Saturday, August 23, 2008

تااج


تاج اتبعت لنا من مدونة انا عايزة أتطلق هو صحيح الرد متأخر بس مش مشكلة


السؤال الاول :


خمس أحلام من الماضي

اّية
اني اشتغل في محل عصير يكون بتاعي


اني اطلع دكتورة عظيمة واكتشف علاج لاي مرض مستعصي


اني اموت صغيرة


اني اعيش في كوخ


اني اطلع القمر واسجد هناك


يمنى

كان نفسى اهرب لفلسطين ايام الانتفاضة

ادخل اعلام واتفوق فيها و ابقى معيدة

اشتغل مراسلة لقناة الجزيرة فى فلسطين

ادرب فريق ريال مدريد الاسبانى لانى بحبه جدا

كان نفسى ابقى رئيسة دولة

ههههههههه


السؤال التاني : خمس احلام للحاضر

اّية


اني اكون مراسلة في فلسطين او الشيشان


اعمل برنامجي الخاص عالجزيرة


اموت صغيرة بردوا يعني مش عايزة اوصل لل 30


اعمل عملية استشهادية


اصلي في الاقصى

يمنى

اكون مخرجة سنيمائية


يبقى عندى شركة انتاج


و اعمل مشروع تنموى كبير افيد بيه الوطن العربى بس مش هبقى فيه لوحدى


ألف العالم و اتعرف على ثقافات جديدة وناس جديدة


أموت شهيدة



السؤال الثالث :

اذكر شخصين كان نفسك تعرفهم من الطفولة


يمنى المهدي ... كان نفسي أعرفها من وأنا صغيرة فعلا


وأشاركها طفولتها المشردة اكيد


بس انا قانعه بشبابها العاقل المجنون :D


الشخص التاني :


ياسمينتي


صديقة قسم صحافة المخلصة دائما


وطبعا منة وبسمة


حقيقي اروع اصحاب


اوبس كده بقوا 4


كفاية كده


يمنى


هما مش شخصين هما 5 اشخاص


اكيد طبعا اية الفقى ....كان نفسى اعرفها من زمااان


و امانى راضى معايا فى الكلية وفى نفس القسم وفى المدينة


زائد هويدا صلاح ومروة بكر وهبه صلاح


هما كتيير بس حياتى اتغيرت تماما لما عرفتهم وعشنا مع بعض لحظات ماعشتهاش ما اقاربى المقربين جدا


ربنا يخليكو لي


36 comments:

كاتب مصري said...

رمضان كريم وكل عام وأنت بخير سيدتي الكريمة..
أتمنى تشربفك مدونتي المتواضعة (كأني أتكلم)
كل ودي

yoyo said...

الاجابات فى منتهى الجمال
بس ليه حاسة فيها بنظرة من التشاؤم مهما كان الوضع لازم يكون فيه ولو امل فى الحياة ومش يمنع اننا عايشين فى الدنيا وعارفين اننا ماشين منها بس مش اننا نتمنى الموت مهما حصل يعنى
اسعدنى المرورو على مدونتى
دمتم بكل خير
تحياتى
يويو

جمعاوي said...

السلام عليكم

والمدونة جميلة أوي

وانتوا الاتنين أحلى من بعض

بس اللى اقدر اقوله

خليك طمووووووووووووووح )خليك طموح

وربنا يا رب يكرمكم

ويلا سلام

عاشقه الاقصى said...

ماشاء الله على الاجابات الجامده ديه


على فكره يايمنى

انا من نفس بلدك

وكمان انتى شوفتينى مرتين بس فى حياتك

عشان اقربلك الصوره

انا فى علاج طبيعى

واللى عرفنا على بعض اسماء

افتكرتى ولا لأ

قررت أكون عانس said...

كاتب مصري

و انت بخير

انا زروت المدونة بس لم اتمكن من الرد و ان شاء الله اعلق قريب جدا



yoyo

اهلا بيكى يا يويو

لا مفيش نظرة تشاؤم ولا حاجة
كل الموضوع ان كل انسان بيبقىى ليه رسالة فى الدنيا بيؤديها ويموت بس كده
و انا كمان اسعدتنى زيارتك لينا فى المدونة


جمعاوي

و عليكم السلام ورحمة الله و بركاته

شكرا على زيارتكلينا فى المدونة وابداء رأيك فيها


عاشقه الاقصى

هههههههههه
يا ستى ربنا يكرمك
انا تقريبا افتكرتك
بس محتاجة اتاأكد انك انتى ولا لا
المرة اللى فاكرة اننا اتقابلنا فيها كان فى فرح صح ولا لا

طارق الغنام said...

اولا كل سنه وانتى طيبه
وياربيحقق كل احلامك وامالك
بس الا حلم واحد او قرار واحد ان تكونى عانس
ربنا يكرمك جواكى شخصيه رائعه
متعك الله بالحب
ودمتى بحقظ الله

هانى زينهم said...

والله كان نفسى اعنس معاكو بس سبق السيف العذل وطبينا والحمد لله الذى لا يحمد على مكروه سواه عجبنى اسم المدونة مريت عليها بس عجبتنى المدونة اكتر من اسمها ربنا يحققلكم احلامكم وتقعوا انتو الاتنين فى ولاد الحلال فى يوم واحد وكل سنة وانتو طيبين

Ahmed El-Agouz said...

السلام عليكم
انا سعيد جدا بتعرفي علي المدونة وان كان لي تحفظ علي العنوان

اكثر ماعجبيني في هذا البوست هو هذا الدويتوا الرائع بينكم
ادام الله حبكم

اسمحولي بالمرور دائما علي هذة المدونة الرائعة
العجوز

Anonymous said...

اتق الله

صورتك مع الشعب المصري كله

blue-wave said...

حلو التاج
واجاباتك روعه
تسلم ايدك

رؤية said...

اجابات روعة،
احبكما فى الله،
تحياتى لكما

عتبة واحد said...

اسم المدونة غريب جدا
هو يشد
بس!!!!!!!!!لا

مش عارف هو اسم غريب

قررت أكون عانس said...

طارق الغنام

وحضرتك طيب

اميييين

ربنا يكرمك على ذوقك وعلى رأيك شكرا على الزيارة الجميلة دى


هانى زينهم

هههههههههههه
يلا معلش

الزواج ده شر لابد منه
ربنا يكرمك

و كل سنة وحضرتك طيب


Ahmed El-Agouz

و عليكم السلام

احنا اسعد بزيارتك للمدونة

و طبعا حضرتك تشرف فى اى وقت دى مش محتاجة كلام


الاخ او الاخت المجهولة

اهلا بيك فى المدونة وان شاء الله مستنين رأيك فى الموضوعات وشكرا ع النصيحة وع الزيارة


blue-wave

شكرا على ذوقك اسعدتنى زيارتك


رؤية

اهلا بيكى يا رؤية

احبك الله الذى احببتينا فيه
مستنين زيارتك وتعليقاتك ان شاء الله


عتبة واحد

ههههههههههههه
هو اسم مطرقع وغريب وصادم

تابعنا وان شاء الله مع الوقت هتتعود عليه

سعيديين بزيارتك

انسان بلا عنوان said...

السلام عليكم

انا اولا عايز اقول انى مقرتش البوست كله وهبقلى اقراه ان شاء الله واخد جوله فى المدونه

بس عايز اقول ان العنوان شدنى !!

هههههههههههههههههه

وعايز اقول برضك بطلوا كدب!!

قررت اكون عانس ....كدبه

مش عايزه اتجوز! تأكيد للكدبه

ده حتى انتم ايه ويمنى

فى ملفكم التعريفى بتحبوا الافلام الرومانسيه
وكتب عن النوعين
يبقى ازاى يعنى

وبعدين من غير الملف التعريفى ده كدبه كبيره برضك!!

ال مش عايزه اتجوز ال
طب ازاى يعنى ؟!!؟

طب عينى فى عينكم كده

شفتوا ...الكدب حرام

كل سنه وانتم الاتنين بخير
واحد الرمضانات القادمه تكونا متجوزين كده بزوجين صالحين

وخلى بالكم الكدب حرام بيكتب فى صحفكم
سلام بقى

كلام وخلاص said...

انتم الاتنين جمال جدا صداقتكم جميلة واحلامكم جميلة ويارب تحققوها كلها
سلام

,.-~*'¨¯¨'*•~mr ,.-~*'¨¯¨'*•~monshed said...

اخت يمني اهنيكي علي البوست الجميل والرائع انا برده فيه حته التشاؤم زي حضرتك بس بجد مدونة حضرتك جميلو وان شاء الله تشرفيني في مدونتي المتواضعة
اخوكي منشد- الزقازيق

قررت أكون عانس said...

انسان بلا عنوان

و عليكم السلام وحمة الله

ههههههههههههههه
موتنى من الضحك

اقرأانت المدونة وانت تفهم ان شاء الله احنا عايزيين نقول
و كل رمضان وانت بخير


كلام وخلاص

اهلا بيك فى المدونة وميرسى على ذوقك

ربنا يكرمك وشكرا ع الزيارة والتعليق

انتم الاتنين جمال جدا صداقتكم جميلة واحلامكم جميلة ويارب تحققوها كلها
سلام



,.-~*'¨¯¨'*•~monshed

اهلا بيك يا منشد
شكرا على زيارتك و تعليقك
بس انا الحمد لله مفيش عندى اى تشاؤم وما اتعقدش ان ده باين من البوست

عايش ولكن said...

هههههههههه اجمل حاجه انى كنت بقرا الكلام واضحك لان بعض الاحلام كانت غريبه
بس التاج عموما اجاباتكوا كانت فيه صريحه شويتين وبجد بحييكوا على الاجابات الجامده دى
تحياتى
علاء

zitsh said...

سبحان الله ياجدع زي الحكمة ما بتقول "يامفرقين الدمع انا مش عاوز"
فكرتيني بنفسي أصلي 19 ولسه عانس ....تصوري!!

سمكه وحده said...

يابنتي انتي بتقولي كده علشان لسه صغنونه 19 سنه ده كان افضل سن في حياتي كلها سن الشقاوه واحلي سن بجد لما تكبري بقي ابقي قررري رغم انفك هههههههه
عموما ربنا يكرمك ويديكي اللي عاوزاه وشكرا علي تعليقك الجميل
ياستي سبحان الله انا مسحت اللي كتبته وحطيت صوره والصوره حلوه تيب
تحياتي

حسن حنفى said...

بجد اجابات جميله وحلوه

يارب تحققي كل احلامك

بس مش تنسي انك تشتريني في الريال

Amr Fahmy said...

أنا عايز أسجل إعجابي الشديد بأمنية تدريب ريال مدريد، مش عشان فريقي المفضل بس... بس أخيراً بنت فكرت تبقى مدرب؟ بجد الأمنية دي معدّية
على فكرة فيه لعبة بتمنحك إنك تدربي الفريق ده بفكرة محاكاة للواقع اسمها
Football Manager
لو فيه فراغ هي بتملاه

عاشقه الاقصى said...

يمنى

لا احنا اتقابلنا مره فى محطه القطر لما كنت مع اسماء اللى فى علاج طبيعى

ومره قابلتك عند ماتريكس بتاع الاثاث المكتبى

لما قولتلك انتى ساكنه هنا قولتيلى لا كنت عند واحده صاحبتى

والكلام ده فى القاهره

مسيرنا نتقابل وتفتكرى

جمعاوي said...

السلام عليكم

عديت بس وحبيت اسلم

يلا سلام

قررت أكون عانس said...

عايش ولكن

اهلا بيك يا علاء فى المدونة
يارب فضل تضحك على طول
وشكرا على الزيارة الكريمة


zitsh

اهلا بيكى فى المدونة
متصوة يعنى تبقى ايه عندك 19 سنة ولسه عانس:)



سمكه وحده

يمكن لما اكبر اعنس رغما عن انفى ويمكن لا

محدش عارف النصيب فين

عموما نورتى المدونة و يا رب تنورينا كده على طول


حسن حنفى

اهلا بيك يا حسن

اكيد ان شاء الله مش هنسى اشتريك فى الفريق
بس انت لو روحت قبلى ابقى اقترح عليهم انى ادربهم
:)


Amr Fahmy

اهلا بيك يا عمرو
اسعدتنى والله برأيك وقومت الفكرة فى دماغى تانى بعد ماكانت احلام طفولة او مراهقة


عاشقه الاقصى

ازيك يا عاشقة الاقصى
اذرينى على ذاكرتى الميح دى
انت عارفة بقى الزهايمر اللى منتشر فى البلد


جمعاوي

و عليكم السلام

منور المدونة وشكرا ع السؤال

شفقة هانم واحسان بك said...

مبروك التاج
كل سنة وانتى طيبة

سمكه وحده said...

لالا بعد الشر عليكي انا بهزر يا ستي ربنا يسعدك يارب ويبارك فيكي واكيد هاجي كتير بس انتي بقي سيبي الباب موارب علشان مش كل شويه اخبط وازعجك ويفتحولي يقولولي دي مش موجوده وانتي تبقي جوه
تحياتي

jessy88 said...

ايه بجد مرسييي جدا على الكلام الحلو عنى دة ويا رب تحققي امانيكي ماعدا امنية الموت بدري ويرزقك بواحد لطيف يديكي على نفوخك لو قلتيله الشيشان ويموتك هو شهيدة ويمنى ربنا يحققلك اللى نفسك فيه

عايزه اتطلق و said...

يعنى اخيرا جاوبتوا التاج وانا اخيرا وصلت تصدقوا فيه جوانب مشتركه يعنى حب الشهاده ولف العالم والاخراج ربنا ينولكوا اليى فى بالكوا ويحققلكوا كل اليى بتتمنوه ..وكل رمضان وانتوا بالف الف خير باقى علىالشهر ايام ..

عتبة واحد said...

انا حاسس انى المدونات بقيت شلل

كل شلة بيدونوا ويعلق على بعض

وانا حاسس انى شلتى فيها الناس دى

عربى اعيش فى مصر said...

والله عال
التيجان كترت اوى وبقيتوا توزعوها على بعض
مال سايب هوه
وبعدين بفرض ان حد اهدالك تاج
تقبليه بسهوله كده
فين ترك حب الامارة
فين التضحية
وبعدين لما انتوا الاتنين تعملوا عمليات استشهادية
وانتوا التاج معاكوا
مين اللى هيحكمنا؟؟؟
نعيش احنا من غير حاكم بقى؟؟
وبعدين المحترمين اللى بعتولكوا التاج ده
ازاى يبعتوه لاتنين معنسين
كده هيفرضوا قرار ملكى بمنع الجواز
ويشحوروا الشعب الغلبان
ماهى نقصاكوا
انا اقترح فرض استفتاء عام
تشرف عليه لجنة مدونين محايدة لمعرفة رأى المدونين فى حصولكوا على التاج ده
انا عن نفسى موافق على منحكم التاج
هى جت عليكوا؟؟؟
مدونة هايلة
ربنا يوفقكوا
ويوفقنى ونحصلكوا
واخر كلامى سلام

قررت أكون عانس said...

شفقة هانم واحسان بك

الله يبارك فيكى
ومش هقولك عقبالك لانه وصلك خلاص
و كل رمضان و انت بألف خير


سمكه وحده

اهلا بيكى ايه النور ده
قولى لى مين اللى بيقولك انى مش موجودة وانا موجودةوانا ابهدله
البيت بيتك تيجى فى اى وقت
بس بلاش تخبطى عشان اتلدوشة ادخلى على طول



jessy88

اهلا بيكى يا ياسمين ربنا يكرمك
بس عايزة انصحك نصيحة لوجه الله بلاش تصدقى الكلام اللى اية كاتباه عنك وتاخدى مقلب فى نفسك:)



عايزه اتطلق و

اه شوفتى الجوانب المشتركة ش معقولة تقابل الامخاخ ده
كل سنة وانت طيبة و رمضان كريم



عتبة واحد
هههههههههههه

may b yes ... may b no



عربى اعيش فى مصر

ايه الكلام الغريب ده
انت ناسى ان احنا خلاص بقى معانا التاج يعنى ممكن نصدر امر ملكى ضدك
بس احنا مش هنعمل كده لاننا ديمقراطيين

shirry said...

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم

نهر الحب said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

قررت أكون عانس said...

shirry

كل عام وانت الى الله اقرب و على طاعته ادوم ومن الجنة اقرب و من النار ابعد

شكرا ع الزياة الكريمة



نهر الحب

اميين يا رب العالمين
اجمل تعليق الدعاء شكر ا ليك ع الزيارة و لك مثل الدعاء ان شاء الله

l7zatelsafa said...

على فكرة المدونة جميلة جدا، وفكرتاه مطرقعة جدا
واسمها شدنى جدا
وأصبتى الهدف
ممكن أعرف منك ايه حكاية التاج ده ، أصلى جديدة فى التدوين ، وكل لما أفتح مدونة ألاقى تاج مبعوت لصاحب المدونة .
وأنا شبطانة وعاوزة واحد زيه
ههههههههههههههه
ممكن أعرف اجيبه أزاى ؟
وحقيقة المدونة عجبانى جدا
وضفتها للمدونات المفضلة ليا