Friday, September 5, 2008

21



خلال الشهور القليلة الماضية كثيرا ما كانت جدتي تسألني كم عمرك ؟؟
فأجيبها : واحد وعشرون عاما
فتجيبني : لايبد عليك انك في هذا السن .. تبدين كما لو كنت في السادسة عشرة وتبتسم لي
في كل مرة تسألني كان هذا الحوار يتكرر ومن ثم تدعو لي
اليوم أكملت الواحدة والعشرين رسميا
لا أشعر بأي شعور سوى الحزن
الحزن العظيم لافتقاد جدتي والشوق إاليها ... يعجز قلمي أن يصف مقدار شوقي وحزني
يوم وفاتها محفور في قلبي لا تمحه الايام .. مازلت أرى الجسد المسجى والنعش والجنازة كما لو أنهم أمامي الآن
أفتقدها في رمضان .. فقد كانت عاملا ثابتا لا يتغير فيه ... لامعنى لأول يوم في رمضان دون زيارتها وتقبيل يديها والتماس دعائها
عشت زهاء عشرين عاما في حياتها ولم أعشقها الا في عامها الأخير
أفتقدك جدتي





أشعر بالحزن لحال الأمة حولي وبأني حتى اللحظة لم أتمكن من فعل شيء يذكر لتغيير هذا الحال
أشعر بالحزن على ضياع تلك السنين من عمري دونما انجاز يذكر يفخر به النبي وتسعد به الأمة
كم عمرا آخر احتاجه لأفعل شيئا للاسلام
كم عمرا آخر احتاجه لأترك بصمة في العالم
كم عمرا آخر احتاجه لأتوب وأعود إلى الله

يا ويلتي .. مضى عمري ولم أفعل شيئا ... فمتى أفعل ؟؟




24 comments:

الحكمة ضالة المؤمن said...

تقمد الله روح جدتك
واسكنها فسيح جناته
وانا لله وانا اليه راجعون
ما ماذا ستقدمين
فذاك في علم الغيب
وربما عمل لم تشعري به
بسيط
ساهم في اسعاد شخص
وربما ابتسامة منك
قد انارة لشخص اخر
واعطته روح الامل
وكان في ذاك اليوم يحتاج لهذه الابتسامة
من اي شخص لينتشله مما كان فيه
فلا تستهيني بما قدمتي ولم تعلمي عنه
فربا تكون لكي
مثل الصدقة الخفية
التي تقدمها اليد اليمنى ولا تعلم عنها الاخرى
ودمتي سالمة

Rannon said...

رحم الله جدتك وأطال في عمرك
كل سنة وانت طيبة
إحنا على كدة مواليد يوم واحدبقى :D

عقبال مليون سنة

blue-wave said...

ممممممممم
طريقه غريبه للإحتفال بعيد الميلاد
اسكن الله جدتك فسيح جناته
والهمك الصبر والسلوان
وكل عام وانتى بخير رغما عن الأحزان

Lady E said...

ربنا يرحم جدتك وجدتي وكل الجدات والمسلمين يا رب

انا متفقة معاكي في كل كلمة من كلمات
البوست لأن ده بالتحديد نفس شعوري

كل سنة وانتي طيبة وان شاء الله بدام عندنا العزيمة اكيد ربنا سبحانه وتعالى هيوفقنا وهنقدر نعمل حاجة في يوم من الأيام

دمتي بخير دائما

Anonymous said...

رحم الله الجميع


الحياة تحتاج احيانا الي لحظة
لتسال ات نفسك كم فات من عمرك

تحياتي لاحساسك العالي

Anonymous said...

كل سنة وانت طيبة

العمر امامك لازال يحمل لك الخير الكثير .. لكل دور ورسالة .. تأتى فى وقتها

عقبال ميت سنة

كيكى عوووووو said...

عووووووووووووو انا جيت اتخديت
..............................
اةةةةةةةةةةةةةةةةةة
عايزة اعنس
معاكم
ههههههههههههههههههههه
..........................
واحد وعشرون
عاما من عمرى مضى
لان احزن عليهم
ابدااااااااااااااااا
لان..ما زال لدى الامل فى البقاء
فهمتى اقصد اية
؟
حبيبتى ربنا يرحم ماما ستو
انا حاسة كلامك اوووووووووى والله
كل سنة وانتى بخير وصحة
اختك كيكى
عووووووووووووووووووووو

Anonymous said...

ياااااااااه

انا كمان افتقد شخصا

جدى

اول رمضان بدونه

حلو اوى البوست

سلامات :)

قررت أكون عانس said...

اية

كل سنة وانتى عانس كوووول

ربنا يرحم جدتك و يغفر لها و يرحمنا ويغفر لنا احنا كمان

ما تستعجليش الامور
انا زيك حاسة ان سنين عمرى بتعدى من غير اى انجاز

بس عشان ننجح لازم نجرب ونفشل اكتر من مرة

و انت جربتى كتيير و نويتى خير وانا واثقة ان ربنا هيستخدمك و هتعملى حاجات حلوة كتيير
بس استمرى انت فى السعى و فى الدعاء

يمنى

غروب said...

اولا كل سنه وانتى طيبه بمناسبه رمضان

ثانيا بمناسبه عيد ميلادك

وربنا يرحم جدتك يااااارب ومتزعليش فنحن في دار الفناء وهى في دار الحق وكلنا ملحقين بيها ان شاء الله وتذكرى ان المرء يحشر مع من احب فربنا يجمعك بيها ان شاء الله بعد عمر مديد

مـجـنـووون said...

السلام عليكم ورحمة الله وبركاته
الله يرحم جدتك ويسكنها فسيح جناته

أشعر بالحزن لحال الأمة حولي وبأني حتى اللحظة لم أتمكن من فعل شيء يذكر لتغيير هذا الحال

كويس أنك فكرة وبتزعلي علي حال الأمة ، في ناس غيرك معندهاش دم ومش في دماغها غير نفسها وبس

تقبلي مروري
مجنووون

د. مونى said...

حبيبتى:
فيه ناس كنير مش بنعرف قيمتها غير لما نفقدها ادعيلها وادعى لمسلمين جميعا الاحياء منهم والاموات وخليى عندك اصرار ان بكرة ميكونش زي النهارده او امبارح
غلط تبصى وراكي وتندمى على الوقت اللى راح
الى راح مش حاجة جنب اللى هييجى بإذن الله ...
ربنا يكرمك ويلحقنا بجدتك وجدي

د. مونى said...

نسيت اقوللك كل سنة وانتى طيبة وجميل ان عيد ميلادك جه فى رمضان ياريت كنتى تكتبيلنا شعورك وانتى بتحتفلى بعيد ميلادك فى رمضان
اكيد ليه طعم مختلف
كل سنة وانتى طيبة ياقمر

صباح الصباح said...

لا تقدرى
تقدرى تعملى حاجات كويسة
مش لازم تكون كبيرة اوى
ممكن تكون بسيطة جدا بس الحبة الصغيرة على الحبة الصغيرة بتعمل بحور كبيرة
يارب يكون اللى اقصدة وصل يا جميل

Selfmeaning said...

ربنا يرحمها و يرحم اموات المسلمين اجمعين

و يجمعك بيها فى الجنة ان شاء الله

و تحياتى لتعبيرك الصادق

براحتك بقى said...

انا مدونة جديدة عندي 16 سنة وعايزة اعرف رأيك

shirry said...

البقاء لله
وان شاء الله في الجنة
وانتي ادعي لها بقي
وانتهزي فرصة رمضان

وكل سنة وانتي طيبة وتعيشي وتفتكري

هانى زينهم said...

مش كل الناس مطلوب منها انها تسيب بصمة فى العالم كفاية انه يسيب بصمة فى حياة الناس اللى بيحبهم زى جدتك الله يرحمها ما تشيليش نفسك هم فوق طاقتك وكفاية انك تعملى اللى انت شايفاه صح وتحاولى تكونى مفيدة لقريبين منك
رمضان كريم

Anonymous said...

قررت أكون عانس

http://zahrapharm2000.blogspot.com/2008/06/blog-post_24.html

شوفي البلوج ده

Anonymous said...

ولازم جميع المدونين يطلعوا على البلوج ده

مهم جدا جدا بموضوع العنوسة

http://zahrapharm2000.blogspot.com/2008/06/blog-post_24.html

قررت أكون عانس said...

سلام عليكم

كل سنة و انتم بألف خير زربنا يتقبل منا جميعا رمضان

معذرة على التأخير فى الرد و التقصير

المفروض اية هى اللى ترد عليكم لكن هى مش هتقدر لان مش عندها نت

لكن هى بتشكركم جدا على مشاعركم

Anonymous said...

الله يرحم جدتك يا رب و تكون الآن من أهل الفردوس
فعلا الناس اللى بنحبها أوى و بيكون فى حاجات متنفعش إلا بيهم بيسيبوا فراغ كبير أوى لما يسيبونا و يمشوا بس هى دى الدنيا دلوقتى بنفتكرهم و نحزن أوى بكرة نفتكرهم و نحزن و بعده نفتكرهم و نشتاق و بعد بعده نفتكرهم و نترحهم عليهم بس دايما بيكونوا فى قلبنا بس من رحمة ربنا إن الحزن بيقل



و كل سنة و أنتى طيبة و تقبلى مرورى

فلسطينية الهوى said...

شكرا ليكم جميعا بجد

اسعدتوني بتعليقاتكم اللي كنت متابعاها بالموبايل والتلفون من يمنى

آسفة لتاخري في الرد


بس ازمة النت على وشك ان تنتهي

maxbeta3zaman said...

والله انا شايف خساره انك تروحى للعنوسه برجليكى ...بعدين نرجع نزعل ونقول انه كان غلط اتجوزى يابنتى احسن لك لأن انا عرفت رجال زمايلى عملو كده وقالو نبقى طيور محلقه ولكن لما قابلت أحدهم مره على الشاطىء وكان معى أولادى ...لايمكن أن أصف لك نظرة الأسى الدفين التى رأيتها فى عينهلذا أرجو أن يكون الشعار مجرد مزحه تتبخر مع ظهور أول فارس بعربيه سيات بيضاء