Thursday, August 7, 2008

النداااالة

انا و اية زى ما انتو عارفين اصحاب جدا


و بتجمعنا صفات مشتركة كتيرة اهمها اننا قرنا نكون عوانس


والحقيقة اننا بنتناقش فى الموضوع ده كتير و اسبابه و كل واحدة بتفهم التانية جدا


عمرى ما حكيت لحد او فضفضتله فى الموضوع ده وفهمنى اد اية



لكن فى نفس الوقت فى ندااالة بتحكم علاقتنا احنا الاتنين


كل واحدة لما بتعرف ان التانية جالها عريس او حتى حد حلملها انه فى عريس بتفرح جدا


ماشاء الله الفترة الاخيرة الاحلام نازلة ترف على اية


كل ما حد يشوفها يقولها انه حلملها حلم معناه انهاهتتخطب قريب


و طبعا ما اقلكوش على معنوياتها بتبقى منخفضة اد ايه


لدرجة انها بتتصل مخصوص بيا عشان اواسيها


و انا بمثل الدور ده بس من جوايا ببقى فرحانة اوى و نفسى الحلم يتقلب حقيقة


من الناحية التانية عملت فيها مقلب عشان اختبر مدى اخلاصها لى..و اللى لاقيته مافيش


قلتلها بكل حزن واسى انى جالى عريس


مش عايزة اقولكم السعادة اللى كانت فيها


بس ماستمرتش كتير لانى صدمتها بالحقيقة ان ده مجرد مقلب


كان المفروض اقطع علاقتى بيها للابد بس عذرتها لان عندى نفس الاحساس


احساس الام اللى نفسها تتطمن على بنتها


او الاخت اللى عايزة تفرح باختها


او بمعنى اصح احم احم


الصاحبة اللى عايزة تشمت فى صاحبتها


اللهم لا شماتة


17 comments:

الباحث عن الحقيقة said...

فعلا عندك حق
ومش انتي اللي غلطانه
وانا لو مكانك هتصرف كده برضو
فعلا هو ده اللي لازم يحصل في المواقف دي
متزعليش نفسك انتي
انتي عملتي الصح

قررت أكون عانس said...

الباحث عن الحقيقة

هههههههههههه

انا مش مزعلة نفسى

ما تاخدوش المواضيع قفش كده

شكرا للزيارة المدونة نورت

التائب الحائر said...

السلام عليكم ورحمه الله وبركاته
سيدتى
اسف جدا بس الكلام مش ظاهر امامى
دمتى بكل خير وعافيه
والله الموفق

صوت من مصر said...

للاسف الكلام مش واضح عندى لكن ممكن اقول لحضرتك انا ولد مصرى عربى وقررت ان اكون عاذب ايضا ؟

الباحث عن الحقيقة said...

قفش ايه
وايه الموضوع اساسا
انا كمان مفيش كلام ظاهر عندى
بس قلت طالما جيت ما ينفعش امشي من غير ما اسيب بصمة
تحياتى

ashraketamal said...

قررت اكون عانس

دي اول زيارة لي
مدونتك جميلة جدا
حلو اوي لغلة الكلاب اعزكم الله الى مش مفهومة دي
طبعا مش فهمينها لانها لغتهم ربنا يصلح بينهم

وارجو زيارة مدونتي واعطاء رايك ربنا يوفقك وتقبلى مروري
تحياتي
اشراقة

قررت أكون عانس said...

انا اسفة جدا على الخطأالىى حصل ده و اان شاء الله يكون الكلام واضح

اما بالنسبة للصورة فاضطريت اشيلها لانها مش عاجبة ماما

شكرا على الزيارة

ashraketamal said...

قررت اكون عانس
اولا اعتذر عن الرد الاول ولكن كان ردي باء على انها مزحة او فكرة معينة عندك
اعتذر مرة تانية واتمنى قبول اعتزاري
ثانيا الموضوع جميل جدا
ليه مش تقولى ان صحبتك بتحب ليكي الخير وانها هي كمان عاوزة تتجوز ولكن اتفقكم مانعها تتكلم اونتي كمان نفس الشي لو فكرتي كويس يمكن تلاقي كلامي صح
احترامي
على فكرة الصورة دي احلى
حياتي
اشراقة

ســـهــــر said...

هههههههههههههه

بصى يا قمراية قررى تكونى عانس ماشى
لكن الجواز دة نصيب زى منتى عارفة يعنى ممكن دلوقتى حالا اهو تيجى تقولى ان فرحك كما كام يوم صح ولا لاء؟

يا حبيبة انا كمان مقررة والله انى اكون عانس

بس مقدرش امنع نصيبى

نقدر نقرر لكن منقدرش نقف فى وش القدر

دمتى جميلة


او دمتى عانس لو مش هتزعى :)

قررت أكون عانس said...

ashraketamal

شكرا ع الزيارة ومافيش داعى ابدا للاعتذار طالما هزار و انا مابصتلهاش غير انها هزار


ســـهــــر

هههههههههههه

ساعة القدر يعمى البصر و فعلا ماحدش يقدر يقف قدام النصيب او يقول لا

ده حتى ماما حاسة انى هتخطب قريب

ههههههههههههه

Hadota .. حـدوتة said...

يا خبر
ليه كده
قررتى مقررتيش دى حاجة مش بتاعتك
لما يجى نصيبك هتلاقى نفسك هووووووب فى الكوشة

بس على فكرة ايا كانت الاسباب مستحيل تكون مقنعة
لان سنة الحياة ان الناس بتجوز
والا مكنش الشرع والدين نظم العلاقة بين الرجل والمرأة فى اطار الجواز .. ومكنش ربنا قدس الزواج فى القران وجعله مودة ورحمة وحاجات تانية كتير

معاكى ان فيه حاجات وحشة كتير فى الجواز بس الحاجات الوحشة دى من البشر نفسهم
واحدة متجوزة واحد نكدى او شرير او او ... دى كلها عيوب فى البشر مش فى الزواج


احسنى الاختيار ومتقفليش على نفسك

كفاية لما تكبرى وتبقى عجوزة يبقى عندك ولاد يجوا يخبطوا عليكى يعلمولك سندوتش جبنة ويدوكى الدوا ويجيبوا ولادهم القرود ينططوا عندك فى الشقة

يللا يا جميلة


عاوزة اسمع عنك كل خير


تحياتى
:)

قررت أكون عانس said...

Hadota .. حـدوتة

عندك حق فى كل كلمة انتى قلتيها ...

و الانسان لازم يختار صح و فى الاخر ...انت تريد و انا اريد و الله يفعل ما يريد

The Führer said...

قررتوا تكونوا عوانس فعلا ولا كدة وكدة؟!!
شكلكوا بتهرجوا ، دة عندنا في الصعيد البنات ح يموتوا ويجوزوا ولو حتي راجل بلاستيك!!!

قررت أكون عانس said...

The Führer

ههههههههههه

انت ايه رايك بنهرج و لا بنتكلم جد

و ضحكتنى اوى راجل بلاستيك

Rannona said...

انتوا هتشتغلونا ولا ايه.
أنا لو منك بعد اختبار الاخلاص ده.. ما اعرفهاش تاني..
وكمان ليها عين تفرحلك :@:@:@

ربنا يخليكوا لبعض :)

قررت أكون عانس said...

Rannona

انتوا هتشتغلونا ولا ايه.
أنا لو منك بعد اختبار الاخلاص ده.. ما اعرفهاش تاني..
وكمان ليها عين تفرحلك :@:@:@

انا بقول كده برده
ههههههه

ربنا يخليكوا لبعض

امييين

sendrlla said...


انا بس عندى سؤال انت ليه عايزة تبقى عانس وذنب صاحبتك ايه معاكى انك تقنعيها بمبدأك
هو دا اختراع او ظاهرة جديده عايزين تشوفوا تأثيرها على المجتمع لما انتو الاتنين تبقوا عوانس
معلش انا مش معاكى فى فكرتك خاااااااالص
بس انا متأكده انك لازم هنغيرى فكرتك لان دا الطبيعى بتاع الناس كلها
وبرده انت حره
........................
سندريلا