Saturday, September 5, 2009

22


النهاردة قفلت صفحة سنة من عمري

وكتابها راح خلاص الخزانة ومش هيرجع تاني

ببص للي حصل السنة اللي فاتت
أحداث كتير جدا
يمكن كانت أصعب سنة عشتها لحد دلوقتي
بكل المقاييس البشرية
بداية

بأحداث غزة

وبعدها اصابة أختي بسرطان نادر وخطير جدا

ورحلة صراع طويلة مع المرض

وبعدها زوجة خالي

ثم وفاة خالتي

وبعدها وفاة والدة صاحبتي

غير ابتلاء شديد منيت به في نفسي طول السنة اللي فاتت

حقيقي كانت سنة صعبة جدا

بس رحمة ربنا انه لما بيحطنا في مواقف صعبة
بيثبنا ويصبرنا من عنده

نفوسنا بتطلع بعدها مختلفة كتير عن الاول

حاجات بتروح مننا للأبد

وحاجات بنكتسبها معانا

بيبعت لنا الفرج من وسط المحنة

يخلينا نقابل ناس

فضلنا طول حياتنا نحلم اننا نقابلهم

بيدينا دفعة جديدة لقدام

ببص عالسنة اللي فاتت

وببص على سنة جديدة جاية


وبدايتها في رمضان

وبتمنى أنها يارب تكون أجمل وأحلى

وإني أكون فيها شخص استفاد من سنينه اللي فاتت


واني في سني ده ربنا يعتقني من النار

8 comments:

مؤمن شريف درويش said...

كل سنةوانت طيبةياخالتو آية
ماماافتكرت وقالتلي
وخليني أقول معاك يارب


مؤمن

الازهرى said...

فى البداية كل لحظة وانت وكل احبابك بخير وسلام وباذن الله ربنا يتقبل منك كل اعمالك الصالحه ويرزقك الفردوس الأعلى من الجنه

لكن لو تسمحى لى اسأل كل المكتوب هنا أحداث الحمد لله عليها طبعا
لكن هو طول السنه مفيش اى شىء جميل تفتكريه وبرضه تحمدى ربنا عليه ؟

(المهاجر الى الله) said...

السلام عليكم ورحمة الله وبركاته:
كل سنة وانتى طيبة وباتم صحة وعافية ان شاء الله:
يقول المولى سبحانة وتعالى فىالكتاب الحكيم
{وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ . الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ.أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}البقرة:157.
وقال تعالى:{وَلَنَبْلُوَنَّكُمْ حَتَّى نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ} محمد:31 .

في الحديث، فقد صح عن النبي -صلى الله عليه وسلم- أنه قال:" إن العبد إذا سبقت له من الله منزلة لم يبلغها بعمله ابتلاه الله في جسده، أو في ماله أن في ولده، ثم صبره على ذلك، حتى يبلغه المنزلة التي سبقت له من الله تعالى"[19].

وعن جابر بن عبد الله مرفوعاً:" ليودن أهل العافية يوم القيامة أن جلودهم قرضت بالمقاريض، لما يرون من ثواب أهل البلاء "[20].
وقال -صلى الله عليه وسلم- :" ما من شيء يصيب المؤمن في جسده يؤذيه، إلا كفر الله عنه من سيئاته"[21].
وقال -صلى الله عليه وسلم- :" إن الله تعالى يقول: إذا ابتليت عبداً من عبادي مؤمناً، فحمدني وصبر على ما ابتليته به، فإنه يقوم من مضجعه ذلك كيوم ولدته أمه من الخطايا. ويقول الربُّ للحفظة: إني أنا قيدت عبدي هذا وابتليته، فأجروا له من الأجر ما كنتم تجرون له قبل ذلك وهو صحيح"[22].
والكثير يا اختى من الايات والاحاديث التى توضح فائدة البلاء والابتلاء مع الصبر والمثابرة على الصبر.

اعلمى ان الله اذا ابتلى احدا فانما يحبه لانه يريد ان يمحو عنه بعضا مما اقترفته يديه ولا يريد ان يؤجلها له الى يوم الحساب .
اعزك الله وبارك فيكى وعام جديد فى طاعته الرحمن ان شاء الله.

Rannon said...

انت معايا يوم 5-9 :)

سنين عدت بحلوها ومرها وسنة جديدة بتبدي
كل سنة وانت طيبة يا قمراية :)

mohamed ghalia said...

ربنا يكرمك ويوفقك فى الى جاى وبإذن الله الى جاى يكون أحلى

فلسطينية الهوى said...

ربنا يعتق رقابنا جميعا يارب من النار

Rannon

كل عام وانت أكثر ايمانا وفخرا وعزة :)


ربنا يكرمكم جميعا

وبالنسبة لسؤال الاشياء الجميلة

الابتلاء شيء جميل

مليء بالقرب من الله

وبيخلي لحياتنا معنى جديد

حقيقي بيغيرنا للاحسن بفضل الله

نعمة كبيرة لو فهمناه صح

واجمل حاجة حصلت السنة اللي فاتت

وانا كاتباها

اني قابلت ناس من كتائب القسام

اللي وهبوا حياتهم لحرية أقصانا :)

جزيتم خيرا مرة تانية

طارق محمد said...

كل عام وانتم بخير بمنااسبة عيد الفطر المبارك
عيد سعيد

Unknown said...

يا .. كانت سنة صعبة فعلا ..
ربنا يجعله في ميزان حسناتك