Wednesday, October 15, 2008

الاحترام



مؤخرا كنت بفكر في العلاقات الانسانية وأسباب نجاحها وفشلها


وايه العمود الثابت في أي علاقة اللي من غيره الدنيا مش هتمشي

ووصلت في رأيي أن العمود الثابت هو الاحترام المتبادل


مفيش ثقة من غير احترام

مفيش حب من غير احترام

مفيش صداقة من غير احترام

مفيش شراكة من غير احترام


الاحترام هو اللي بيخلينا نراعي مشاعر الآخرين فمش نجرحهم

هو الدافع في أي شراكة إني ماخدش خطوة من غير رأي شريكي لاني بحترمه


هو السبب في البقاء على علاقتنا مع من نختلف معه في الرأي لاننا بنحترمه رغم اختلافنا

اللي بيخلي الانسان يغير من سلوكه وشخصيته عشان ميجرحش الاخرين
هو احترامه لمشاعرهم


الاحترام هو السبب اني متكلمش عن حد في غيابه


مجرحش في حد وأنقص من قدره أمام الناس


هو السبب اني مهما اختلفت مع الشخص ده لا أذكره الا بالخير عشان صورته لا تتشوه أمام أي إنسان رغم اني ممكن اكون زعلانة منه جدا


احترامي للاشخاص اللي بحبهم وبقدرهم هو السبب أني آخد رأيهم في أمور حياتي
حتى وإن كنت أرفضها باخدها عشان أظهر لهم احترامي لوجودهم في حياتي

الشعور الناتج عن فقدان الاحترام في العلاقات شعور سيء


انك تحترم شخص جدا وتكتشف أنه لا يبادلك هذا الاحترام .. او يبادلك ربعه مثلا
شعور سيء بيؤثر على أفكار كتير داخلك
على نظرتك لنفسك وحكمك للامور
لان الشخص اللي بتحترمه لا يحترمك

في داخل كل إنسان منا إنسان شغوف وحساس حتى لو لم يظهر ذلك
مفيش إنسان مجرد من العواطف

مراعتنا لهذا الانسان الشغوف في الداخل ومحاولتنا الاعلاء من قدر مشاعرهم

ده أكبر احترام له في نظري

ياريت دايما نحترم بعض :)



24 comments:

blue-wave said...

للأسف سيدتى
بالرغم من اهمية الإحترام كما ذكرتى
فانه السلوك الغائب عن مجتمعنا
وذلك سبب تخلفنا بين الأمم
تحياتى

mohamed ghalia said...

نعم للإحترام أهمية كبرى فى حياتنا
أحيانا يكون فقدان الإحترام سببا لتفكك الأسرة
موضوع رائع
أحترم كلامك
دمتى بود
تحياتى

AHMED SAMIR said...

تخيلي فعلا اننا اول مرة اخد بالي من اهمية موضوع الاحترام دة
فعلا والله
لو كل واحد احترم نفسه مفيش مشاكل في الحياة وبالتالي هيكون كل الناس ماشية باحترامها
وفعلا زي مانتي قلتي كل العلاقات الانسانية سواء حب او زواج او عمل او صداقة اساسها الاحترام المتبادل وبدونه لا علاقات على الاطلاق
تحياتي

أحمد عبد الفتاح said...

لمحة جامدة جدا بتاعة الاحترام ده
بجد انا ازاي مكنتش واخد بالي منها ؟
متشكر قوي علي لفت نظري للنقطة الهامة ده

غروب said...

عندك حق والله بس مين يسمع لو دخلتى عندى البلوج هتعرفي ازاى عانيت انا بسبب انعدام احترام الاخر

بحييكى انك طرحتى الموضوع ده واتمنى ان كل الناس تحترم بعضيها وتقدر ظروف بعضيهم

سلام

jehan said...

مش لاقية تعليق غير ان البوست رائع بجد


بس للاسف الاحترام غايب من كل المؤسسات التربوية علشان كدة اغلبنا ما بيعرفش يحترم غيرة

mahasen saber said...

والاخترام اساس الحياه الزوجيه لا الحب ولا صينية البطاطس...
الاحترامبس ولو كل واحد احترم آدمية التانى اكاد اجزم ان نسبة الطلاق هتختفى بشكل كبير من حياتنا...
والاحترام فعلا اهم من الحب نفسه لانه هو اليى بيقوى كل العلاقات الانسانيه...

kochia said...

اتفق معكِ طبعا ان الاحترام هو اساس اي علاقة ناجحة في الحياة من اي نوع

وياليت يعرف الجميع ذلك
موضوع مميز ومفيد
تحياتي

شبــ اون لاين ـــاب said...

السلام عليكم ورحمة الله وبركاته
مدونه جميله جدا بس انا اتفجعت من اسمها
بوست رائع وبيناقش موضوع مهم

كان معكى شباب من اسكندريه

JOKER

nona said...

احنا لما بنحترم حد بنبقا فى الاول بنحترم نفسنا
و احترامنا للاخرين يجبرهم على احترامهم لنا
و نفسى افهم اية الاى هينقص مننا لو تعاملنا باحترام مع كل الناس باختلاف انواعهم انى كان كبير او صغير ان كان وزير او غفير
اما عدم احتلاامنا للناس فانة يقلل من شاننا وسط الناس و المجتمع

و اهم شى احترامنا لشركاء حياتنا فما معنى اننى احترم الناس خارج البيت و لا احترم مع من يشركنا حياتنا
موضوع مهم جدا لاننا بنعانى احيانا مع بعض الناس فى تلك القضية
و الرد بيكون انا بهزر مش قصدى اسخر من حد او اققل من احترامة
اليس السخرية هى عدم احترامنا لهذا الشخص
تقبلى تحياتى

Anonymous said...

انا شايف أنة مفتاح الابواب المغلقة

يعني مثلا لو فية حد مدمن وحبيت أنصحة

إذا كانت المعاملة محترمة هايحرج مني ويستجيب لنصيحتي

حتي لومش هايستجيب هاينكسف مثلا يدخن قدامي ،

وسرعان ما هيبطل .

وقيس علي كدة بقية المشاكل .

اهالينا زهقوا يربونا said...

للاسف الاحترام اللى انتى بتقولى علية دة معدش موجود فى اى حتة خااالص لا مع صغير ولا حتى كبير يلا وادى ماشية وكلوا
على الله



سامو عليكوا

ايمان العرفاوي said...

موضوع رائع جدا
فعلا الاحترام هو اساس كل حاجة واللى وصلناله فى كل علاقتنا من اصغرها لاكبرها غياب الاحترام
احترامنا لنفسنا ولغيرنا بيمنعنا من ارتكاب اخطاء كتيرة
اتمنى ان الاحترام يرجع لعلاقتنا كلها اكيد هنكون حاجة تانية
مدونتك متميزة

فلسطينية الهوى said...

مش هعرف ارد عليكم واحد واحد

بس أنا سعيدة أن الموضوع عجبكم بهذا الشكل

وسعيدة اني كنت سبب اني نبهت ولو فرد واحد لأهمية احترام الآخر في حياتنا

شكرا لكم جميعا

اهالينا زهقوا يربونا said...

تصدقوا يا عيال ممكن يكون ده اللى فرق معانا ( الاحترام)

عجيبه

وفيما العجب ؟؟؟؟؟

حلوين انتوا

مخنوق كيك said...

احلي من الاحترام مفيش

كاس علي كاس الاحترام هو الاساس

احييكي علي هذا الموضوع المحترم

أحلى حياة said...

معاكي تماما في اللي قلتيه
لكن للاسف اعتقد انه بقى عملة جدااا الاحترام دا مش بس من ناحية احترام الاخر وقبوله وتقبل رايه مهما اختلفنا معاه ، لكن دا حتى لو حنتكلم عن احترام الذات، احترام البني آدم لنفسه من حيث المظهر وحتى الجوهر اللي بينعكس في التصرفات اللي بتظهرلنا
للاسف!!!

Anonymous said...

معاكِ كل الحق يااية

ان لم يكن هناك احترام متبادل بين اي طرفين في اى علاقة فالفشل حليفهما في النهاية

Anonymous said...

أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة من 19 إلى 24 أكتوبر
شكرا لتعاونك

lobnabona@yahoo.com

احمد عبد السلام said...

مررت بالصدفة
احسست بالراحة
مدونة جميلة
لكى احترامى

DINA ABBAS said...

موضوع هام جدا احييكى بشده على طرحه

فالاحترام اساس كل شئ فى هذه الحياه فبدونه تتغير معايير كل شئ وتتبدل

واتمنى مثلكى تماما ان يسود الاحترام بيننا دوما كى نستطيع ان نحيا

لكى منى كل التحيه والتقدير

رؤية said...

مفيش افضل من الاحترام
^_^

بس الاحترام شىء مفتقد عند ناس كتييير والله اعلم السبب ايه
ربما ينبع من الجو العام بعدم احترام ادمية الانسان؟!!! ربما..

تحياتى لك.

Unknown said...

اختى الجميلة
جميل ان نحرك ذلك الموضوع بالذات واحييك على اثارته فكما هو واضح فى عالمنا الذى بدا الاعتراف بلا للاحترام
وهذا ما يثير الدهشة
اذا نظرا للوراء ستدين ان حتى الاعداء كانوا يكنون الاحترام لبعضهم البعض

احترمك اذن انا احترم مبادئك احترم اراؤك احترمك انسانيتك

احترمك لاننى من طبعى محترم ولا اقبل بكل الاشكال الا يحترنى الجانب الاخر
احترمك لانك تحمل كل صفات الادمية واولها الاحترام
هكذا لابد ان تسير الحياة
لكل منا عالمه ومبادؤه واراؤه
لكل منا (هو) الذى يحبه ولا يقبل من احد اهانته

جميل ان يكون الاحترام شعار لادميتنا

عامل الناس كما تحب ان يعاملوك

لكى خالص احترامى :)

من بعيد ..بكتبلك

mahasen saber said...

عاملين ايه فى المذاكره واضح انها شاغلاكم ....
شدوا حيلكم ربنا يوفقكم وينجحكوا ان شاء الله
........