Saturday, March 28, 2009

مش عارفة


مش عارفة ليه بقينا جافين في مشاعرنا

ليه بقينا أنانيين مش بيهمنا غير نفسنا

ليه لما نغلط مبنعتذرش لا بنفضل نكابر

ونرمي الغلط على جميع الأشخاص ماعدا نفسنا

ليه بنبيع في لحظة

وبننسى في لحظة

ليه مبنفتكرش غير حقوقنا
وبننسى حقوق الآخرين علينا

ليه لما بنحتاجهم .. مش بنلاقيهم

ليه مبنقولش شكرا للناس اللي بتتعب مش عشان هي منتظرة جزاء

بس لانها بتحب العطاء

ليه مش بنقدرهم ونشكرهم ونحترمهم الاحترام الكافي

ليه بقينا بناخد أشخاص كتير في حياتنا أنهم أمور مسلم فيها

مش يمكن نصحى في لحظة نلاقيهم سابونا لوحدنا

ليه بنعتمد على مخزون الحب عند الطرف التاني

ونفضل نجرحه ونقول أصله بيحبنا فهيسامحنا

ليه بقينا وحشين كده مع بعض

فين نقاء المشاعر

فين الاحترام

الصداقة الحقيقية

الحنان

الثقة

اني أكون شخص يعتمد عليه

الناس لما تحتاجني تلاقيني

من غير ما يقولوا : أحتاجك

فين الإنسان جوانا

يارب يرجع



8 comments:

Anonymous said...

بحب اوي كلمة للرافعي كان بيقول فيها ان المرئي في الرائي
انتي شايفه الدنيا فيها حاجات كتير كويسة .. بس هي مش موجودة ..
انتي شايفاها لانها ممكن تكون فيكي و انتي عاوزاها تكون في كل الناس
و ده ممكن تقولي عليه مستحيل
ربنا يوفقك بجد

لجين أبو الدهب said...

ليته يعود يوما ..

الأخلاق الان أصبحت معدمة والكل يعتمد على الأخر ..

ما عاد أحد يتحمل أحد ولا يكون اليد الحانية وقت الانكسار ولا المعين بعد الله عزوجل وقت الضيق ..


سوء الظن هو أول شئ يصدر من الإنسان ..

وأصبح المبدأ العام ..

أنا ياما عملت وكفاية على كده ..

أتمنى معكِ عزيزتى أن يرجع الانسان بداخلنا مرة اخرى .. عل عالمنا يرجع جميلا كما كان ولو لدقائق ..

دمتِ بخير ..

رؤية said...

يارب يرجع
ويرجع قبل فوات الاوان

كلماتك لانها نابعة من واقع
فكانها بتتحدث عن كل واحد

اذهب الله حزنك
وحقق لك ما تتمنيه

تحياتى لك

kochia said...

يارب يرجع
للكل

قررت أكون عانس said...

احنا محتاجين نرجع لنفسنا الاول عشان نعرف نرجع لبعض

يا رب نفس كل واحد ترجعله لانه احساس صعب و متعب

بلاش فضايح said...

من غير ليه؟؟
كل اللى انتى بتقوليه دة انا كنت بقوله لغاية لما اكتشفت ان البشر كدة والدنيا كدة يا نقبلها على كدة يا هنتموت كمدا

قلب ارهقته الاحلام said...

ال بيحب العطاء دايما بيدي من غير

مقابل ,,, بس هي المصيبه مش ف كده

المصيبه ف ال أتعودوا ياخدوا وبس

بيبقي بعد شوية حق مكتسب ويتحول

ال بياخد ده لمصاص دماء "هل من مزيد" اي حاجه مش بتبقي كفايه بالنسباله

ليه بأة دي ..؟؟ أنا نفسي نفسي

أعرفها .. ياريت لوحد جاوب يبقي يقولي
تحياتي ليكي

عاشقة الحواديت said...

بسم الله الرحمن الرحيم

ليت المشاعر الجميلة ترجع يوما ما