مش عارفة ليه بقينا جافين في مشاعرنا
ليه بقينا أنانيين مش بيهمنا غير نفسنا
ليه لما نغلط مبنعتذرش لا بنفضل نكابر
ونرمي الغلط على جميع الأشخاص ماعدا نفسنا
ليه بنبيع في لحظة
وبننسى في لحظة
ليه مبنفتكرش غير حقوقنا
وبننسى حقوق الآخرين علينا
ليه لما بنحتاجهم .. مش بنلاقيهم
ليه مبنقولش شكرا للناس اللي بتتعب مش عشان هي منتظرة جزاء
بس لانها بتحب العطاء
ليه مش بنقدرهم ونشكرهم ونحترمهم الاحترام الكافي
ليه بقينا بناخد أشخاص كتير في حياتنا أنهم أمور مسلم فيها
مش يمكن نصحى في لحظة نلاقيهم سابونا لوحدنا
ليه بنعتمد على مخزون الحب عند الطرف التاني
ونفضل نجرحه ونقول أصله بيحبنا فهيسامحنا
ليه بقينا وحشين كده مع بعض
فين نقاء المشاعر
فين الاحترام
الصداقة الحقيقية
الحنان
الثقة
اني أكون شخص يعتمد عليه
الناس لما تحتاجني تلاقيني
من غير ما يقولوا : أحتاجك
فين الإنسان جوانا
يارب يرجع
8 comments:
بحب اوي كلمة للرافعي كان بيقول فيها ان المرئي في الرائي
انتي شايفه الدنيا فيها حاجات كتير كويسة .. بس هي مش موجودة ..
انتي شايفاها لانها ممكن تكون فيكي و انتي عاوزاها تكون في كل الناس
و ده ممكن تقولي عليه مستحيل
ربنا يوفقك بجد
ليته يعود يوما ..
الأخلاق الان أصبحت معدمة والكل يعتمد على الأخر ..
ما عاد أحد يتحمل أحد ولا يكون اليد الحانية وقت الانكسار ولا المعين بعد الله عزوجل وقت الضيق ..
سوء الظن هو أول شئ يصدر من الإنسان ..
وأصبح المبدأ العام ..
أنا ياما عملت وكفاية على كده ..
أتمنى معكِ عزيزتى أن يرجع الانسان بداخلنا مرة اخرى .. عل عالمنا يرجع جميلا كما كان ولو لدقائق ..
دمتِ بخير ..
يارب يرجع
ويرجع قبل فوات الاوان
كلماتك لانها نابعة من واقع
فكانها بتتحدث عن كل واحد
اذهب الله حزنك
وحقق لك ما تتمنيه
تحياتى لك
يارب يرجع
للكل
احنا محتاجين نرجع لنفسنا الاول عشان نعرف نرجع لبعض
يا رب نفس كل واحد ترجعله لانه احساس صعب و متعب
من غير ليه؟؟
كل اللى انتى بتقوليه دة انا كنت بقوله لغاية لما اكتشفت ان البشر كدة والدنيا كدة يا نقبلها على كدة يا هنتموت كمدا
ال بيحب العطاء دايما بيدي من غير
مقابل ,,, بس هي المصيبه مش ف كده
المصيبه ف ال أتعودوا ياخدوا وبس
بيبقي بعد شوية حق مكتسب ويتحول
ال بياخد ده لمصاص دماء "هل من مزيد" اي حاجه مش بتبقي كفايه بالنسباله
ليه بأة دي ..؟؟ أنا نفسي نفسي
أعرفها .. ياريت لوحد جاوب يبقي يقولي
تحياتي ليكي
بسم الله الرحمن الرحيم
ليت المشاعر الجميلة ترجع يوما ما
Post a Comment