مؤخرا كنت بفكر في العلاقات الانسانية وأسباب نجاحها وفشلها
وايه العمود الثابت في أي علاقة اللي من غيره الدنيا مش هتمشي
ووصلت في رأيي أن العمود الثابت هو الاحترام المتبادل
مفيش ثقة من غير احترام
مفيش حب من غير احترام
مفيش صداقة من غير احترام
مفيش شراكة من غير احترام
الاحترام هو اللي بيخلينا نراعي مشاعر الآخرين فمش نجرحهم
هو الدافع في أي شراكة إني ماخدش خطوة من غير رأي شريكي لاني بحترمه
هو السبب في البقاء على علاقتنا مع من نختلف معه في الرأي لاننا بنحترمه رغم اختلافنا
اللي بيخلي الانسان يغير من سلوكه وشخصيته عشان ميجرحش الاخرين
هو احترامه لمشاعرهم
الاحترام هو السبب اني متكلمش عن حد في غيابه
مجرحش في حد وأنقص من قدره أمام الناس
هو السبب اني مهما اختلفت مع الشخص ده لا أذكره الا بالخير عشان صورته لا تتشوه أمام أي إنسان رغم اني ممكن اكون زعلانة منه جدا
احترامي للاشخاص اللي بحبهم وبقدرهم هو السبب أني آخد رأيهم في أمور حياتي
حتى وإن كنت أرفضها باخدها عشان أظهر لهم احترامي لوجودهم في حياتي
الشعور الناتج عن فقدان الاحترام في العلاقات شعور سيء
انك تحترم شخص جدا وتكتشف أنه لا يبادلك هذا الاحترام .. او يبادلك ربعه مثلا
شعور سيء بيؤثر على أفكار كتير داخلك
على نظرتك لنفسك وحكمك للامور
لان الشخص اللي بتحترمه لا يحترمك
في داخل كل إنسان منا إنسان شغوف وحساس حتى لو لم يظهر ذلك
مفيش إنسان مجرد من العواطف
مراعتنا لهذا الانسان الشغوف في الداخل ومحاولتنا الاعلاء من قدر مشاعرهم
ده أكبر احترام له في نظري
ياريت دايما نحترم بعض :)
24 comments:
للأسف سيدتى
بالرغم من اهمية الإحترام كما ذكرتى
فانه السلوك الغائب عن مجتمعنا
وذلك سبب تخلفنا بين الأمم
تحياتى
نعم للإحترام أهمية كبرى فى حياتنا
أحيانا يكون فقدان الإحترام سببا لتفكك الأسرة
موضوع رائع
أحترم كلامك
دمتى بود
تحياتى
تخيلي فعلا اننا اول مرة اخد بالي من اهمية موضوع الاحترام دة
فعلا والله
لو كل واحد احترم نفسه مفيش مشاكل في الحياة وبالتالي هيكون كل الناس ماشية باحترامها
وفعلا زي مانتي قلتي كل العلاقات الانسانية سواء حب او زواج او عمل او صداقة اساسها الاحترام المتبادل وبدونه لا علاقات على الاطلاق
تحياتي
لمحة جامدة جدا بتاعة الاحترام ده
بجد انا ازاي مكنتش واخد بالي منها ؟
متشكر قوي علي لفت نظري للنقطة الهامة ده
عندك حق والله بس مين يسمع لو دخلتى عندى البلوج هتعرفي ازاى عانيت انا بسبب انعدام احترام الاخر
بحييكى انك طرحتى الموضوع ده واتمنى ان كل الناس تحترم بعضيها وتقدر ظروف بعضيهم
سلام
مش لاقية تعليق غير ان البوست رائع بجد
بس للاسف الاحترام غايب من كل المؤسسات التربوية علشان كدة اغلبنا ما بيعرفش يحترم غيرة
والاخترام اساس الحياه الزوجيه لا الحب ولا صينية البطاطس...
الاحترامبس ولو كل واحد احترم آدمية التانى اكاد اجزم ان نسبة الطلاق هتختفى بشكل كبير من حياتنا...
والاحترام فعلا اهم من الحب نفسه لانه هو اليى بيقوى كل العلاقات الانسانيه...
اتفق معكِ طبعا ان الاحترام هو اساس اي علاقة ناجحة في الحياة من اي نوع
وياليت يعرف الجميع ذلك
موضوع مميز ومفيد
تحياتي
السلام عليكم ورحمة الله وبركاته
مدونه جميله جدا بس انا اتفجعت من اسمها
بوست رائع وبيناقش موضوع مهم
كان معكى شباب من اسكندريه
JOKER
احنا لما بنحترم حد بنبقا فى الاول بنحترم نفسنا
و احترامنا للاخرين يجبرهم على احترامهم لنا
و نفسى افهم اية الاى هينقص مننا لو تعاملنا باحترام مع كل الناس باختلاف انواعهم انى كان كبير او صغير ان كان وزير او غفير
اما عدم احتلاامنا للناس فانة يقلل من شاننا وسط الناس و المجتمع
و اهم شى احترامنا لشركاء حياتنا فما معنى اننى احترم الناس خارج البيت و لا احترم مع من يشركنا حياتنا
موضوع مهم جدا لاننا بنعانى احيانا مع بعض الناس فى تلك القضية
و الرد بيكون انا بهزر مش قصدى اسخر من حد او اققل من احترامة
اليس السخرية هى عدم احترامنا لهذا الشخص
تقبلى تحياتى
انا شايف أنة مفتاح الابواب المغلقة
يعني مثلا لو فية حد مدمن وحبيت أنصحة
إذا كانت المعاملة محترمة هايحرج مني ويستجيب لنصيحتي
حتي لومش هايستجيب هاينكسف مثلا يدخن قدامي ،
وسرعان ما هيبطل .
وقيس علي كدة بقية المشاكل .
للاسف الاحترام اللى انتى بتقولى علية دة معدش موجود فى اى حتة خااالص لا مع صغير ولا حتى كبير يلا وادى ماشية وكلوا
على الله
سامو عليكوا
موضوع رائع جدا
فعلا الاحترام هو اساس كل حاجة واللى وصلناله فى كل علاقتنا من اصغرها لاكبرها غياب الاحترام
احترامنا لنفسنا ولغيرنا بيمنعنا من ارتكاب اخطاء كتيرة
اتمنى ان الاحترام يرجع لعلاقتنا كلها اكيد هنكون حاجة تانية
مدونتك متميزة
مش هعرف ارد عليكم واحد واحد
بس أنا سعيدة أن الموضوع عجبكم بهذا الشكل
وسعيدة اني كنت سبب اني نبهت ولو فرد واحد لأهمية احترام الآخر في حياتنا
شكرا لكم جميعا
تصدقوا يا عيال ممكن يكون ده اللى فرق معانا ( الاحترام)
عجيبه
وفيما العجب ؟؟؟؟؟
حلوين انتوا
احلي من الاحترام مفيش
كاس علي كاس الاحترام هو الاساس
احييكي علي هذا الموضوع المحترم
معاكي تماما في اللي قلتيه
لكن للاسف اعتقد انه بقى عملة جدااا الاحترام دا مش بس من ناحية احترام الاخر وقبوله وتقبل رايه مهما اختلفنا معاه ، لكن دا حتى لو حنتكلم عن احترام الذات، احترام البني آدم لنفسه من حيث المظهر وحتى الجوهر اللي بينعكس في التصرفات اللي بتظهرلنا
للاسف!!!
معاكِ كل الحق يااية
ان لم يكن هناك احترام متبادل بين اي طرفين في اى علاقة فالفشل حليفهما في النهاية
أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة من 19 إلى 24 أكتوبر
شكرا لتعاونك
lobnabona@yahoo.com
مررت بالصدفة
احسست بالراحة
مدونة جميلة
لكى احترامى
موضوع هام جدا احييكى بشده على طرحه
فالاحترام اساس كل شئ فى هذه الحياه فبدونه تتغير معايير كل شئ وتتبدل
واتمنى مثلكى تماما ان يسود الاحترام بيننا دوما كى نستطيع ان نحيا
لكى منى كل التحيه والتقدير
مفيش افضل من الاحترام
^_^
بس الاحترام شىء مفتقد عند ناس كتييير والله اعلم السبب ايه
ربما ينبع من الجو العام بعدم احترام ادمية الانسان؟!!! ربما..
تحياتى لك.
اختى الجميلة
جميل ان نحرك ذلك الموضوع بالذات واحييك على اثارته فكما هو واضح فى عالمنا الذى بدا الاعتراف بلا للاحترام
وهذا ما يثير الدهشة
اذا نظرا للوراء ستدين ان حتى الاعداء كانوا يكنون الاحترام لبعضهم البعض
احترمك اذن انا احترم مبادئك احترم اراؤك احترمك انسانيتك
احترمك لاننى من طبعى محترم ولا اقبل بكل الاشكال الا يحترنى الجانب الاخر
احترمك لانك تحمل كل صفات الادمية واولها الاحترام
هكذا لابد ان تسير الحياة
لكل منا عالمه ومبادؤه واراؤه
لكل منا (هو) الذى يحبه ولا يقبل من احد اهانته
جميل ان يكون الاحترام شعار لادميتنا
عامل الناس كما تحب ان يعاملوك
لكى خالص احترامى :)
من بعيد ..بكتبلك
عاملين ايه فى المذاكره واضح انها شاغلاكم ....
شدوا حيلكم ربنا يوفقكم وينجحكوا ان شاء الله
........
Post a Comment