Sunday, February 28, 2010

بناتيت

السلام عليكم ورحمة الله وبركاته
ازيكن ؟
بداية الموضوع ده للبناتيت من زوار وقراء المدونة الكريمات
حقيقي فعلا فكرت كتير اوي قبل مااكتب البوست ده
وترددت إني أكتبه
أكتر من مرة أقرر أكتبه
يمكن لأني مش بحب أتكلم في موضوع بناتيتي علنا
بحب نقعد في جلسة بنات وننعنع على راحتنا
فالاخر اعتبرت المدونة الازهر بارك واحنا متجمعين وهنرغي براحتنا :D
الحب
الحب .. الشوق الشوق

عارفين بحب من شعر نزار المقطع ده جدا

تلومني الدنيا إذا أحببته

كأني أنا خلقت الحب واخترعته

كأنني على خدود الورد قد رسمته

.. كأنني أنا التي

للطير في السماء قد علمته

وفي حقول القمح قد زرعته

.. وفي مياه البحر قد ذوبته

.. كأنني أنا التي

كالقمر الجميل في السماء قد علقته

بحسه فعلا بيوصف مشاعر البنت لما قلبها يدق لأول مرة

ازاي كل حاجة حواليها بتبقى جميلة

كل مكان كانت بتمر عليه قبل كده من غير ماتاخد بالها منه

دلوقتي بتشوفه بعين تانية

عين محبة تستشعر الجمال في كل اللي حواليها

لأن الحب جواها شع نوره على الدنيا كلها

بتحس كأنها طايرة في الهوا
روحها بتحلق في عالم جميل


مبتبقاش عايشة خالص في عالم البشر المادي

هي ساكنة في أروع عالم خلقته مشاعرها

حاجات كتير جدا بتتغير جواها

بتبقى أكثر تسامح وصفاء ونقاء

لأن قلبها ببساطة أرق قلب في الوجود

وعشان كده يوم ما قلبها يتخدش ولو خدش بسيط

بيبقى صعب جدا يرجع زي الأول

خفقاته ودقاته بتبقى مليانة ألم

بيتعب جدا عشان يشفي نفسه

بيخسر كتير اوي من مخزون عواطفه لما يتكسر

وع
شان كده ربنا أعلى قدره اوي

وخلاه غالي

مش أي حد يشتريه

ولا أي حد يملكه

لأنه قلب غالي جدا

و لأنه غالي عند ربنا

المفروض يكون غالي عند صاحبته


لا تمنحه إلا لمن يستحقه

ويكرمه ويحافظ عليه كجوهرة نادرة لف سنين عمره عشان يلاقيها

بزعل جدا لما ألاقي بنوتة لسه وردة نقية

منحت قلبها للي محافظش عليه

فقلبها ذوى وذبل

بسمع كتير اوي عن قصص حب عمرها ما كملت

لان اصحابها استعجلوا يقطفوا الثمرة قبل ما تنضج

ومفيش شجرة حب هتكبر وهتثمر الا بعد الزواج

عمر ما كان الارتباط والعلاقات والخطوبة

بينتجوا ثمرة حب يتلذذ بها أصحابها طول حياتهم

لان الحب عمره ما يكبر الا بالاحتكاك والتعامل والمعاشرة في حياة طويلة

عايشين كل تفاصيلها

الحب بيكبر في النور قدام عيون الكل

الظلمة عمرها ما بتزرع شجرة

ازاي واحدة تحب واحد

مشافتوش الا في أحسن صوره وهو رايح يقابلها

مسمعتش
منه غير كلام حب بيغدقه عليها كل ما يكلمها

مشافتش تعامله معاها وهي تعبانة

وهي زعلانة

وهما بيتخانقوا

وهي غ
رقانة في المسئوليات وشغل البيت وتربية الاولاد

مشافتوش الا في الصورة اللي هو عايزاها تشوفه فيه

فازاي هتحبه ؟

هي بتحب صورة منه

مش بتحبه هو كاملا

الانسان لما يحب بيدفع عمره عشان يفضل جمب اللي حبها

عشان يشاركها بيته وحياته ومستقبله

مش بيعلقها بوعود واهية عمره ما هينفذها

ومش بيعكنن عليها حياته بشروط تعجيزيه

ولا بيخليها طول الوقت خايفة وحزينة ومرعوبة

الحب خلق ليسعد البشر

لا ليتعسهم

ومفيش سعادة هتتحقق أبدا

الا بطاعة اللي خلق الحب وخلق البشر

مش هيبقى حب مبارك ولا عمره طويل

لو أغضبنا الحبيب الأعظم وخالفنا أوامره

هو سبحانه اللي خلق الحب

وهو سبحانه اللي بيبارك فيه ويسعد أصحابه

فعشان نخلي حبنا يعيش ويكبر ويثمر

وعشان يفضل الشخص اللي بنحبه معانا طول العمر

نتفيأ ظلال جنة حبنا

لازم نحبه سبحانه أكتر

10 comments:

قررت أكون عانس said...

:))))))))))
مش عارفة اقول غير كده

فى كلمة سمعتها عجبتنى اوى من واحدة متجوزة ...انه الحب رصيد من المواقف عند كل طرف ...لما هى تزعل منه تفتكر له المواقف دى فتضحك و تنسى على طول و هو نفس الحكاية :))

و فى اغنية بتقول الحب مش بس كلام بين اتنين اتقابلوا

Baskouta said...

بوست اكثر من رائع
احساس رقيق وكلام بجد صح
ياريتنا فعلا نعمل كدة
ياريت دي بقولها ليا ولكل البنات
العذاب اللى القلب بيحسه اكيد مش جاي من حب بجد ..حب حقيقي ... حب كامل
العذاب دايما مقترن بحب ناقص
يارب فرح قلوب البنات الرقيقات بحب حقيقي ويكمل في طاعتك
ااااامين
تحياتي البسكوتية

Cute Kitty **sookra said...

يارب يارب البنات تسمع الكلام الجميل دا

كتير بيقولوه وكتير بيحكوا عنه بس البنات بستعجل الحب اوى موش عارفه ليه

ربنا يهنى كل الاحبه

AbdElRaHmaN Ayyash said...

اه للبنات بس البوست ده :)
بس حلو
و منطقي جدا
بس في حاجة
ان صعب جدا الحب بتعريفك ده يتحقق
بمعنى
انه البنت لو هتحب او الولد حتى ، فهو بيحب الصورة اللي بتوصلها له البنت ، ايوا بعد فترة معينة بيكون مستحيل طرف يستمر في الكدب
لكن في كل الاحوال ، الكتاب بيبان من عنوانه
و الحب الحقيقي هيستمر حتى لو كان في الاول حب ناقص او مش مبني على معلومات يقينية كاملة !
بس فعلا كلام مهم

إمرأه من ثلج said...

نفسى أوى بس أنت كان عندك الجرئة أنك تعلينها فى مدونتك التحفة دى

كلامك بجد حلو البنت مفروض متديش قلبها لأى واحد كدة ةالسلام
لان قلب غالى قوى ولازم على الى يخدة يقدم كتير اوى من اول ميشرف ويتقدم لحد لما يبيع الى وراة والى قدامة علشان يجوزك

سعيدو لمرورى بمدونك
واتمنى منك زيارة قريبة لمدونتى الجديدة

فاطمة

إمرأه من ثلج said...

نفسى أوى بس أنت كان عندك الجرئة أنك تعلينها فى مدونتك التحفة دى

كلامك بجد حلو البنت مفروض متديش قلبها لأى واحد كدة ةالسلام
لان قلب غالى قوى ولازم على الى يخدة يقدم كتير اوى من اول ميشرف ويتقدم لحد لما يبيع الى وراة والى قدامة علشان يجوزك

سعيدو لمرورى بمدونك
واتمنى منك زيارة قريبة لمدونتى الجديدة

فاطمة

إمرأه من ثلج said...

نفسى أوى بس أنت كان عندك الجرئة أنك تعلينها فى مدونتك التحفة دى

كلامك بجد حلو البنت مفروض متديش قلبها لأى واحد كدة ةالسلام
لان قلب غالى قوى ولازم على الى يخدة يقدم كتير اوى من اول ميشرف ويتقدم لحد لما يبيع الى وراة والى قدامة علشان يجوزك

سعيدو لمرورى بمدونك
واتمنى منك زيارة قريبة لمدونتى الجديدة

فاطمة

شفـقــة و إحســــان said...

ايه البوست الرقيق ده
الحب طبعا اجمل شىء فى الوجود بس للى يوظفه صح فى حياته
ربنا يجعل ايامنا كلها حب فى حب وسعادة وهنا

حسن ارابيسك said...

السلام عليكم ورحمة الله وبركاته
أولاً أقدم العزاء في الفقيدة الأخت / أسماء رحمة الله عليها

اللهم أجعل قبرها روضة من رياض الجنة
وأسكنها فسيح جناتك
وأحسب أهلها لديك من الصابرين...أمين
الفاتحة لها ولأموات المسلمين جميعاً

ثانياً
الحقيقة نزار قباني من الشعراء الذين كتبوا عن تفاصيل ومفردات كثيرة حول المرأة
ووصفك كان رائع لشكل الحالة التي تكون عليها الفتاة أو الانسان بوجه عام عندما يعرف الحب طريق قلبه وحياته
ندعوا للجميع بالتوفيق وراحة البال وأن يلتقي كل أمرء مع رفيقه في الحياة
تحياتي
حسن أرابيسك

abo-bder said...


farasan dabaa

شركة شحن اثاث من الرياض الى الامارات