Saturday, October 17, 2009

شاب


شاب نشأ في طاعة الله



الجملة دي سمعتها الاسبوع اللي فات وكأني أول مرة أسمعها



مع ان كلنا حافظين حديث السبعة الذين يظلهم تحت ظل عرشه يوم لا ظل إلا ظله



لاول مرة أسمعها الاسبوع اللي فات بمعنى جديد



يمكن لاول مرة أدرك اد ايه هي صعبة



فعشان كده استحقت الثواب العظيم من ربنا



ازاي واحد في ريعان الصبا



وحماسة الشباب وعنفوانه



الدنيا تفتح له ذراعيها مرحبة



لكنه يأبى



يهرب إلى عبادة ربه



كل الملذات والفتن أمامه .. حواليه ناس بتدعوه أنه يجرب

يغامر



يخاطر



يستثمر شبابه وصحته



قدامه عمر طويل يتوب فيه



لكنه ملتزم باب ربه لا يغادره



في الوقت اللي كل حواليه سلبيين عايشين لنفسهم



هو شايل هم الأمة وبيسعى عشان رفعتها



في الوقت اللي الناس بتضن بمالها على المحتاجين



هو يشاركهم أمواله لهم فيها حق معلوم



في الوقت اللي الناس لاتعرف فيه المسجد الا في الاعياد والجمع



مكانه في صلاة الفجر في الصف الأول يشهد له أنه لم ير أبدا أمامه غير ظهر الإمام



الأرض تشهد له بسعيه فيها



السماء تشهد على دموعه وابتهالاته



الاقصى رغم البعد .. يعرف يقينا أنه يحبه .. يعيش لأجله



شاب عف نفسه عن الحرام



عاش لدينه



ولربه



فكان مقامه



تحت ظل العرش




5 comments:

'' حطام (ك) بقايا '' said...

ربنا يجعلنا من هؤلاء ياااارب
اللهم امين

فعلا بجد واحد زي الشخص ده في موقتنا الحالي
يستحق كل التقدير و الاحترام

وفقك الله و ايانا

تقلبي مروري

هبة الله said...

أنا بأحترم وبأحب النماذج المشرفة ديه و أقدرها جداً..
تحياتى(:

فلسطينية الهوى said...

حطام :

منورة المدونة

ربنا يجعلنا جميعا منهم

____________

هبة الله :

أسعدتني زيارتك

كلنا فعلا بنحترم هذه النماذج ونتمنى نكون زيها

غاوي مشاكل said...

السلام عليكم
مدونة جميلة (على ما يبدو) حتى لا اكون مبالغا ... هذه اطلالة سريعة ولي عودة مرة اخرى ان شاء الله
كل التحايا لك
غاوي مشاكل

الغاردينيا said...

بارك الله فيك
وصح كلامك ساعات كثير بنكون عارفين اشياء بس ببساطة مش عارفين قيمتها ومش حاسين بمعناها عشان ببساطة مش بنتفكر احنا ولا بنتأمل بدينا !!
دمتي بود اختاه