن المصري

اين هو من المواطن المصري الحقيقي

الأصيل .. الكريم .. الشغوف .. الشهم .. النقي

الذي يكافح ليجعل مصر وطنا أفضل

من الذي يعطيه الحق أن يتحدث عن مصر الحقيقية

وهو ي
عيش في مصر حماية النظام والتبرير له

الشكر موصول لهذا الاعلام المأجور

فقد رسخ لي ايماني بهدفي


11 comments:

أم .. بوبه said...

والله يا أختى لا تعليق على كلامك إنتى قولتى كل إللى نفسى فيه

وخصوصا فساد الإعلام ودوره البشع فى إشعال كل فتنة وتسبيب كل المشاكل إللى إحنا فيها وتشوية صورتنا حسبنا الله ونعم الوكيل

إنسانة said...

هدف رائع ...
و مسار حلو لاتخاذه في الحياة ...
الصحافة لازم يكون صوت للحق ...
عشان الناس كلها تفهم شو الي قاعد يصير صدق ...

أتمنى لج كل التوفيق ...
و تيك كيير ...

Mano said...

اول مرة اجي هنا
وهاجي تاني دايما انشاءالله
علشان بجد كلامك حلو اوي
تسلم ايديك
اما عن تعليقي فبلاش
علشان انا اكتر حد ممكن يكون كاره الاعلام اللي بقي سهل اوي عندهم يكذبوا الحقايق ويدسو الفتن دا غير نشر حكاوي كتير مفبركه لمصلحه جهة او فرد اصحاب نفوذ
تحياتي عالبوست الاكثر من رائع

اقصوصه said...

بالتوفيف يا رب

وان شا الله تحقققين

كل اللي تبينه :)

romansy said...

جميل اصرارك على تحقيق هدفك
ودا لانك شايفه جواكى حاجات جميله بس
فيه ناس خايفه على مراكزها علشان كده بتقول اللى بيرضى الحكومه وبس
جميل اسلوبك
يا اعلاميه المستقبل ان شاء الله

سمكه واحده said...

تصدقي وانا من زمان بحب العلام
وبحس انه من ارقي الوسائل توصيل الحقائق وانه مهم جدا في حياتنا وبلدنا
بس كلامك صح ان دلوقت بقي في كتير بيغيروا الحقائق ودي مصيبه في حد ذتها
بجد ربنا يوفقك وتحققي هدفك
ونحقق كلنا اهدفنا

سمكه واحده said...

اه بالنسبه لسوالك نفسك تعنس معانا
فده في ناس بمزجها وناس مش بمزجها بصراحه
وكله في الاخر يؤدي الي طريق واحد

نهر الحب said...

مدونة تستحق المتابعة
اختى اتمنى ان تشاركى معنا فى
معا ضد جدار العار
هتلاقيها فى مدونتى

تحياتى احترامى لك

Anonymous said...

بجد كلامك صح اوي و لازم فعلا نصممي عالهدف ده
الاعلام بقى صعب اوي و الناس بتصدق اوي من غير تفكير و من غير ما تدور عالحق
الحق الايام دي بقى مختفي جدا و صعب الناس توصله
حسيت اوي بقيمة الدعاء اللهم ارنا الحق حقا و ارزقنا اتباعه و ارنا الباطل باطل و ارزقنا اجتنابه

دعاء خالد

الغاردينيا said...

وانا برضه بشجعك على دا

خليكي وراء حلمك لحد ما يصبح حقيقة

انا برضه اسعى لدا صحيح انا مش

طالبة اعلام بس مجالي يسمح لي بهذا

........ تحية حبيبتي

بالتووفيق

rizk said...

أجمل حاجة إنك مصممة على هدفك ولم تصابى بالإحباط كغيرك فإن كانت فلسطين محتلة من اليهود فنحن أيضا احتلنا الفساد والفرقة والضعف وصدق القائل إذا صلح حال قوم ولاهم الله خيارهم وإذا فسد حال قوم ولاهم الله شرارهم فتصميمك انت واللى زيك بداية صلاح الأمة إن شاء الله