Friday, October 10, 2008

ارحل


أفلته من بين يدي .... حررته من كل وعوده

أغلقت خلفه الباب ولم أذرف أمامه دمعة


تأملته راحلا ولم أترجاه أن يعود بكلمة

وما إن غاب ... حتى سقطت أقنعتي ... تفجر حبي وتوقي

لن أدعي كذبا حين أقول أني بكيته بكل دموعي حتى لم يبق في جفني دمعة

رافقني طيفه في كل أحلامي مؤرقا سهاد ليلي

ظللت أتذكر .. صوته .... همساته ... ضحكاته ... نظراته


وددت لويعود ..


تمنيت أن يعود


لكن كان عليه أن يرحل

وجب عليه أن يرحل


لا لشيء ..


إلا لأني أحببته ..

ارحل

19 comments:

غروب said...

ايه ده مش مصدقه عيون

هى العوانس وقعت في الحب ولا ايه ؟؟؟؟

بس الكلام حلو اوووووى

احساسك جميل

تسلم ايدك

فلسطينية الهوى said...

ساسو :

المدونة نورت بجد .. بتشرفينا دايما بزيارتك

انا قلت بس اغير المود عالمدونة واقلبها عاطفي عشان محدش يحسبنا كائنات بلا قلوب ولا حاجة


سعيدة انها عجبتك

DINA ABBAS said...

كلمات مست قلبى بحق

بجد بوست راااااائع احيكى عليه

احساسك رائع فيها

تقبل تحياتى وتقديرى

كلام حسام said...

ولانك بصدق احببتيه قتلتيه
اشفق علينا من قوانين تسنها الظروف بلا رحمة وننفذها بوعي ممزق
لحظة الحب لن تعود ابدا فلما نتركها تفلت منا

nona said...

لية بس كدة يا بنتى باة احنا ما صدقنا نلاقى حد تحبية تروحى تقوليلة امشى
شكلك مصممة انك تفضلى عانس هههههههههههه
الكلمات جميلة و صادقة و لكن يجب ان نتمسك بالحب اكثر من ذلك

mahasen saber said...

يعنى حبيتوا ووقعتوا فى الحب ويوم ما تحبوا تقولوله ارحل
يا كارثه فعلا عايزين يبقوا عوانس
الا مين فيكن صاحبة هذا البوست عشان اطمن بس
...ربنا يرزقكم بالصالح وبعدين الدنيا واسعه ياما هتقولو لناس ااقعد وناس تانيه هترموهم برا حياتكم احتمال قوى بالشلوط..
ولاا يهمكم يا قمرات استمروا وابتسموا فانتم فى معمعة الحياه...

د. مونى said...

بوست عميق جدا وراقى بجد
رغم مضمونه الذى يبرز قسوة الحياة لكن عزيزتى هى الدنيا لا سلم يدوم بها ولا حرب، فلا يغرك ما منحت فإن عطاؤها سلب!!!!!

مـجـنـووون said...

الله علي الكلمات الجميله والفكرة المجنووونة

****************

سؤال بسيط أنتي تركتيه يذهب علشان خايفه عليه والا علشان جرحك ؟؟

لو كان علشان جرحك فممكن تسمحيه مدام بتحبيه وتديله الفرصه أنه يرجع ليكي مرة تانيه


ولو كنتي بتخافي عليه فتركيه

وهذا هو أسمي معاني الحب

*****************

بس الواضح من الكلام أن بطلت الكلام إلي كتباه بتحبه قوي

تقبلي مروري
مجنووون

mohamed said...

خد الشر وراح

فلسطينية الهوى said...

عاشقة الاستقرار :

جزاك الله خيرا لاطراءك الذي لا نستحقه

______________________

كلام حسام :

:) مش قتلته ولا حاجة

_________________

نونا :

لو كان حب كنا اتمسكنا بيه

بس دي خاطرة :D

_________________________

mahasen saber :

أنا صاحبة البوست :D

ومتقلقيش ده لسه في ناس كتير هنطيرهم برا حياتنا اصلنا اتخنقنا :)

سعيدة بزيارتك وتعليقك


_______________________

د. موني :

حقيقي تعليقك هو اللي عميق جدا مش البوست

وخصوصا : (فلا يغرك ما منحت فإن عطاؤها سلب ) عجبتني جدا

_________________

مجنون :


مش عارفة والله أنا تركته يذهب ليه

اصلها خاطرة جتلي فكتبتها دون البحث فيما وراءها


ولا أظن أني بحبه اوي لاني ببساطة لسه معرفوش :D

شكرا لمرورك

فلسطينية الهوى said...

محمد :

هنكسر وراه 7 قلل دونت ووري

l7zatelsafa said...

حلو قوى الكلام بتاعك ده
قد ايه كلماتك رائعة واحساسك أروع
وحلو فكرة التجديد
فعلا المدونة كانت محتاجة حركة زى دى
عشان ما يفتكروش انك منفسنة
وأحيكى على الكلام الجامد ده

weswes said...

الكلمات رقيقه جدا
تحياتى

هانى زينهم said...

ليه طيب ؟؟ الحب مش سهل كدة عشان حد يضيعه بمزاجه . بس الاحساس عالى قوى ولو ان ده ضد فكرة المدونة انتو قلتوا مش عايزين تتجوزوا والحب اول خيط فى الجواز ربنا يوفقكوا .

son's egypt said...

السلام عليكم
شئ صعب علي النفس ان يرحل عنها من تهوي ان تراة ولا تريد ان تفارقة

kochia said...

تركتيه يرحل لانك احببتيه ؟
الحب يستحق المجازفة
ان كان الامر لابد نافذا
اذن فلينفذ بعد نفاذ محاولاته

تحياتي

yoyo said...

امممممممم دا حب بقى
بس ليه لما نحب بالشكل دا نفرط فى الحب كدا الحب مش سهل اننا نلاقيه الزمن دا دا لو كان موجود يعنى

تحياتى
يويو

Anonymous said...

قاسيه

على نفسها و عليه

و هل تخاف الحب لذلك جعلته يرحل ؟؟

حاسوباتيه said...

يرحل ليه بس ماصدقنا يجي اصلا يقوم يرحل هههه بهزر معاكي
كلامك جميل فعلا ورقيق