Monday, December 10, 2007

ليه العنوسة دي ؟؟




مافيش مرة قعدت مع اية ولا هى قابلتنى من غير ما نقلب كل حاجة تريقة وهزار حتى لو كانت تراجيدية ، ومن غير ما تيجى فى دماغنا افكار مطرقعة ننفذها
فى مرة كنا بنشيت سوى وقلتلها عايزة اعمل مدونة مفرقعة ( حاسب وشك ) ولانها بت مطرقعة (حاسب وشك مش عايزة اكررها كتيير ) طلبت منها نبقى شركاء

قالتلي قشطة ودايسة معاكي ثواني اعملها لنا
وطلعت المدونة في ساعتها

من غير سابق تخطيط او اجرام



ومن يومها يا عيال الموضوع انتشر


كل ما ننزل الكلية بشياكتنا الجامدة يقولونا بقى دى منظر ناس عايزة تعنس
ناس غريبة والله هو اللى عايز يعنس لازم يبقى مفركش

يا جاعة احنا هنعنس مش هنشحت


زي ما يكونوا ماصدقوا وعايزين يعنسونا

وقال يعني احنا لما نعنس هنحل أزمة قومية
و8 بنات هياخدوا مكاننا
يلا في داهية في داهية ... على رأي هنيدي


احنا بس حبينا نكسر الروتين ونبص للواقع بصورة اخرى فعملنا المدونة

بس خلاويص

7 comments:

المـ(همس)ـشاعر said...

هو دا عين الواقع!!!!!!!!


صقفة كبيرة
( وش بيصقف بحرقة)

يااااااا لطرقعة الأفكار


ربنا يتولانا و يتولاكوا برحمته



يا ريت ما اتفهمش غلط..
انا ضد الفكره قلبا و قالبا

Anonymous said...

والله عجبتني صورة المعنسات اللاتي اقتربن من ال200 عام بس على العموم كدة أحسن كتييييير من اللي احنا بنشوفو وبنسمع عنه في الجامعات من مهازل


أحمد المهدى
كلية الهندسة
جامعة المنصورة

Anonymous said...

انا بجد بحييكو والله فكره تجننننن

يريت بقى تعملو اشتراك للي عوزين ينضم ليكو
وهكون انا اول المشتركيييين :)

*عاااااااازبه وافتخر*

"سماااااااااااسم"

قررت أكون عانس said...

همس المشاعر

ربنا يتولانا و يتولاكوا برحمته

امييييين


أحمد المهدى

اكيد العنوسة احسن كتييير من ان الواحدة تعمل اى حاجة لمجرد انها عايزة تتجوز


سماااااسم منورة وطبعا اهلا بيكى فى نادى العوانس

محـMoHaMeDـمد said...

افتكرت مقولة بتقول : ( ده قصر ديل يا ازعر) .. يعنى قال البنات بتعنس بمزاجها

Anonymous said...

الموضوع دمه خفيف و لكن أخاف أن يفهمه كثير من الناس خطأ و أقترح عناوين جديدة استكمالا لهذه الأفكار
1- ليس دائما الزواج أفضل
2- عنوسة مثمرة خير من زواج هدام
3- الزواج المثمر و إلا فالعنوسة
4- متى يكون الزواج أفضل ؟!
5- نحو الزواج الصحيح
6- بين الفطرة السليمة و حكمة العقل

أبو مصعب المدنى said...

الموضوع دمه خفيف و لكن أخاف أن يفهمه كثير من الناس خطأ و أقترح عناوين جديدة استكمالا لهذه الأفكار
1- ليس دائما الزواج أفضل
2- عنوسة مثمرة خير من زواج هدام
3- الزواج المثمر و إلا فالعنوسة
4- متى يكون الزواج أفضل ؟!
5- نحو الزواج الصحيح
6- بين الفطرة السليمة و حكمة العقل