Tuesday, June 23, 2009

الاختيار


nothing but the truth


فيلم بيتكلم عن حرية الصحافة


وأهمية حماية المصدر


بيحكي قصة صحفية اتحبست دفاعا عن حقها في حماية المصدر اللي أدلى لها بمعلومات


اتسجنت واتضربت لحد ما كانت هتموت .. وخسرت زوجها وحضانة ابنها


وفضلت مصرة على حقها في حماية مصدرها


الفيلم جميل جدا


بس اللي عجبني فيه - غير قصته طبعا المعبرة عن واقع الصحافة -


الواقع الانساني اللي فيه


انها اتحطت في موقف اختيار


يا تكشف مصدرها وتخون نزاهتها ومصداقيتها كصحفية


يا تبقى أم وزوجة وتختار حياتها الأسرية على حياتها العملية


ياترجع لابنها الصغير وبيتها


يا تقضي سنين في السجن حماية لحقها


هي اختارت طبعا حقها وشرفها ومهنتها


ووعدت ابنها ترجعله


السؤال بقى :


مع ام ضد موقفها ؟

10 comments:

AbdElRaHmaN Ayyash said...

لو اختارت نفسها و ابنها كانت هتندم كتير اوي
بس كده صح
و أريح كمان

Sweet Violet said...

مع موقفها طبعا
لانها لو عملت عكس كده

كانت هتخسر نفسها .. و بكده هتكون الخسارة اكبر

عايش... ولكن !!!! said...

معاها طبعا
كانت هتخسر كتير اوى لو عملت العكس

kochia said...

انا متفقة معاها
لكن لو انا مكانها لازم اعترف اني مش عارفة كنت هعمل ايه
للاسف

Rannon said...

هي عملت الصح الصعب :)

shirry said...

دا اختيار صعب اوي
ما بين ابيتها واسرتها
وبين شرف المهنة
وبصراحة هي اختارت الاصعب

بس الموقف صعب اوي
بس الصح

عاشقه الاقصى said...

اولا كده بدون مقدمات وحشانى جدا جدا جدا جدا جدا جدا

من هنا لبكره الصبح

وابقى طمنينى على سيادك هنا ولا فى السعوديه

ماشى

تانى حاجه

قالبا مع موقفها

لكن لو أنا فى مكانها معرفش كنت هأعمل آيه صراحه

فلسطينية الهوى said...

انا في السعودية يا آنسة

بعدين ابقي اسألي

بالنسبة بقى للموضوع

انا مش عارفة بجد

بفكر أحيانا اني هختار امومتي

وبعدين بفكر

الخيار انا ولا ابني

ابني ولا العالم والحرية

واحد مقابل بلد بحالها

ارجع اقول البلد اهم

ومصير ابني يعرف انا مين ويحترمني

او يمكن يكرهني لاني حرمته امومتي في طفولته

واتربى عند واحدة تانية

مش عارفة بقى

الخيار فعلا صعب

عمادخلاف said...

السلام علكيم ورحمة الله وبركاته
على فكرة على فكرة انا على وشك اكون عنست مفيش مشكلة مشع ايز اتجوز من اساسة بلا جواز بلا وجع دماغ
المهم انا عندى مدونتين واحد للقصة القصيرة والتانية بحلم ببكرة مقالات ياريت يكون فى تواصل
http://emadkhalaff.blogspot.com/

عمادخلاف said...

السلام علكيم ورحمة الله وبركاته
على فكرة على فكرة انا على وشك اكون عنست مفيش مشكلة مشع ايز اتجوز من اساسة بلا جواز بلا وجع دماغ
المهم انا عندى مدونتين واحد للقصة القصيرة والتانية بحلم ببكرة مقالات ياريت يكون فى تواصل
http://emadkhalaff.blogspot.com/