Sunday, February 8, 2009

غزة .. أشكرك


من بعد حرب الابادة اللي حصلت في غزة

وانا مش عارفة أكتب



حاسة أن كلنا رجعنا لنمط حياتنا تاني وهننساهم



هننسى الاطفال

هننسى الارامل



هننسى المحرقة البشعة اللي حصلت هناك



حاسة أني مينفعش أكتب الا عنهم



كل حياتي لازم تفضل عشانهم



زي ما كانت أيامها



غزة وضحت لنا أمور كتير



غزة صحت الأمة كلها



غزة رجعت لي آية من جديد



آية اللي فقدتها من سنين



لقيتها بترجع تاني وقتها



بتصحى من سباتها الطويل



بترمي شخصيتها الغريبة اللي كانت لابساها



حسيت اني اتولدت تاني من جديد



كانت ولادة مؤلمة



انها متجيش الا من وسط الدمار وآلاف الشهداء



بس أنا بقيت آية مرة تانية



أحلام كتير كنت ركنتها عالرف .. حاولت أمسحها من وجداني رجعت تاني وبقوة



آمال كنت صنفتها مستحيلة عدت أؤمن بها من جديد



يمكن لاول مرة من سنين



أحس اني قريبة من حلمي جدا



وأحب مدونتي جدا



أحب أفكاري جدا



قضيت 3 أسابيع من حياتي وسط ناس



رجعوني لأنا



الجرحى الفلسطنيين



بجد



مهما كتبت عنهم مش هقدر أوفيهم حقهم



غيروا منحى حياتي



شفت يعني ايه الصمود والعزة



يعني ايه إنسان مختلف



الانسان اللي هو وهدفه حاجة واحدة



حياته متبلورة عشان هدفه



هو مخلوق لهدف معين



هيعيش ويموت عشانه



اد ايه هما رائعين



اد ايه بجد هما راقيين وكبار



مهما كتبت مش هعرف اوصفهم



ربنا ينصرهم ويعزهم ويثبتهم



غزة



شكرا لك






6 comments:

Anonymous said...

:) غزة اللي عملته انها قالت للناس في قضية
و قالت للي كانوا فاكرين انهم وصلوا افكارهم كويس ، ان محدش عارف عنكم حاجة
و قالت لنا كلنا ان لسه كتير اوي على ما نقدر نعمل حاجة .
:) غزة كشفتنا قدام نفسنا قبل ما تكون صحتنا
بس انا فعلا مقدر شعورك جدا
لان الزيارة كانت بالنسبة لي تحمل معاني قريبة جدا ، و ان كنت انا شخصيا مقعدتش الفترة دي كلها معاهم ، لكن اكيد كتير منهم حسسوني ان في احاجت كتير اوي غلط لاز نفهمها قبل ما نعمل اي حاجة .
عموما ربنا يوفقك :)
و ان شاء الله تثبتي على اللي انتي عاوزاه :")
و فكري تاني .. مش يمكن حلمك يبقى حلم برده ؟ :)
خصوصا انك مشفتيهوش قريب من الواقع الا لما شفتي الجرحي .. اقصد وسط موقف شديد العاطفية :)
فاهماني اكيد

فلسطينية الهوى said...

ازيك يا عياش

معاك في ان غزة كشفتنا

بس انا عندي سؤال ؟

هل في أمر مستحيل تحقيقه لو كان عندك الارادة والعزيمة

ليه دايما معترض على الاحلام بتاعتنا


اول شرط فالحلم انه عاطفي

عايش جوا خيالنا

بنحاول ننقله لواقعنا

blue-wave said...

لك الله يا غزة
يارب انصرهم
ومبروك على رجوعك لنفسك

مش من هنا.... said...

انا حاسة اوى اللى انتى بتقوليه يا ايه
عشان انا كمان حسيته بس للاسف يمكن انا اضعف شوية
يمكن ما فضلتش على نفس الدرجة من انا الحقيقية بعد الموضوع ما خلص

محمد شوشة said...
This comment has been removed by the author.
محمد شوشة said...

اكتشفت خلال معركة الفرقان وما بعدها

اننا المقصودون بالمستعدين للتضحية من اجل فلسطن حتى آخر قطرة دم فلسطينية

فعلا صدق محمود درويش حينما قال
ان غزة حررت نفسها من لغتنا ومن صفاتنا
وحينما ناشد نزار قبانى اطفال غزة
ان
نحن آباؤكم فلا تسمعونا
نحن اصنامكم فلا تعبدونا