Tuesday, September 2, 2008

رمضان كريم


كل رمضان وانتو بخير

و يكون شهر العتق ان شاء الله


طبعا كلنا عارفين أد ايه رمضان شهر جميل بيجى معاه الخير كله من ثواب و مغفرة وعتق واستجابة للدعوات وكل


الحاجا
ت الجميلة دى


بس فى حاجات صغيرة بنعملها بحسها جميلة اوى


منها لمة العيلة



أد ايه حاجة جميلة لما العيلة تتجمع فى مكان واحد كبار وصغار مستنين الاذان عشان يفطروا خاصة الاطفال بعد ما


يكونو فطسو وروحهم


طلعت من الصوم واللعب طول النهار


و الناس تشرب مية كتيير لحد ما معدتهم تصوت وتلم عليها الناس


بالنسبة لى اجمل عزومة بحضرها هى عزومة خالى


اكبر عزومة ممكن الواحد يحضرها فى حياته ... العيلة كلها بتبقى موجودة ...القرايب القريبيين والبعاد


الناس اللى مش بنشوفهم غير قليل جدا


بيبقى يومها فى كمية مهولة من الاطفال ....و طبعا جايين ومعاهم البومب والصواريخ و اشكال متطورة من المفرقعات


بحس انى فى فرح مش فى فطار وتسمع
بقى الفرقعة والصويت وصوتهم العاااااالى بيبقو جمال بس فى الاخر ببقى


عايزة اشوطهم و ارميهم


فى اى حتة عشان البشرية ترتاح



تانى حاجة بحبها فى رمضان ممكن تحسوها عبيطة بس جميلة اوى


هى





شراشير رمضان


صحيح الشارع بيبقى شكله متخلف فى الاخر نتيجة تعليق كتب الفيزياء والكميا و باقى الكتب المفيدة دى


بس بيبقى فى روح حلوة بين الجيران وتعاون بين الاطفال والكبار عشان تعليقها


و مثلا لو جار مش موجود يجيبو سلم و يعلقو برده


ماشاء ع الاصرار و العزيمة


للاسف مفتقدة موضوع الشراشير جدا و بعتبرنى عشت طفولة بائسة بسببه


عمرى فى حياتى ماعلقت شراشير اما بسبب ان مافيش جيران اطفال ادنا


او لاننا عايشين فى منفى فى الدور 11 فمفيش حد ادامنا نعلق معاه


بس الحمد لله السنة دى علقنا مع اللى تحتنا اللى غالبا مش بيبقو موجودين


ايه الغم ده


و جعتلكو دماغكو ...كفاية كده واسيبكو تكملو تعليق الشراشير



و توتة توتة خلصت الحدوتة




29 comments:

Rannon said...

أنا كمان بحب اللمة في رمضان وشكل الشارع لما بيبقى شكله متغير من العيال بتعمله..ا.انا كمان مكنتش بعلق شراشير بس بقالنا حوالي سنتين بنعلق ولاد الجيران كبروا وبقوا يتصرفوا :D

رمضان كريم وكل سنة وانت طيبة

تحياتي:)

مش لاقية اسم said...

يمنى حببيبة قلبى اختى الكبيرة ربنا يحفظك

يا رب .الموضوع بلح البلح جميل جدا


يا رب تكونى دايما بالف خير وكل رمضان عليكى وانتى بالف خير

وقدام كل الناس انتى اجمل اخت ف الدنيا انا بحبك جدا
كل سنة وانتى اجمل اخت ف الدنيا

blue-wave said...

ههههههههههههههههه
والله دمك زى العسل
وفعلا رمضان مليان حاجات حلوة
بس المهم نستفيد منه على اد ما نقدر
وحلوة لمه العيله
وكل سنه وانتى طيبه

غروب said...

فعلا احلى حاجه ف رمضان اللمه والعيله وعيله العيله والاطفااااااااال يا لهوى على الى بنشوفه منمهم ....بس شئ جميل بيقلب غالبا بصداع ههههههههه

كل سنه وانتى طيبه

هانى زينهم said...

كل ما يتعلق برمضان له سحر خاص وتفاصيل ما بتنتهيش كل سنة وانتو طيبين ويعيد عليكم الايا بخير

مصطفى المصرى said...

انا كمان بحب رمضان وايام رمضان والسهر فى وسط البلد مع الصحاب والجلوس على الفيشاوى و التكية والصهبجيهة و احلى الذكريات او اقوى الزكريات بالنسبة لى فى رمضان كل سنة وانتم طيبين

Anonymous said...

كل سنه و انتى طيبه

و انا كمان بحب الشراشير و الزينه اوىىىى

رمضان كريم

سلامات :)

Bosssssy said...

موضوعك جميل اوى .......

واللى عاجبنى اكتر اسم المدونه....

ده حتة اسم... تحفة .. لقيتيه فين ده...

كل سنه وانتى طيبه...


Pusssssy

قررت أكون عانس said...

Rannon

يا اهلا يا اهلا ايه النور ده

كل سنة وانتى طيبة وتفضلو تعلقو شراشير كده على طول


مش لاقية اسم

لولو هانم

اشرقت الانوار
ايه الرضا ده كله

ردك عنب العنب جدا



blue-wave

ميرسى على ذوقك
ببقى سعيدة جدا برد حضرتك
و كل سنة وحضرتك بخير



saso

مش اطفال لازم تفلب صداع دول ما بيرحموش بيعملو كل حاجة تجيبلك صداع

كل سنة وانت طيبة وبعودة الايام


هانى زينهم

رمضان نعمة كبيرة اوى

كل سنة وانت طيب وميرسى ع الزيارة الجميلة



مصطفى المصرى

وسط البلد ..ماتتصورش مفتقداه اد ايه
كل سنة وحضرتك طيب


MaGn0liA...

كل سنة وانت كمان طيبة
الشراشير دى صناعة مش اى حد بيجدها
رمضان كريم علينا وعليكى



pusssssy

هههههههههه

اقولك ايه؟

اتفضليه...اللى يدور يلاقى اسماء بالهبل خاصة فى لحظات الضحك والتهييس

كل سنة وانتى طيبة

د. مونى said...

يخرب عقلك
اه معلش
اصلك ادهشتينى
انا قلت هتكونى واحده خلاااااص بقى عنست فعلا
لكن انتى لسه صغنونة وقررتى تعنسي؟؟؟
لا برافو عليكى
بجد بحييكى لانك اخدتى موقف وتقبللى مرورى الاول وان شاء الله هتابع
تحياتى

كـــيــــــــارا said...

كل سنه وانتي طيبه ياقمر ورمضان بيتميز بااحلي لمه وعيله وفرحه

ياريت الايام كلها تكون رمضان والناس تبقي نفسها حلوه وبشوشه

مـجـنـووون said...

كل سنه أنتي بالف خير ، ورمضان كريم

أنتي مش بتحبي العيال ودوشتهم
يبقي أكيد علشان كده قررتي تكوني عانس ههههههههههه

تقبلي مروري
مجنووون

Anonymous said...

السلام عليكم


ورمضان كريم عليكى

وبالنسبة لـ(عمرى فى حياتى ماعلقت شراشير اما بسبب ان مافيش جيران اطفال ادنا


او لاننا عايشين فى منفى فى الدور 11 فمفيش حد ادامنا نعلق معاه)

ايه المشكلة انك تعلقى الشراشير يعنى؟
ههههههههههههههههههههههههه

دمتى لنا بخير ويلا سلام

اه صحيح ان ليكى كلمتين صغننين بالبوست بتاع لما ييجى رمضان

لو نورتينا اكيد لازم تشوفيهم

يلا سلام

كلام حسام said...

كل سنة وانتي طيبة

Anonymous said...

كل سنه وانتى طيبه

كل عام وانتى بخير

رمضان كريم

اعرفك بنفسى انا مثلى قوى من المثليين ولدى بلوج

اتمنى ان نكون اصدقاء وان نزور بعضنا البعض

وايضا اتمنى لك السعاده وان تجدنى الزوج والحبيب الذى يسعدك صديقتى

اعلم ان المراءه كائن جميل ملىء بالحنان والحب والمشاعر والعاطفه اعلم ان المراءه كائن راقى وان للاسف فى مجتمعاتنا هناك رجال لا يفهمون هذا الكائن الجميل الذى يسمى امراءه

يحاولون ان يكفنوها ان يستعبدوها ان يقهروها ان يقتلوا بسمتها يجموعون جيوش وجيوس ويحاولون قتل القمر
الموجود بضوء عيونها

لكن ياصديقتى صدقينى ليس كل الرجال هكذا يوجد الكثير من الرجال العاطفيين والرمنسيين

اتمنى ان لك الاسعاده دائما والزواج
والحياه المليئه بالسلام والحب دائما

ساذورك دائما
وسانتظر زيارتك

لا تتاخرى

تحياتى

أمير البلانكو said...
This comment has been removed by the author.
أمير البلانكو said...

رمضان له طبيعه خاصه لازم يكون متغير في كل حاجه حتي في نفوس البشر الجميع يحاول ان يتغير لانه كما ذكرتي شهر العتق من النار والمغفره من الزنوب الكل يحاول ان يفوز برحمه الله

صديق جديد
كل سنه وانتي طيبه ورمضان كريم

walaa rizk said...

احلى حاجه فى رمضان ان هو رمضان

بجد احساس عالى جدااااا

بوستك جميل اوى يايمنى

احلى حاجه انهارده انى شوفتك
واخيرا عرفتينى

بس بجد مفيش احلى من جو العيله

اللى بنفتقده كثيرا فى ايام غير رمضان

ربنا يكرمنا بالعتق السنه دى

عايش... ولكن !!!! said...

احلى حاجه اكيد فى رمضان اللمه والعيله والعيال الصغيره برغم انهم بيعملوا وش بس بيبقى حاجه كويسه
بس اللى اهم من ده كله اننا نقدر نخرج من رمضان بحسنات كتير ونكون من المغفور لينا
اللهم امين

kochia said...

من احلي الحاجات في رمضان اللمة
ورغم ان الزينات بتاعة الشوارع مالهاش علاقة برمضان في الاصل لكن بتعبر عن فرحة وبتعمل روح جميلة للشهر

كل سنة وانتي طيبة
تحياتي

فلسطينية الهوى said...

كل سنة وانتوا في طاعة جميعا وربنا يعتقنا جميعا من النار

انا بس عندي تعليق على mthlykaweyy حبيت اقوله :

حضرتك بتقول نكون أصدقاء ونزور بعضنا

اسمح لي أرفض صداقتك يا فندم


انا مع الحرية قلبا وقالبا .. حرية الرأي والتعبير في أي مكان

انا ضد اني أمسح تعليق تركه أي شخص في مدونتي

ورغم اني مع الحرية الا أني ضد الحرية المخالفة لديني ولاوامر ربي

حضرتك كاتب أنك شاذ ود اسم مدونتك

وانا في ديني .. ربي سبحانه حرم الشذوذ

و|أنزل العذاب بقوم لوط لهذا السبب

الحرية في معصية الله ليست حرية

هذا تحدي لاحكام الخالق الذي خلقنا لنعبده ونتقرب أليه بأوامره

رسم لنا حدودا لا نتخطاها ليدخلنا جنته

فاسمح لي ألا احترم حريتك في معصية الخالق

قررت أكون عانس said...

د. موني

هههههههههه

اهلا بيكى فى المدونة

يارب تفضلى مندهشة كده على طول



كيارا

و انتى طيبة يا جميل
فعلا يا ريت الايام كلا تبقى رمضان و الناس تبقى بشوشة لانهم بطلو من زمان



مـجـنـووون

كل سنة وانت طيب و رمضان كريم
أنتي مش بتحبي العيال ودوشتهم
يبقي أكيد علشان كده قررتي تكوني عانس

هههههههههههه
انا بحبهم بس من بعيد لبعيد
نعيط ونرخم يبقىنرميهم فى اى حتة
بس بجد الاطفال لما بيبقو فرحانين بيحسسوك بالفرحة


جمعاوي

و عليكم السلام ورحمة الله و بركاته
ايه المشكلة انك تعلقى الشراشير يعنى؟
ههههههههههههههههههههههههه

لا دى مشكلة المشاكل اصل حاجة فى تعليق الشراشير المشاركة مع الجيران
شكرا ع الزيارة الكريمة وع الكلمتين الصغيرين



شملولي بن سحلولي
و حضرتك طيب ورمضان كرييم


mthlykaweyy

اهلا بحضرتك فى المدونة
انا فكرت كتيير قبل ما ارد عليك اية كمان ردت عليك
زى ما اية قالت احنا بنحترم جدا الاختلاف فى الرأى وفى العقيدة وربنا اتاح ده للناس
اتاح لكل فرد انه يختار العقيدة اللى هو عايزها
لكن التمرد على الطبيعة والخروج عن الفطرة ده اللى انا ارفضه ولا يمكن اتعايش معاه او اقبله
و لو رجعت للقراّن هتلاقى ان ربنا خسف بقوم لوط الارض لانهم كانو شاذيين عن الطبيعة والفطرة السليمة
فمش هاجى انا و اوافق على حاجة زى دى
ارجو منك مراجعة نفسك

يحاولون ان يكفنوها ان يستعبدوها ان يقهروها ان يقتلوا بسمتها يجموعون جيوش وجيوس ويحاولون قتل القمر
الموجود بضوء عيونها

اما بالنسبة لكلام حضرتك ده فحاسة ان فيه مبالغة
صيح فى رجالة مش كويسين بي مش للدرجة ودول تنتفى عنهم صفة الرجولة

شكرا ليارتك وشكرا على مشاعرك


امير البلانكو

كل سنة و حضرتك بخير
وكل رمضان وحضرتك معتوق من النار ومغفور لك
و شكرا لزيارتك


عاشقه الاقصى

احلى حاجة انى شوفتك فى مناسبة جميلة فى شهر جميل
بس فى حاجة انا اسفة جدا عليها
انى مش عارفة او مش فاكرة اسمك
لكن عموما سعيدة بزيارتك


عايش ولكن

فعلا مهم جدا اننا نخرج بحسنات كتيير و ذنوب مغفورة
بس العيلة ممكن تعمل ده
عن طريق صلة الاحام مش عايزة اقولك اد بتدخل الفرحة على القلوب على اللى بيزور و اللى بيتزار و ش عايزة اقولك برده ع الثواب العظيم



kochia

مش عارفة مين طلع حكاية الشراشير دى بس هى حاجة جميلة بتحسسك بانك عايزة تستعدى لرمضان


فلسطينية الهوى

المفروض انك من اصحاب المكان
بس انتى وحشتينى جدا
كل سنة وانتى طيبة وكل رمضان و انت بخير

maxbeta3zaman said...

مشاعر انسانيه فياضه ...وفاء للمقربين ...ووعى مع حماس الشباب المعهود ...سرنى المرور على البلوج الشاب ده ودائما نفس الروح انشالله

maxbeta3zaman said...

الشراشير دى عندنا اسمها التعاليق أو الدناديش وهى أجمل ما يميز الأماكن الشعبيه ...الصغار والكبار يشارك فيها ...ناهيك عن الفوانيس الكبيره جدا ونماذج الكعبه رأيت كهربائى عجوز جدا لايكاد يبصر جالس بمنتهى الهمه يجهز ويكسى فانوسا ضخما بالورق الملون والإضاءة وشيىء آخر سماعات تذيع القرآن فى الشارع طوال شهر رمضان
كل عام وانتم بخير

Anonymous said...

ضد النظام


لا أريد مجاملات فأنا أعرف من أين تأتي الحروف والكلمات

ولا أكتب لبضعة عشرات من زوار المنتديات

ولكني أكتب لشعوب الارض الاحياء منهم والاموات

فأنا أكتب للجماد قبل النبات

فلا يوجد في الشعر ولا في الكتابة إستعراض عضلات

فلغتي ثوبها جديد نوعها فريد ولا انتظر النتيجة كالمراهقين والمراهقات

ولا أنظر كل دقيقة علي الردود والمشاركات

الهدف عندي أغلي وأسمي من كل الامنيات

فأنا أبحث عن الوطن في الطرقات

ابحث عنه في القصيدة

ابحث عنة بين جثث الاموات

اجدة مرة يتسول ويطلب المعونات والف مرة يلعب علي شعبة لعبة التلات ورقات

اصبحنا كالاسفنجا في اخر المطاف ونقول بصوت عالي نحن دولة ذات سيادة ولا نقبل اي ضغوطات

السجادة صينية والمسبحة صينية

وإمامنا من حلف الناتو وربنا الذي يخشاة حكامنا ليس الله الذي عرفناة

ولكنة امريكي الجنسية

وشيوخونا 30 عاما مرت وهم يخطبون عن الذقن والجلبية

وشعرائنا مشغولون بجمع السيرة الهلالية والسيرة الذاتية

وكأنهم يكتبون الشعر علي رمال الصحراء الغربية

فهم محبوسون داخل النص مشغولون بالنحو والصرف

والقواعد اللغوية والاخطاءات الاملائية

والافعال والاوزان ومدح الحاكم والسلطان

وكانهم يكتبون الشعر من داخل القصور الملكية

ونسوا الوجبة الرئيسية عند الشعوب مازالت وستبقي إذا بقت ( الفول والطعمية )

نرجوا المعونة من الامريكان ونرفضها من بلادنا العربية

ونقول نحن بلاد حضارة ونحن اساس الديمقراطية

ونحن القلب النابض للأمة العربية

لم يعد للأمة قلب ولا فشة ولا مصران يصلح للادمية

اين الحضارة؟ ونصفان البلد يعانون من الامية

اين الحضارة ؟ ونحن ممنوعون من الكتابة

ممنوعون من السؤال

ممنوعون من الاجابة ممنوعون من الكلام؟

ممنوعون من التنفس بحرية

اين الحضارة ؟ وما زالت القوانين تفصل تفصيل

وكأنها بدلة وكوفية

مش احنا اللي بنينا الهرم بس احنا اللي لوثنا النيل

مش احنا اللي صحيينا الصبح بس احنا اللى نايمين فى الليل

مش احنا بلاد الحضارة احنا بلاد التخلف وفية مليون امارة

واذا مكنتوش مصدقين اسالوا صاحب العبارة
واسالوا رئيس الجمهورية
واسالوا الشعب المطحون فى ماكنة الهرسية
وشوفوا ملامح الناس وشوفوا الفرق بين المسئولين والناس العادية
طبعا فى التلفزيون هو فية حد يقدر يقابل مسئول فى الوحدة المحلية

بيقولك بلد حضارة طب اسال طوابير العيش
بيقولوا اكل العيش مر وانا بقول جيبان العيش فى بلدنا امر
انا كنت مفكر الناس بتروح بعد الفجر
الاقى الناس بتبات عند الفرن
اسال الناس اللى عشتها غلب فى غلب
اسال الناس اللى شايلة الطين وشربة المر
روح وشوف المستشفيات تدخل زيارة

تطلع متعبى فى شكارة وربنا يستر على الكل

ويرجع ويقولك بلد حضارة وعشيتنا ياسمين وفل
وليل ونهار بنسمع فى اغانى ست الكل
وكل مشاكل البلد بتنحل بضرب النار
واقوال اية كلة تمام علشان خاطر النظام والسلام

Anonymous said...

حواديت الميكروباص
وانا داخل بالميكروباص المدينة
وقبل ما أدخل المدينة
كل الأخبار حزينة
كل الحكايات حزينة
كل الوشوش حزينة
والبلد كأنها طالعة من هزيمة وداخلة هزيمة
والطريق حفر ومطبات ومجاري طفحة
ومناظر أليمة
ما تكلمنيش عن إنجازات
كلها حاجات عقيمة
*****
وأنا داخل بالمكروباص المدينة
وما بين وبين
ما بين السواق اللي ما بيتفاهمش
ويزعق ويقول في واحد ما حاسبش
والباب مربوط بحبل علشان ما ينزلش
والشباك كمان ما بيفتحش
والحر وأيامة اللي مابترحمش
قاعدين خمستاشر واحد كبس
واحد بيقول ليا بريزة
والتاني بيقول ياعم فين الريال
فين أيام الجمال
ودة كلة في أول المشوار
*****
واحدة بتقول للجنبها ماعدش حاجة لها قيمة
أحلي بني أدم ما يحصلش بهيمة
قالت لها إزاي يا فهيمة
فية اللي واكلنها ولعة اللي في التلفزيون واللي في السيما
مش إحنا اللي مش عارفين نبني جدار بينا وبين الزريبة
واللة انت اللي بهيمة
هو احنا ياختي عايشين
شوفي الناس اللي بيكسبو ملايين
أنا مش عارفه هايودوا فلوسهم فين
الي عاندهم فادادين وفادادين
وعمرهم ما زرعو ولا شافوا فلاحين
وقاعدين في قصور حوليها اراضي ومساحة
وفيها قال ياختي حمامات سباحة
وفيها الخيل يجري يومين ما يعرفش الراحة

مش زيينا بيحسدونا علي القيراطين
ورجعت تقولها كل حاجة يااختي بقت نار
والأسعار بتغلي كل نهار
والعيشة غلب ومرار
ولا عارفين نسوقوا ولا عارفين نجيبوا كيلو خيار
*****
ورجعت تقولها البنت بنت اختي كريمة خطبها جدع نجار
عندة معرض معرض وعربية ومنشار
كبير عنها يجي بعشرين سنة وزيادة
بس ما عندوش شهادة
قالت لها ياختي إن كنت عايزة عندنا الشهادات بزيادة
قالت لها عندي الجعدان تلاتة
كلهم مخلصين كليات ومعاهم أعلي الشهادات
بعد ما كسروا دهرنا
وصرفنا عليهم الأولوفات
ما تقوليش ياختي هايمسكوا الوزارات
والأخر قعدوا جنب إخوتهم البنات
لا شغلة ولا مشغلة كلهم بيلعنوا الشهادات
بكرة هاتتستت وهاتبقى ست الستات
وباركيلي لكريمة
وقوللها خالتك عدلات هي اللي هاتفرق الشربات
وماتحملش هم الشهادات
هاجيبلها شهادات العيال بس تجيبلي بيهم كيلو بلح أمهات
*****
الواد ابني الكبير خاطب من اربع سنين
كل شوية في مشاكل
أهل العروسة مستعجلين
بيقولوا يا كدة يا كدة
إحنا مش هانفضلو مربوطين
قالت لها علي اية كل دة
دخلية في المطبخ جنب البوتاجاز يولعوا الشعلتين
واللة إحنا اللي هانولعوا والدمعة محبوسة في العين
والواد غبني الوسطاني أمين راح ليبيا من شهرين
ومين يوم ما راح لا بعت ولا سأل ولا قال انتوا فين
العيال من الغلب اللي شايفينة بقي قلبهم قاسي حبتين
وأنا مش عارفي ألقيها منين وإلا منين
والتالت ربنا ينجية ويحرصوا من العين
شباب زي الورد تتهز الأرض من تحتهم هز
اللي يشوفهم يقوم يفز
يتكايلوا بالدهب
البلد بتقولهم طز
ياعني إية يتعلموا تعليم عالي ياريتهم إتعلموا الهز
واحدة تانية بتشكي اللي جانبها وتقولها
إحنا ياختي جالنا إزالة
وقال جايبين معاهم المطافي والإسعاف
وعساكر لابسين اسود تقوليش إقحاف
أول ما شوفتهم قلت خرب بيتك يا أنصاف
أعمل إية سبع عيال وأمهم متغطيين بلحاف
علشان ينبسطوا سادة القوم والأشراف
هم قاعدين في برج عالي وإحنا الهم بنغرفوا منة بمغراف
ولا عمرهم حسوا بينا ول كانوا علينا خفاف
الراجل مات وسابلي العيال كوم لحم
حمل تقيل ما تشيلة إكتاف
ما لناش حد في الدنيا غير ربنا
رب العدل والإنصاف
*****
واحدة قاعدة لوحدها بتدعي للريس من قلبها
بتقول يكون في عونك يا أبو جمال
عليك حمل ما يشيلوا جبال
ربنا يخليك لنا ويخللينا جمال
تلاتين سنة غارز أيدك في الصخر
علشان تخلي البلد في أحسن حال
بس هي مشكلتنا كتر الخلفة والعيال
علي شوية إهمال
ولو ظبتنا نفسنا هانبقوا عال العال
اللي عندة عيل وإلا إتنين ما بيبقاش عارف يربيهم إزان
وانت عندك شعب
واحد كان نايم جنبها
بعد ما لاقاها بتدعي من قلبها سألها سؤال
قالها يا حاجة عندك كام من العيال
قالتلة عندي اربع جدعان
قال لها في حد فيهم الريس بيعاملة زي جمال

Anonymous said...

ليس هذا الوطن وطني ( قصيدة )

ليس هذا الوطن وطنى
المدبوح كالدجاجة
المقتول والمدد فى التلاجة
ليس هذا الوطن وطنى
الذى يضرب شعبة بالحذاء ويصلى للخواجة
ليس هذا الوطن وطنى من يوم مولدى الى يوم وفاتى
وهو فى عنق الزجاجة
فهو دائما فى اجازة

ليس هذا المشنوق كصدام
والغارق كعبارة السلام
والتاية فى مستنقع الكلام
ليس هذا وطنى ولا وطن الاحلام
الذى يجعل الشعب يركع تحت جزمة النظام
وكان فائدة النظام تكسير العظام
المعاق المساق كالاغنام
المقطوع اليدى واللسان
الذى شاخ قبل الاوان
ليس هذا الوطن وطنى
ولا هو الوطن المذكور فى القران
ولكنة وطن الحاشية والسلطان

ليس هذا الممسوس والملموس
والجالس فى اخر الصفوف
والمقتول من الخوف
ليس هذا وطنى الكبير
ولكنة وطن ولى العهد والامير

يا بلادنا العربية اريد ان ارسل لكم رسالة شفوية
رسالة عفوية
ما سبب تخلفنا ونحن اغنى دول على الكرة الارضية
ونحن بلاد النفط والحرية
لماذا كل حكامنا يدعوا على شعبهم الالوهية

ليس لنا شبر ولازراع
ولا اهل ولا ولد
ليس لنا شيئا فى هذا البلد
نحن جمعيا كمالة عدد
ونحن السبب الاول والاخير فى كل مشاكل البلد
يقولون بعد عشرةاعوام
سوف نزيد عشرين مليون
ولا يقولون ماذا نفعل غدا وماذا نفعل اليوم
ليس لدينا تخطيط الا فى نهب البلد

ليس هذا الكائن الهزيل الضعيف
الجالس من يومين ينتظر الرغيف
هذا الحافى المرقع الثياب
الذى ينتظر الحسنة من كل باب
ليس هذا وطنى ولكنة وطن الخراب

ليس هذا الموزع على اشخاص
وكانة صنية كيكة او علبة جلاش
ليس هذا المسروق المنهوب والمقسم الى احواش
ليس هذا المجذوب الذى باع كل ما يملك ببلاش
هذاالوطن لم يكن يوما فقيرا ولكن كل الذى ينقصة الاخلاص
فى كل بلاد الدنيا تجرى الانتخابات بين اطراف
اما فى بلادنا هو طرف واحد وخلاص

ليس هذا الذى ينتظر ثورة الجياع
ليس هذا الذى يبحث فى الضياع عن ضياع
ليس هذا الوطن ولكنة الصداع

يا ايها الضايع والصايع
والجالس من عشرين عاما تنتظر التعيين
البلد غسلت يديها منك ومن الملايين
نحن بلد شهادات ولكننا لسنا متعلمين
من يرضى عنة الرئيس يتعين وزير اومحافظ او سفير
اما نحن ف لم نجد لنا مكان امام سيدنا الحسين
ويقولون هذا وطننا الكبير


ليس هذا الذى يدعى وطنى الكبير
الذى يعطى الغاز منحة لى اسرئيل
ويعتقل شعبة ويحاصر فلسطين
هذا المطعون بالسكين
الذى يلفظ نفسة الاخير
لم يعد فية ملامح تشبة ملامح وطنى الكبير

ليس هذا الوطن الذى باع كل ما يملك فى المزاد
منذ خمسين عاما وهو لم يخرج من دائرة الفساد
منذ خمسين عام والجلاد هو الجلاد
منذ خمسين عام وانا ابحث فى البلاد عن البلاد

ليس هذا الوطن الذى كنت ارسمة من وحى الخيال
وكنت العب معة وكانة طفل من الاطفال
ليس هذا الوطن الذى كان اذا غبت عنة ياخذنى بالاحضان
لم يعد هذا الوطن وطنى بل وطن النسيان والاحزان
لم يعد هذا الوطن وطنى ولكنة وطن الراقصة والطبال
لم يعد وطن الشعب ولكنة وطن الحاكم والسلطان

Anonymous said...

المصرى اليوم

مش الجريدة مع انى بحبها

وكل يوم بشتريها واقراها كلها

معارضة بذوق وادب فوق الوصف

مع انى بقترح عليهم يغيروا الاسم

لان المصرى اليوم معدش فخر

المصرى اليوم حزين

المصرى اليوم متعاس طين

المصرىكل يوم بيموت مرتين

مرة فى طبور العيش الصبح

والمرة التانية من القهر

لما بيشوف البلد بتنهار

وناس عايشة فى الجنة

وبتعدى من تحت بيوتهم الانهار

لما بيشوف السواد فى عز النهار

لما مبيقاش عارف الحلال من الحرام

لما يبقى الظلم هو سيد القرار

لما يبقىحل مشاكل البلد بضرب النار



يارب الطف بمصر ياعالم الاسرار




خبر سمعتة فى صباح دريم

الخبر بيقول تجار خردة

سرقوا من المقابر حديد

ومتسالش دخلو الزاى ع المتين

كل دة علشان سخين

خبر لا يصدقة عقل ولا دين

وقيس على كدة وشوف الغلب وصل لحد فين

نفسى اقول كلام مش كلامى

نفسى اقول كلام سمعة البقال

وكل اما اسالة ازاى الحال

يقولى خصلت تربية رياضية

قاعد ف الدكان ايشى بريزة وايشى ريال

والحمد للة على كل حال

نفسى اقول كلام ابو ياسر الكمسرى

اللى عندة خمس عيال

اللى بيمشى يكلم نفسة

وبقى دايما فى حالة توهان

نفسى اقول كلام مسعد الجزمجى

وكل اما اسالة اية الاخبار وازاى الحال

يرد يقولى الحال مال

بس انعملوا اية نحمدوة على كل حال

وادينا عايشين وع الغلب صابرين

ومش عارفين البلد ريحة فين

واحلف على مصحف ما اعرف

اذا كنا احنا عايشين ولا مدفونين


نفسى اقول كلام الحاجة امينة

بياعة العسلية

اللى قاعدة قدام المدرسة الابتدائية

اللى كل راس مالها

ميكملش سندوتش طعمية

اقول اية هو دة المصرى اليوم

اللى شايل الطين وشايف الويل

وشارب الذل هو دة اللى عمرة متعملة حساب
لسبب بسيط علشان هو مخلوق للعذاب

وربنا يكون فى عون المسئولين

بيتعبوا علشان الناس بقت كتير

وكفاية عليهم يحطوا قوانين

ايشى فى المرور وايشى فى الضرايب

متقلش يعنى احنا كنا ناقصين

الدولة بتستلف من الشعب طب حد يقول الشعب ايستلف من منين

Anonymous said...

الله عليك يا عبد الحميد
رفعت راس بلدنا
كلمات تعبر عن الواقع المر
(احزان مصر )