Sunday, August 3, 2008

الحقيقة المرة

انا عرفت الحقيقة او عارفاها من زمان بس بستهبل ....

بالرغم انى كاتبة انى قررت اكون عانس بس
حسيت فى لحظة انى لازم اواجه نفسى بالحقيقة المرة و هى ......

احم احم...

انى نفسى اتجوز برده و ده اعتراف خطير حاسة بالعار و انا بعترف بيه

الحالة دى بتيجى لى لما بكون فى اى فرح ....

و متهيألى بتيجى
لاى بنت لما بتكون فى فرح...

لو بصينا هنلاقى مميزات كتيرة للجواز بس من وجهة نظرى انا بعيدا عن المميزات اللى بيقولها علماء الدين و الاجتم
اع و.....الخ الخ

مش هقول كل المميزات لانها كتييرة اوى...بس هقول على اللى ذاكرتى المبجلة فاكراه

اول حاجة ان البنت بتشترى حاجات بالهبل اى حاجة و كل حاجة ...و اكيد انتو عارفين ماذا يعنى الشراء للبنت...كل

حياتها تقريبا

تانى حاجة انها بتحصل على استقلال مؤقت بيبقى ليها بيتها الخاص بيها تنضفه تسيبه مفركش... تقلبه... تدهن

الحيطة اسود... براحتها.... ممكلكتها بقى

تقريبا كل طلباتها اوامر ...خطيبها بيدلعها و يهننها ...مامتها بتبقى شايلها من ع الارض شيل خاصة اذا كانت الكبيرة

و الام و الاب مالهمش خبرة فى المواضيع دى ...فالواحدة بتستعبط براحتها

انا عرفت دلوقتى بس ليه البت بتتفرعن لما بتتخطب

اخيرا و دى اكتر حاجة عايزة اتجوز عشانها ...

الفستان الابيض و الفرح و دى اللى بتدمر معنويات اى بنت و تخلى منظومة القيم اللى هى حاطاها لنفسها بتنهار زى ما

حصلى كده


انا قررت اقاطع الافراح كلها و اتجنب الفساتين البيضا و اى واحدة مخطوبة مش هكلمها للابد

ههههه



32 comments:

Anonymous said...

دعوة للزيارة
WWW.EYUON.BLOGSPOT.COM
يشرفنى دخولك

Anonymous said...

بس ايه حكاية العنوسة اللى طالع فى دماغكم دى دا حتى يبقى حرام عليكم ،وحوا اتخلقت مخصوص عشان تكون اولا عابده لله وثانيا تكون سكن لسيدنا ادم وده فى حد ذاته جزء من عبادتها لله
اتمنى تغيرو رايكم وشكرا

أحمد عبد القوي said...

أريد أن أضيف أن الحالة دي برضه بتيجي للولاد لما يكونوا فى اي فرح وانا اولهم

أما بخصوص المملكة الخاصة التي ذكرتيها وومميزات الجواز فأنا أؤيدك تماما بأن البنت تريد تنتقل إلى بيت زوجها " اللى هوا كان خطيبها وبيدلعها " سابقا
وتترك حياة الأسرة الخنيقة حتى تشعر بالمسئولية والراحة ... ولا ترجع لهم إلا بعد فترة كبيرة

فنحن من العادات المترسخة في قريتى بالفيوم أن البنت لا يمكن أن تزور منزل أبيها إلا بعد مرور 3 شهور على زواجها

أما بخصوص الشراء فأنتم معروفون بالشغف بالشراء لا البيع وبالذات الملابس وديكورات المنزل .

وفقكم ووفقنا الله

قررت أكون عانس said...

المهاجر الى الله

ان شاء الله قريب جدا

اما بالنسبة للعنوسة مش حاجة طقت فى دماغنا و خلاص هدفنا هو الزواج السليم والا قررنا نبقى عوانس


احمد عبد القوى

ما كنتش اعرف ان الولاد بيتعذبو هما كمان

اما بالنسبة للبنت اللى ماتزورش اهلها 3 شهور صعبة اوى ...و كتتيرة اوى

Anonymous said...

والله انا شايف ان دي مش حقيقة مرة ولا حاجة دة احساس جميل جدا انا بحسه واتمنى اني ربنا يوفقني والبس البدلة السودة واكون جانب عروستي وهي لابسة الفستان الابيض
e/ahmed elmahdy

Anonymous said...

واحب اضيف الي قائمة مميزات الخطوبة والجواز انك تستحملي واحد عنده مركبات نقص وندالة وخيانة وبالمناسبة هما 99%من الرجالة دا طبعا غير انه يتعامل معاكي كانك ملك او كانك سللسلة عربية حاجة كده يلف ويرجعلها في اي وقت وبالنسية للاخوة الرجال احب اسال عن مصطلحات غير مفهمومة بالنسبة لي وهي الشهامة والرجولة والنخوة يا تري بتتباع فين؟؟؟؟؟؟؟؟؟

موناليزا said...

انتى سيبيها لله وماتحطيش اى موضوع فى دماغك ولاتضطهدى حد ولاحاجة
واعرفى ان ده نصيب مهما خطتى مش هيحصل غير نصيبك وبس
فكبرى دماغك

أحمد عبد الفتاح said...

بانوا يانوا بانوا علي اصلكم بانوا
انا مش قصدي حاجه
بس كنت بس بدندن باغنية سعاد حسني

Amr said...

الأعتراف بالحق فضيلة

علي فكرة, أسم المدونة مضلل لحد ما, الانطباع الأول اني هشوف ناس معقدين وواخدين موقف معادي تماما من الموضوع دا بس الواضح انه لأ, دا العكس تماما.

مين فينا مش عايز اي حاجة في حياته ماتكنش صح, مش بس الجواز دايما بطبعنا بنميل ان كل حاجة نعملها تكون افضل ما تكون, بس لو بسبب ما الظروف مش مهيئة لكده فدا مش معناه ان احنا ناخد موقف من الموضوع كله و "نقرر نسيبه", الاصل ان احنا نجتهد ونفعل ما نستطيع, حتي لو كان كل ما نستطيعة هو الدعاء فقط.

بالمناسبة, الدنيا ممكن تمشي برده لو الستات قرارو ما يتجوزوش, بس هتقف تماما لو الرجالة هما اللي قرروا ما يتجوزوش :D

رئـــــيسـة حزب الأحلام said...

اسم مدونتك غريب اوى
بس ليه الاحساس دة دة انتى لسه عندك 19
سنه يعنى لسه كتير على مرحلة العنوسه دى
امال اخواتك اللى فى التلاتين يعملوا ايه عارفة الواحد اتعود الحال وممكن لو ماتجوزتيش فى الدنيا تتجوزى فى الاخرة
تحياتى لكى

عاشقة الحواديت said...

بسم الله الرحمن الرحيم

اسم مدونتك غريب اوى

بس ليه التشاوم ده كله

الحكايه مش مستهله صدقينى

Amgad said...

ايه ده لهو انتي بتتكلمي جد فعلا
مش ناوية تتجوزي ولا ايه
عموما
قل لن يصيبنا الا ما كتب الله لنا
شئتي ام ابيتي
واتمني لكي جوازة زي الفل
حتي لاتتكروت زيجتك مثلما يحدث بقوة في المجتمع الي ان يصبح الزواج زي الاكل كده حاجه لازم تعملها عشان تعيش
وللاسف دي بقت ثقافة مجتمع
خالص احترامي لمبدأك وسيكولوجيتك

صباح الصباح said...

ههههة
بصى يا ستى هوة الجواز حلو بس.. خراااااب بيووت.. مصاريف زى ما تكون فاتح الحنفية العمومية اللى فى الشارع ومش عارف تقفلها بعد ما غرقت القاهرة

بنت سيناء.. said...

لا تقررى شئ يكن فية خرق لنواميس البشرية؛؛أما إذا اضطر الانسان لذلك..فلاحول ولا..قد كتبه الله..ونحن نسلم بالاقدار؛؛حواء لادم وادم لحواء؛؛؛مهما كانت المحن..تحياتى

قررت أكون عانس said...

e/ahmed elmahdy

ان شاء الله تلبس البدلة السودا بس انت ما تستعجلش


mira

ميرا كلامك موتنى من الضحك ايه السواد ده كله

خدى بالك اللى انا قلته ده المميزات اللى بتجرجر رجل البنت لمصيدة الجواز و تتفاجأ بعد كده بالواقع انه مختلف

موناليزا

شكرا ع النصيحة هو فعلا نصيب و انا لا مستعجلة ولا حاطة الموضوع فى دماغى


أحمد عبد الفتاح

و لا تقصد حقك تعبر عن وجهة نظرك بس بلاش تغنى

Amr

محدش قرر يسيب حاجة احنا بنلقى ضوء على واقع بس بشكل ساخر بس حاولو تبصو للموضوع بشكل فكاهى و انتو تفهمو قصدنا

بالمناسبة, الدنيا ممكن تمشي برده لو الستات قرارو ما يتجوزوش, بس هتقف تماما لو الرجالة هما اللي قرروا ما يتجوزوش

مش متفقة معاك ابدا

رئـــــيسـة حزب الأحلام

مش يأس ولا احباط مش عارفة ليه انتو شايفين الموضوع كده و ما اعتقدش ان فى حاجة اتكتبت فى المدونة تدل على كده

وممكن لو ماتجوزتيش فى الدنيا تتجوزى فى الاخرة

حلوة اوى دى.. فكرة برده

عاشقة الحواديت

اهلا بيكى مش تشاؤم والله

تابعى و انتى هتاخدى بالك


Amgad

لا ما تقلقش مش بتكلم بجد هو اسم مطرقع يجذب الانتباه

و ان شاء الله ربنا يقدر لنا الخير اينما كان

و الزواج زي الاكل كده حاجه لازم تعملها عشان تعيش
وللاسف دي بقت ثقافة مجتمع
ثقافة مجتمع اه بس لازم نقاومها زى مافى افكار كتييرة محتاجة نغيرها


صباح الصباح

ههههههه ايوه خراب بيوووت للطرفين
بتخلى الاتنين بعدالجواز مش طايقين بعض بعد علقة المصاريف السخنة اللى خدوها


بنت سيناء

لم اقرر خرق النواميس و ما اقدررش اتمرد على الفطرة اللى ربنا خلقها فى الناس

Amr said...

العبارة اللتي كتبتها كانت مزحة لا أكثر.

الحياة لن تسير غير بتكامل الاثنين معا طبعا.

لكن مصدر الفكاهة في الموضوع انه إذا قررت انثي عدم الزواج فهناك ذكر واحد [علي الأكثر] لن يتزوج في المقابل.

اما لو قرر رجل عدم الزواج فهناك أنثي واحدة [علي الأقل] لن تتزوج.

وهناك فرق ضخم بين علي الاكثر وعلي لاقل طبعا :D:D

نونو said...

والله انتى سكرة
ربنا معاكى
ضحكتينى جداااااا
انا فاهمة وجهة نظرك
بجد كمطقية
ربنا معاكى

Ruwida Ashour said...

والله مش نفسي اعنس لاني هبلة كلما اشوف فرح وزيطة يخطر عليا وكان هذا ننسى ممكن بس م الفراغ

Anonymous said...

الله دا حتي مقلتش ان الرجالة بيعدوا يلفوا ويعرفوا بنات الدنيا والاخرة وفي الاخر ياخدوا واحدة متعرفش شكل الشارع ماهو انت لو واثق من نفسك كنت اتجوزت اللي بتحبها هقول ايه خونة

wafaa said...

صاحبتى عندها موقف شبهك الى حد ما من ناحية الجواز ,الفستان الابيض عندها اسمه الكفن
اول ما تسمع عن فرح واحدة من اصحابنا تقولها ومسعجلة ع الكفن ليه
ربنا يرزقك بزوج صالح

قررت أكون عانس said...

Amr

العبارة اللتي كتبتها كانت مزحة لا أكثر.


محدش قال حاجة

بس انا متعصبة لجنسى شويات


نونو

ربنا يكرمك يا نونو و شكرا ليكى ع الزيارة


WEDA

ممكن بس م الفراغ

ايوه الفراغ ده هو اللى بيبهدل الدنيا ...ربنا يسامحه بقى

ميرا

ههههههههههه

عندهم عرق ندالة ماحصلش ربنا يهدى

wafaa

لفستان الابيض عندها اسمه الكفن
اول ما تسمع عن فرح واحدة من اصحابنا تقولها ومسعجلة ع الكفن ليه

ههههههههههههههه اسم يضحك اوى

ربنا يرزقك بزوج صالح

و يرزقك ان شاء الله

بث تجريبي said...

السلام عليكم
انا بقى بختلف مع كل اللى عدى
انا عجبنى واى بقى اسم المدونة
وفيها ايه لما الواحدة تعيش كدا هل هتموت يعنى
بس على فكرة الواحد ممكن يرجع فى ارئه وانا عارفة انكوا ممكن بتهزروا

وبالنسبة لموضوع انك لما تروحى فرح بتحسى انك عاوزة تخرجى من الفرح بعريس
فانا عارفة الشعور دا وخصوصا لو كانت العروسة واحدة تقرب ليكى بقى وشغالة تشترى فى حاجات كتير بقى
واللى يخليكى تتطقى بقى انك لما كل حد يشوفك يقولك الف مبروك عقبالك
انا كرهت الكلمة دى رغم انى يادوبك عشرين سنة الا انى كرهتها لانها بتحسسنى انى عانس.

سلاموز .

التائب said...

السلام عليكم ورحمه الله وبركاته
سيدتى
الزواج سنه الحياه
فتفائلى ولا تتشائمى
دمتى بكل خير وعافيه
والله الموفق

قررت أكون عانس said...

Do not Press F1

اهلا بيكى
فعلا كلمة عقبالك من اكتر الكلمات اللى بتستفزنى

فى بقى اللى يغيظ اكتر لما حد يشوفك يقولك ها ما يلا بقى عايزين نفرح بيكى



التائب الحائر

و عليكم السلام

فعلا الزواج سنة الحياة و ما فيش د اتشائم

شكرا للزيارة

Anonymous said...

انا مقررتش اكون عانس لان نفسي افرح زي ماانتي قولتي بالفستان والفرح والبيت الجديد الي هيبقى مملكتي وبالحاجات الكتيره الي هاشتريها بس للاسف بعد مااتخطبت لانسان ممتاز (وياريتني مااتخطبت) لقيت نفسي مش عايزه اشوف الدبله ولا احلم بفستان الفرح ولا اشتري اي حاجه ولا حاسه ان انا مخطوبه وقررت اقاطع برده كل الافراح وما اكلمش اي واحده مخطوبه ولا حتى لسه هتتخطب ولا حتى اتجوزت علشان بحس ان هم فرحانين وانا مش فرحانه بقيت احس بألم كبير كل مااسمع سيرة عريس ولا عروسه او اشوف فستان فرح او امع اي اغنيه بيشغلوها في الافراح من اول يادبلة الخطوبه مرورا بكل الاغاني الي ممكن تخطر على بالك

قررت أكون عانس said...

Anonymous

اهلا بيكى فى المدونة

زعلتينى اوى..حاولى تدورى على الحاجة الكويسة فى العريس الممتاز اللى اتقدم لك ...و حددى انت عايزة ايه اتخطبتيله ليه و ممكن الحياة تمشى بينكم و لا لا و ادعى كتيير و ان شاء الله خير

صدقينى مافيش حاجة تستاهل ...استمتعى بكل لحظة انت بتعشيها

قررت أكون عانس said...
This comment has been removed by the author.
Rannon said...

والله معاك حق..بس الواحدة ساعات مبتعرفش تفلفص من اي فرح وخطوبة..عامة مش قضية احنا اكيد بنعرف ازاي نتعامل مع الاحاسيس الوقتية دي..عشان نرجع لقواعدنا..

مقررة اكون عانس من زمان :))

قررت أكون عانس said...

Rannona

والله معاك حق..بس الواحدة ساعات ممبتعرفش تفلفص من اي فرح وخطوبة
لا فلفصة ولا حاجة بالعكس انا بحب احضر الافراح جدا

..عامة مش قضية احنا اكيد بنعرف ازاي نتعامل مع الاحاسيس الوقتية دي..عشان نرجع لقواعدنا..

ايون وقتية بس مدمرة..

مقررة اكون عانس من زمان

مبرووك زاحيكى بشدة

yanmaneee said...

golden goose sneakers
yeezy
off white
yeezy supply
jordans
kevin durant shoes
golden goose outlet
yeezys
golden goose
stephen curry shoes

Unknown said...

newsgo to my blog find more infotop article this contentthis contact form

Unknown said...

my latest blog post v6o08n0c18 louis vuitton fake replica bags london q5f71j0i59 best replica ysl bags replica hermes bag s4w02l1u56 replica bags seoul replica bags online shopping article source x0v95d3v52 louis vuitton replica bags neverfull