Monday, May 19, 2008

لما حبك يكون أكبر

تابعت بشغف التعليقات اللي عالبوست اللي فات
واحترمت جميع وجهات النظر المعروضة سواء اختلفت معها او اتفقت
بس لفت نظري جملة في تعليق
فالبوست ده ردا عليها

الحب أجمل شعور في الكون مفيش شك



بيخلي الدنيا قدامنا بلون جديد





بيخلينا نبص للكون بنظرة مختلفة





نعشق القمر والنجوم والطبيعه





كل حاجة حوالينا بتفكرنا بالحبيب ده





نسمة الهوا تمر علينا تؤجج الشوق في الاعماق للحبيب ده


لما نحب بنكون على استعداد كبير لشتى أنواع التضحيات


وكل اما كان الحب أكبر كان استعدادنا للتضحية أكبر






حب صلاح الدين للاقصى خلاه يرفض يبتسم لحد ما يحرره وحرره



حب محمد الفاتح للاسلام وللرسول ورغبته أنه يكون محقق النبوءة خلته يفتح القسطنطينية ويكون نعم الامير لنعم الجيش

حب السيدة : نسيبة للرسول وخوفها على حياته كانت السبب أنها وقفت يوم أحد حين تراجع الرجال وأصيبت في كتفها بس حمت الرسول

فاستحق حبها ده انها تكون هي واسرتها رفيقة الرسول في الجنة وقد كان


حب الصحابية : أم حرام بنت ملحان للاسلام هو اللي خلاها تكون من اوائل الصحابة اللي حاربوا في عرض البحر ... وأول شهيدة على أرض قبرص


حب آيات الاخرس للاقصى هو اللي خلاها قبل زفافها بأيام تقرر أنها تزف للجنان مش لزوجها اللي بتحبه


حب ريم الرياشي للاقصى هو اللي خلاها تضحي بحياتها عشانه تاركة أولادها وزوجها في رعاية الحبيب الاعظم



حب أحمد ياسين للاسلام وللاقصى هو اللي خلاه وهو الشيخ المقعد المعذور يبذل كل طاقته لتحريره فعشان كده استحق حبه صاروخ يجمعه بأحبته في الجنة : النبي وأصحابة



حب الرنتيسي للشهاده هو اللي خلاه يقول كلنا سنموت ولكني أفضل الاباتشي فاستحق حبه انها تكون الاباتشي اللي توصله للجنان باذن الله


حب زينب الغزالي لمصر وللحرية هو اللي خلاها تستحمل سنين السجن المرة والتعذيب الشديد وهي الانثى




حب المهندس خيرت الشاطر وحسن مالك والشرقاوي وحشيش وكلهم لمصر هو السبب اللي خلاهم خلف القضبان بيدافعوا عن حرية مصر


حب أديسون للعلم هو اللي خلاه يستحمل الفشل مرة ورا التانية ورا المية لحد ما اكتشف المصباح









الحب شيء رائع
نعمة كبيرة جدا


ان الانسان يلاقي توأم روحه اللي يعيش معاه أيامه


يكبر معاه ... يبتسم لابتساماته ... ويبكي لدموعه


ينجبوا أبناء يستمر حبهم باستمرار حياتهم

وتظل شجرة الحب تنمو بالاحفاد واحفاد الاحفاد

جميل جدا ان العائلة كلها تتذكر الحب الذي كان سببا في وجودهم


بس الاجمل ان العالم كله يتذكر قصة الحب دي


ان العالم كله يعيش في ظلال قصة الحب دي

لان ببساطة الحب كان أكبر من مجرد انسان


14 comments:

Miss. Sosa said...

جميل معني الحب اللي انتي قصدتيه
والاجمل انه يكون عندك شيئ تحبيه
بس بدري عليكي قوي قرار العنوسة

Anonymous said...

اولا ده كلام جميل جدا
بس بصي لكل الناس اللي انتي كاتباهم

حياتهم الاجتماعية عاملة ازاي؟؟؟

في حد فيهم مش متجوز ؟؟؟
النجاح في الحياة الاجتماعية طريق النجاح في كل حاجه تانية لان الانسان لوحدو ميقدرش يعمل حاجه لازم اللي يشجعو وياخد بايدو ويقف جنبو

الرسول صلى الله عليه وسلم حمل اعظم رسالة في لادنيا فاذا كنا بنتكلم بالمنطق ده يبقى هو اولى انو ميتجوزش عشان يتفرغ للدعوة ولانو كمان كانت النساء بيبايعوه كتير ويشرحلهم دينهم
لكن نبص على الحياة الاجتماعية
نلاقي السيدة خديجة هي اللي ساعدتو وشدت ازرو وقوتو على الدعوه وكان محتاجها جدا

فياريت بس نفكر بالمنطق ده

محمود عبدالمجيد

فلسطينية الهوى said...

ميس سوسا :

منورة المدونة بجد

بفرح اوي لما الاقيكي معلقة

اكيد جميل ان الانسان يكون عنده حب كبير ... وانا مقصدتش من الموضوع اني ضد الجواز ... بس تعليق اني لو حبيت حد هرمي اهدافي ورا ظهري عشانه ده كان الرد عليه

مفيش مانع من اجتماع الاتنين في نظري

ومنورة مرة تانية

_______________

محمود اخويا :

انا مفصلتش ده عن ده

زي ماقلت في التعليق لامانع من اجتماع الاتنين

بس هل حب الشخص اعظم ولا حب الهدف عشان لو استلزم نخير بينهم

يبقى هنختار مين ؟؟


شكرا عالرد يا حودة

قررت أكون عانس said...

نعمة كبيرة جدا


ان الانسان يلاقي توأم روحه اللي يعيش معاه أيامه


يكبر معاه ... يبتسم لابتساماته ... ويبكي لدموعه

بحب الجملة دى

انتى عندك حق الانسان من غير الحب مش هيقدر يعمل اى حاجة

محمد شوشة said...

انا مش معاكم مفيش فرق
وعندى الدليل زوجة عبد الله جول وزوجة اروجان الاتنين ربوا اولادهم ومتجوزين ومثل كويس ليهم رسالة
وهنروح بعيد ليه ما عندنا تيتة سوزان ربت لنا بابا جمال وعمو علاء رغم مسؤلياتها الكتير
والسلام

ادم المصرى said...

معانى جميله جدا بس الى يفهم بقه انتى جبتى القلب الجميل ده منين على فكره مدونتك جميله جدا ياريت اتشرف بيبكى فى مدونتى استفيد من تعبيراتك

إخوانى حتى النخاع said...

السلام عليكم

زى ما قوت الحب دا إحساس راااائع جداااا


كلنا عندنا إحساس الحب دا
بس مع إختلاف

فيه واحد بيحب زميلته
واحد بيحب زوجته
واحد بيحب الرسول
واحد بيحب وطنه
واحد بيجب ربنا

وهكذا...

بس الحب شىء جميل جدااااا
ممكن الواحد يعمل المستحيل من أجل الحب

شكراا ليكى على البوست الجميل دا

أخوكى : إخوانى حتى النخاع

Anonymous said...

كلمات جميلة ومنطقية
لكن تواجدها علي مدونة تحبذ العنوسة بديلاً عن التخلي عن الطموحات تشعرني بأنك لم تقرري بعد ان تكونين عانس .. هي فقط أجراس إنذار لمن سيفكر بالارتباط بك علي ان يتقبلك كما انتي وان يساندك .. احترم وجهة نظرك
ولكني تمنيت ان تفكري قليلاً وبعد الاحداث الأخيرة .. هل حقاً نجاد أو نصرالله ما زالوا يستحقون تقديرنا .. سلام

alqassam said...

انا بجد مستغرب من اسم المدونة قررت اكون عانس!!!!بس بجد بجد بوست لما حبك يكون اكبر والله العظيم روعه روعه لانك تكلمتى عن الحب من منظور مختلف تماما حب نقتقد اليه هذه الايام ....تحياتى لكى ولمدونتك الرائعه

حلاوة روح said...

جميلة جدا الكلام هنا اوى
حسيت بيه جداااااااا
دى أول زيارة ليا للمدونة
حبيت بس اشارك وأقول استمروا
احنا متابعينكم
متابع للموضوعات والردود ان شاء الله

ام يحيي said...

لا الصراحة مش نفسي اعنس ومع ذلك هعلق

متفقة معاك في اكتر من تلات اربع الكلام اللي قولتيه

ومتفهمة جدا طريقة تفكيرك ..* لو كنت زوجة وام ممكن اكون عادية .. لكن اقدر اكون اعلامية متميزة
مش عشان نفسي عايزة انجح .. ومش عشان اثبت للمجتمع اللي مش مصدق اني اقدر انجح اني اقدر
انا بعمل كل دا عشان اسلامي .. ولو انتو معتبرينها تضحية فانا فرحانة بيها ومستعدلها*ا

دي وجهة نظرك اللي فهمتها ..انتي مقتنعة انه في تعارض بين الاتنين .. الزواج والنجاح

وانتي اختارتي .. يمكن عشان توفري علي نفسك عناء الانتظار لحلم انتي حاسة انو صعب يتحقق

يمكن لمزيد من التركيز في حلمك الاعلامي

لكن نصيحة : ركزي في حلمك جدا .. ومتخليش حاجة توقفك ومتضيعيش انهارده عشان بكرة لانك متضميش بكرة ده هييجي ولا لأ

لكن افتكري (تفائلوا بالخير تجدوه )ا

مش مستحيل ولا بعيد ابدا علي ربنا يجمع لك الخيرين
احسني الظن بالله .. واجتهدي في الدعاء


ومتنسيناش احنا كمان في الدعاء

قررت أكون عانس said...

حالة فردية

شكرا لتشريفك لينا فى المدونة

ادهم المصرى

شكرا على كلامك الجميل واكيد ان شاء الله هزور مدونتك


اخوانى حتى النخاع

لا شكر على واجب وعجبنى جدا ايمانك بفكرة رغم حداثة سنك
ربنا يكرمك


حسام المتيم

نورت المدونة وان شاء الله وجهة نظرنا هتبان بمرور الوقت
اما بالنسبة لنجاد و نصر الله ايا كانت
اتجاهتهم فهم يستحقون منا الاحترام

القسام
اهلا بحضرتك فى المدونة و فعلا الحب ده شئ عظيم بس محتاج حد يفهمه


شعراء كلية الاعلام
ربنا يكرمك و ان شاء الله نحاول نقدم المفيد


ام يحى
ما تتخيليش كلامك اسعدنى اد ايه خاصة انه عبر عن اللى جوانا جزاكى الله خيرا و اتمنى انك تشرفينا دايما فى المدونة

سمـــر مــاهر said...

جميله التدوينه

اوى

والمدونه كمان حلوه وروحها خفيفه

Anonymous said...

ماشاء الله المدونة جميلة وانا بحب وجهات النظر وبحترمها جدا وخاصة مشكلة العنوسة ومشكلة الزواج وكلها ظروف إجتماعية مهمة ...وشكرا
أرجو منكم زياة مودونتى
http://freedomformuslims.blogspot.com/ (مدونة الحرية !!!)